ਭਾਰਤ ਵਿਰੁੱਧ ਵਾਰਮ-ਅੱਪ ਮੈਚ ਸ੍ਰੀਲੰਕਾਈ ਟੀਮ ਦਾ ਐਲਾਨ
– ਤਿੰਨ ਦਿਨਾ ਵਾਰਮ-ਅੱਪ ਮੈਚ ਕੱਲ੍ਹ ਤੋਂ ਸ਼ੁਰੂ, ਕੋਲੰਬੋ ‘ਚ ਆਹਮੋ-ਸਾਹਮਣੇ ਹੋਣਗੀਆਂ ਟੀਮਾਂ
ਨਵੀ ਦਿੱਲੀ, 6 ਅਗਸਤ 2026 (ਵਿਸ਼ਵ ਵਾਰਤਾ): ਸ੍ਰੀਲੰਕਾ ਦੌਰੇ ‘ਤੇ ਗਈ ਭਾਰਤੀ ਟੀਮ ਸ਼ੁੱਕਰਵਾਰ ਤੋਂ ਕੋਲੰਬੋ ਵਿੱਚ ਤਿੰਨ ਦਿਨਾ ਵਾਰਮ-ਅੱਪ ਮੈਚ ਖੇਡੇਗੀ। ਇਹ ਮੁਕਾਬਲਾ ਨੌਨਡੇਸਕ੍ਰਿਪਟਸ ਕ੍ਰਿਕਟ ਕਲੱਬ ਮੈਦਾਨ ‘ਤੇ ਸ੍ਰੀਲੰਕਾ ਇਲੈਵਨ ਖ਼ਿਲਾਫ਼ ਖੇਡਿਆ ਜਾਵੇਗਾ। ਇਹ ਮੈਚ 15 ਅਗਸਤ ਤੋਂ ਸ਼ੁਰੂ ਹੋਣ ਵਾਲੀ ਦੋ ਟੈਸਟ ਮੈਚਾਂ ਦੀ ਲੜੀ ਦੀਆਂ ਤਿਆਰੀਆਂ ਦਾ ਅਹਿਮ ਹਿੱਸਾ ਹੋਵੇਗਾ।ਇਸ ਮੈਚ ਵਿੱਚ ਭਾਰਤੀ ਬੱਲੇਬਾਜ਼ਾਂ ਦਾ ਸਭ ਤੋਂ ਵੱਡਾ ਫੋਕਸ ਸਪਿਨ ਗੇਂਦਬਾਜ਼ੀ ਖ਼ਿਲਾਫ਼ ਆਪਣੀ ਤਕਨੀਕ ਨੂੰ ਹੋਰ ਮਜ਼ਬੂਤ ਕਰਨਾ ਰਹੇਗਾ।
7 ਅਗਸਤ ਤੋਂ ਕੋਲੰਬੋ ਦੇ ਐੱਨ.ਸੀ.ਸੀ. (NCC) ਗਰਾਊਂਡ ‘ਤੇ ਤਿੰਨ ਦਿਨਾ ਵਾਰਮ-ਅੱਪ ਮੈਚ ਲਈ ਸ੍ਰੀਲੰਕਾ ਕ੍ਰਿਕਟ ਯਾਨੀ SLC ਨੇ ਆਪਣੀ 15 ਮੈਂਬਰੀ SLC XI ਟੀਮ ਦਾ ਐਲਾਨ ਕਰ ਦਿੱਤਾ ਹੈ, ਜਿਸ ਦੀ ਕਮਾਨ ਨੌਜਵਾਨ ਆਲਰਾਊਂਡਰ ਸੋਨਲ ਦਿਨੁਸ਼ਾ ਨੂੰ ਸੌਂਪੀ ਗਈ ਹੈ।
ਕਪਤਾਨ ਸੋਨਲ ਦਿਨੁਸ਼ਾ ਤੋਂ ਇਲਾਵਾ ਤੇਜ਼ ਗੇਂਦਬਾਜ਼ ਲਾਹਿਰੂ ਕੁਮਾਰਾ ਅਤੇ ਵਿਸ਼ਵਾ ਫਰਨਾਂਡੋ, ਆਫ਼ ਸਪਿਨਰ ਰਮੇਸ਼ ਮੈਂਡਿਸ, ਬੱਲੇਬਾਜ਼ ਨਿਸ਼ਾਨ ਮਧੁਸ਼ਕਾ, ਪਵਨ ਰਤਨਾਇਕੇ ਅਤੇ ਵਿਕਟਕੀਪਰ ਅੰਜਲਾ ਬੰਡਾਰਾ ਵਰਗੇ ਖਿਡਾਰੀ ਟੀਮ ਦਾ ਹਿੱਸਾ ਹਨ। ਇਸ ਤੋਂ ਇਲਾਵਾ ਖੱਬੇ ਹੱਥ ਦੇ ਸਪਿਨਰ ਦਿਲੁਮ ਸੁਦੀਰਾ ਅਤੇ ਤੇਜ਼ ਗੇਂਦਬਾਜ਼ ਕੇਸਰਾ ਨੁਵਾਂਥਾ ‘ਤੇ ਵੀ ਸਭ ਦੀਆਂ ਨਜ਼ਰਾਂ ਰਹਿਣਗੀਆਂ।
SLC XI ਟੀਮ:
ਨਿਸ਼ਾਨ ਮਧੁਸ਼ਕਾ, ਰਵਿੰਦੂ ਰਸ਼ੰਤਾ, ਪਸਿੰਦੂ ਸੋਰੀਆਬੰਦਰਾ, ਪਵਨ ਰਤਨਾਇਕੇ, ਅਹਾਨ ਵਿਕਰਮਸਿੰਘੇ, ਸੋਨਲ ਦਿਨੁਸ਼ਾ (ਕਪਤਾਨ), ਅੰਜਲਾ ਬੰਡਾਰਾ (ਵਿਕਟਕੀਪਰ), ਨਿਪੁਣ ਧਨੰਜੇ, ਲਾਹਿਰੂ ਕੁਮਾਰਾ, ਵਿਸ਼ਵਾ ਫਰਨਾਂਡੋ, ਅਸੰਕਾ ਮਨੋਜ, ਇਸਿਥਾ ਵਿਜੇਸੁੰਦਰਾ, ਰਮੇਸ਼ ਮੈਂਡਿਸ, ਕੇਸਰਾ ਨੁਵਾਂਥਾ ਅਤੇ ਦਿਲੁਮ ਸੁਦੀਰਾ।
