IPL 2026 ਵਿੱਚ ਚੇਨਈ ਸੁਪਰ ਕਿੰਗਜ਼ ਦੀ ਲਗਾਤਾਰ ਤੀਜੀ ਹਾਰ : ਰਾਇਲ ਚੈਲੇਂਜਰਜ਼ ਬੰਗਲੁਰੂ ਨੇ 43 ਦੌੜਾਂ ਨਾਲ ਹਰਾਇਆ
ਟਿਮ ਡੇਵਿਡ ਨੇ ਕੀਤੀ ਸ਼ਾਨਦਾਰ ਬੱਲੇਬਾਜ਼ੀ ; ਭੁਵਨੇਸ਼ਵਰ ਕੁਮਾਰ ਨੇ ਲਈਆਂ 3 ਵਿਕਟਾਂ
ਚੰਡੀਗੜ੍ਹ, 5 ਅਪ੍ਰੈਲ(ਵਿਸ਼ਵ ਵਾਰਤਾ) ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦਾ 11ਵਾਂ ਮੈਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਅਤੇ ਚੇਨਈ ਸੁਪਰ ਕਿੰਗਜ਼ ਵਿਚਕਾਰ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਖੇਡਿਆ ਗਿਆ, ਜਿੱਥੇ ਚੇਨਈ ਸੁਪਰ ਕਿੰਗਜ਼ ਨੂੰ (ਸੀਐਸਕੇ) ਨੂੰ ਆਈਪੀਐਲ ਵਿੱਚ ਲਗਾਤਾਰ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਟੀਮ ਨੂੰ ਰਾਇਲ ਚੈਲੇਂਜਰਜ਼ ਬੰਗਲੁਰੂ ਨੇ 43 ਦੌੜਾਂ ਨਾਲ ਹਰਾਇਆ।
ਐਤਵਾਰ ਨੂੰ ਦੂਜੇ ਮੈਚ ਵਿੱਚ ਟਾਸ ਹਾਰਨ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਆਰਸੀਬੀ ਨੇ ਕੁੱਲ 250 ਦੌੜਾਂ ਬਣਾਈਆਂ। ਇਹ ਸੀਜ਼ਨ ਦਾ ਸਭ ਤੋਂ ਵੱਡਾ ਸਕੋਰ ਹੈ।
ਆਰਸੀਬੀ ਲਈ ਟਿਮ ਡੇਵਿਡ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ, ਉਸਨੇ ਸਿਰਫ਼ 25 ਗੇਂਦਾਂ ‘ਤੇ 70 ਦੌੜਾਂ ਬਣਾਈਆਂ। ਕਪਤਾਨ ਰਜਤ ਪਾਟੀਦਾਰ ਨੇ 48 ਦੌੜਾਂ ਦਾ ਯੋਗਦਾਨ ਪਾਇਆ, ਉਸ ਤੋਂ ਬਾਅਦ ਫਿਲ ਸਾਲਟ ਨੇ 46, ਵਿਰਾਟ ਕੋਹਲੀ ਨੇ 28 ਅਤੇ ਦੇਵਦੱਤ ਪਾਡੀਕਲ ਨੇ 50 ਦੌੜਾਂ ਬਣਾਈਆਂ। ਟੀਮ ਲਈ ਭੁਵਨੇਸ਼ਵਰ ਕੁਮਾਰ ਨੇ 3 ਵਿਕਟਾਂ ਲਈਆਂ, ਜਦੋਂ ਕਿ ਅਭਿਨੰਦਨ ਸਿੰਘ, ਜੈਕਬ ਡਫੀ ਅਤੇ ਕਰੁਣਾਲ ਪੰਡਯਾ ਨੇ 2-2 ਵਿਕਟਾਂ ਲਈਆਂ।
ਜਿਸ ਤੋਂ ਬਾਅਦ ਚੇਨਈ ਦੀ ਟੀਮ ਸਿਰਫ਼ 207 ਦੌੜਾਂ ਹੀ ਬਣਾ ਸਕੀ। ਸੀਐਸਕੇ ਲਈ, ਪ੍ਰਸ਼ਾਂਤ ਵੀਰ ਨੇ 43 ਦੌੜਾਂ ਬਣਾਈਆਂ ਅਤੇ ਜੈਮੀ ਓਵਰਟਨ ਨੇ 37 ਦੌੜਾਂ ਦਾ ਯੋਗਦਾਨ ਪਾਇਆ। ਓਵਰਟਨ, ਅੰਸ਼ੁਲ ਕੰਬੋਜ ਅਤੇ ਸ਼ਿਵਮ ਦੂਬੇ ਨੇ ਇੱਕ-ਇੱਕ ਵਿਕਟ ਲਈ। ਦੱਸ ਦਈਏ ਕਿ ਇਸ ਮੈਚ ਤੋਂ ਪਹਿਲਾਂ, ਟੀਮ ਨੂੰ ਰਾਜਸਥਾਨ ਰਾਇਲਜ਼ ਅਤੇ ਪੰਜਾਬ ਕਿੰਗਜ਼ ਦੇ ਖਿਲਾਫ ਵੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
