ਮਸ਼ਹੂਰ ਗਾਇਕ ਸੋਨੂ ਨਿਗਮ ਦੀ ਹੋਈ ਸਰਜਰੀ; ਦਰਦ ‘ਚ ਵੀ ਨਹੀਂ ਹਾਰੇ ਹਿੰਮਤ
– ਸਰਜਰੀ ਦੌਰਾਨ ਗਾਇਆ ਗਾਣਾ; ਹਸਪਤਾਲ ਦੇ ਬੈੱਡ ਤੋਂ ਵੀਡੀਓ ਆਈ ਸਾਹਮਣੇ
ਮੁੰਬਈ, 9 ਅਗਸਤ 2026 (ਵਿਸ਼ਵ ਵਾਰਤਾ) : ਮਸ਼ਹੂਰ ਗਾਇਕ ਸੋਨੂ ਨਿਗਮ ਨੇ ਹਾਲ ਹੀ ਵਿੱਚ ਹਸਪਤਾਲ ਤੋਂ ਇੱਕ ਵੀਡੀਓ ਸ਼ੇਅਰ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਆਪਣੇ ਡਾਕਟਰ ਅਤੇ ਮੈਡੀਕਲ ਟੀਮ ਲਈ ਮੁਹੰਮਦ ਰਫ਼ੀ ਦਾ ਇੱਕ ਕਲਾਸਿਕ ਗਾਣਾ ਗਾਇਆ। ਔਖੇ ਹਾਲਾਤ ਵਿੱਚ ਵੀ ਸੋਨੂ ਨਿਗਮ ਨੇ ਹਿੰਮਤ ਨਹੀਂ ਹਾਰੀ। ਦਰਦ ਦੇ ਬਾਵਜੂਦ ਉਨ੍ਹਾਂ ਨੇ ਗਾਣਾ ਗਾਇਆ ਅਤੇ ਇਸ ਤਜਰਬੇ ਨੂੰ ‘ਜੌਏ ਆਫ਼ ਮਿਊਜ਼ਿਕ’ ਦੱਸਿਆ। ਉਨ੍ਹਾਂ ਦੀ ਇਸ ਅਨੋਖੀ ਪਰਫ਼ਾਰਮੈਂਸ ਨੇ ਪ੍ਰਸ਼ੰਸਕਾਂ ਦਾ ਧਿਆਨ ਖਿੱਚਿਆ ਹੈ, ਜੋ ਉਨ੍ਹਾਂ ਦੇ ਜਲਦ ਠੀਕ ਹੋਣ ਦੀ ਅਰਦਾਸ ਕਰ ਰਹੇ ਹਨ।
ਸੋਨੂ ਨਿਗਮ ਨੇ ਵੀਡੀਓ ਸ਼ੇਅਰ ਕਰਕੇ ਲਿਖਿਆ “ਮੇਰੀ ਸਰਜਰੀ ਦੌਰਾਨ ਪਿਆਰੇ ਡਾਕਟਰ ਨੀਲੇਸ਼ ਸਤਭਾਈ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਲਈ ਅਚਾਨਕ ਇੱਕ ਛੋਟੀ ਜਿਹੀ ਪਰਫ਼ਾਰਮੈਂਸ ਦਿੱਤੀ। ਦਰਦ ਵਿੱਚ ਵੀ ਗਾਇਆ, ਕਿਉਂਕਿ ਸੰਗੀਤ ਦੀ ਖ਼ੁਸ਼ੀ ਸਭ ਤੋਂ ਵੱਖਰੀ ਹੈ!”
ਦੱਸ ਦਈ ਕਿ ਸਾਂਝੀ ਕੀਤੀ ਗਈ ਵੀਡੀਓ ਵਿੱਚ ਸੋਨੂ ਨੂੰ ਹਸਪਤਾਲ ਦੇ ਬੈੱਡ ‘ਤੇ ਦੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਦੀ ਸਰਜਰੀ ਚੱਲ ਰਹੀ ਹੈ ਅਤੇ ਸੋਨੂ ਮੁਹੰਮਦ ਰਫ਼ੀ ਦਾ ‘ਸੁਹਾਨੀ ਰਾਤ ਢਲ ਚੁਕੀ’ ਗਾਣਾ ਗਾ ਰਹੇ ਹਨ। ਇਹ ਗਾਣਾ ਫਿਲਮ ‘ਦੁਲਾਰੀ’ ਦਾ ਹੈ। ਇਹ ਫਿਲਮ 1949 ਵਿੱਚ ਰਿਲੀਜ਼ ਹੋਈ ਸੀ। ਸੋਨੂ ਨਿਗਮ ਦੀ ਸਰਜਰੀ ਤੋਂ ਬਾਅਦ ਮਨੋਰੰਜਨ ਜਗਤ ਦੀਆਂ ਮਸ਼ਹੂਰ ਹਸਤੀਆਂ ਅਤੇ ਪ੍ਰਸ਼ੰਸ਼ਕ ਉਨ੍ਹਾਂ ਦੇ ਜਲਦ ਠੀਕ ਹੋਣ ਦੀ ਕਾਮਨਾ ਕਰ ਰਹੇ ਹਨ ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
