ਇੰਟੈਲੀਜੈਂਸ ਵਿਭਾਗ ਵਿਚ ਤਾਇਨਾਤ ਸਬ ਇੰਸਪੈਕਟਰ ਪ੍ਰਤਾਪ ‘ਪਾਰਸ’ ਦੀ ਪੁਸਤਕ ‘ਹਸਰਤ’ Special DGP ਇੰਟਰਨਲ ਸਕਿਉਰਟੀ ਆਰ ਐਨ ਢੋਕੇ IPS ਵੱਲੋਂ ਰਿਲੀਜ਼
ਚੰਡੀਗੜ੍ਹ, 15 ਮਾਰਚ (ਵਿਸ਼ਵ ਵਾਰਤਾ):- ਬੀਤੇ ਦਿਨ ਪੰਜਾਬ ਪੁਲਿਸ ਦੇ ਇੰਟੈਲੀਜੈਂਸ ਵਿਭਾਗ ਵਿਚ ਤਾਇਨਾਤ ਸਬ ਇੰਸਪੈਕਟਰ ਪ੍ਰਤਾਪ ‘ਪਾਰਸ’ ਵੱਲੋਂ ਲਿਖੀ ਗਈ ਗ਼ਜ਼ਲਾਂ ਦੀ ਪੁਸਤਕ ‘ਹਸਰਤ’ ਸਪੈਸ਼ਲ DGP ਇੰਟਰਨਲ ਸਕਿਉਰਟੀ ਆਰ ਐਨ ਢੋਕੇ IPS ਵੱਲੋਂ ਆਪਣੇ ਦਫਤਰ ਵਿਚ ਇਕ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਰਿਲੀਜ਼ ਕੀਤੀ ਗਈ। ਜਿਸ ‘ਤੇ ਲੇਖਕ ਪ੍ਰਤਾਪ ਪਾਰਸ ਨੇ ਦੱਸਿਆ ਕਿ ਇਹ ਮੇਰੀ ਦੂਸਰੀ ਪੁਸਤਕ ਹੈ।
ਮੇਰੀ ਪਹਿਲੀ ਪੁਸਤਕ ‘ਮੇਰੀਆਂ ਗ਼ਜ਼ਲਾਂ ਮੇਰੇ ਗੀਤ’ ਅਪ੍ਰੈਲ 2022 ਵਿਚ ਆਈ ਸੀ ਜਿਸ ਨੂੰ ਪਾਠਕਾਂ ਵੱਲੋਂ ਅਥਾਹ ਪਿਆਰ ਮਿਲਣ ‘ਤੇ ਮੈਂ ਇਹ ਦੂਸਰੀ ਪੁਸਤਕ ਆਪਣੇ ਪਾਠਕਾਂ ਦੇ ਸਨਮੁੱਖ ਕਰ ਰਿਹਾ ਹਾਂ। ਇਸ ਪੁਸਤਕ ਵਿਚ ਸਮਾਜ ਵਿਚ ਵਾਪਰ ਰਹੇ ਵਰਤਾਰੇ ਨੂੰ ਬਿਆਨ ਕਰਨ ਤੋਂ ਇਲਾਵਾ ਮੈਂ ਜੀਵਨ ਦੇ ਸੂਖਮ ਪਹਿਲੂਆਂ ਨੂੰ ਵੀ ਵਰਨਣ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਮੈਨੂੰ ਇਸ ਪੁਸਤਕ ਲਈ ਜਿੱਥੇ ਮਾਨਯੋਗ ਸਪੈਸ਼ਲ ਡੀ ਜੀ ਪੀ ਸਾਹਿਬ ਨੇ ਵਧਾਈ ਦਿੱਤੀ ਉਥੇ ਮਹਿਕਮੇ ਵੱਲੋਂ ਉਤਸ਼ਾਹਿਤ ਕਰਨ ਲਈ ਬਣਦਾ ਮਾਨ ਸਨਮਾਨ ਦੇਣ ਦੀ ਗੱਲ ਵੀ ਕਹੀ।
ਇਸ ਮੌਕੇ ‘ਤੇ ਸਪੈਸ਼ਲ DGP ਆਰ ਐਨ ਢੋਕੇ ਆਈ ਪੀ ਐਸ ਤੋਂ ਇਲਾਵਾ ਏ ਡੀ ਜੀ ਪੀ ਇੰਟਰਨਲ ਸਕਿਉਰਟੀ ਸ੍ਰੀ ਐਸ ਕੇ ਵਰਮਾ ਆਈ ਪੀ ਐਸ,ਏ ਆਈ ਜੀ ਕਾਊਂਟਰ ਇੰਟੈਲੀਜੈਂਸ ਸ੍ਰੀ ਕੇ ਐਸ ਗਿਲ,ਡੀ ਐਸ ਪੀ ਸ੍ਰੀ ਪਵਨ ਕੁਮਾਰ, ਡੀ ਐਸ ਪੀ ਸ੍ਰੀ ਮਨਦੀਪ ਸਿੰਘ,ਪੀ ਏ ਟੂ ਸਪੈਸ਼ਲ ਡੀ ਜੀ ਪੀ ਇੰਟਰਨਲ ਸਕਿਉਰਟੀ ਸ੍ਰੀ ਰਾਜਨ ਭੱਲਾ,ਰੀਡਰ ਸ੍ਰੀ ਗੁਰਵਿੰਦਰ ਸਿੰਘ,ਇੰਸਪੈਕਟਰ ਸੁਖਜੀਤ ਸਿੰਘ,ਇੰਸਪੈਕਟਰ ਰਵਿੰਦਰ ਸਿੰਘ,ਪੀ ਐਸ ਓ ਐਸ ਆਈ ਰਾਕੇਸ਼ ਕੁਮਾਰ,ਏ ਐਸ ਆਈ ਸੁਖਚੈਨ ਨਾਥ,ਏ ਐਸ ਆਈ ਅਮਰਜੀਤ ਸਿੰਘ,ਹੌਲਦਾਰ ਗੁਵਿੰਦਰ ਸਿੰਘ ਆਦਿ ਹਾਜਰ ਹੋਏ।
ਪੁਸਤਕ ਰਿਲੀਜ਼ ਉਪਰੰਤ ਲੇਖਕ ਪ੍ਰਤਾਪ ਪਾਰਸ ਨੇ ਜਿਥੇ ਮਾਨ-ਸਤਿਕਾਰ ਦੇਣ ਲਈ ਸਮੂਹ ਅਫਸਰਾਂ ਦਾ ਧੰਨਵਾਦ ਕੀਤਾ ਓਥੇ ਪੁਸਤਕ ਵਿਚੋਂ ਆਪਣੀਆਂ ਗ਼ਜ਼ਲਾਂ ਸੁਣਾ ਕੇ ਹਾਜ਼ਰੀਨ ਕੋਲੋਂ ਖੂਬ ਦਾਦ ਬਟੋਰੀ।
