Latest news: ਭਾਰਤ-ਪਾਕਿ ਵਿਚਾਲੇ ਵਧਿਆ ਤਣਾਅ, 32 ਹਵਾਈ ਅੱਡਿਆਂ ‘ਤੇ 15 ਮਈ ਤੱਕ ਉਡਾਣਾਂ ਬੰਦ
ਨਵੀ ਦਿੱਲੀ 10 ਮਈ (ਵਿਸ਼ਵ ਵਾਰਤਾ) (Latest news): ਭਾਰਤ – ਪਾਕਿਸਤਾਨ ਵਿਚਾਲੇ ਵਧਦੇ ਤਣਾਅ ਦੇ ਕਾਰਨ ਸਰਕਾਰ ਨੇ 15 ਮਈ ਤੱਕ ਉੱਤਰੀ ਅਤੇ ਪੱਛਮੀ ਭਾਰਤ ਦੇ 32 ਹਵਾਈ ਅੱਡਿਆਂ ‘ਤੇ ਨਾਗਰਿਕ ਉਡਾਣਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਨਾਲ ਪ੍ਰਤੀ ਦਿਨ 400 ਤੋਂ ਵੱਧ ਉਡਾਣਾਂ ਰੱਦ ਹੋਣ ਦੀ ਸੰਭਾਵਨਾ ਹੈ। ਹਵਾਬਾਜ਼ੀ ਰੈਗੂਲੇਟਰ ਡੀਜੀਸੀਏ ਨੇ ਕਿਹਾ ਕਿ ਇਹ ਅਸਥਾਈ ਪਾਬੰਦੀ 9 ਮਈ ਤੋਂ 15 ਮਈ ਸਵੇਰੇ 05:29 ਵਜੇ ਤੱਕ ਲਾਗੂ ਰਹੇਗੀ।
ਨਾਗਰਿਕਾਂ ਨੂੰ ਬੇਨਤੀ ਕੀਤੀ ਹੈ ਕਿ ਉਹ ਆਪਣੀ ਯਾਤਰਾ ਦਾ ਸਮਾਂ ਮੁੜ ਤਹਿ ਕਰਨ ਅਤੇ ਸਬੰਧਤ ਏਅਰਲਾਈਨਾਂ ਨਾਲ ਸੰਪਰਕ ਕਰਕੇ ਅਪਡੇਟ ਕੀਤੀ ਜਾਣਕਾਰੀ ਪ੍ਰਾਪਤ ਕਰਨ। ਸਰਕਾਰ ਅਤੇ ਸੁਰੱਖਿਆ ਏਜੰਸੀਆਂ ਸਥਿਤੀ ‘ਤੇ ਨੇੜਿਓਂ ਨਜ਼ਰ ਰੱਖ ਰਹੀਆਂ ਹਨ ਅਤੇ ਲੋੜ ਪੈਣ ‘ਤੇ ਅਗਲੀ ਕਾਰਵਾਈ ਕੀਤੀ ਜਾਵੇਗੀ। ਨਾਗਰਿਕ ਉਡਾਣਾਂ ਲਈ ਬੰਦ ਕੀਤੇ ਗਏ ਹਵਾਈ ਅੱਡਿਆਂ ਵਿੱਚ ਸ੍ਰੀਨਗਰ, ਜੰਮੂ, ਲੇਹ, ਅੰਮ੍ਰਿਤਸਰ, ਚੰਡੀਗੜ੍ਹ, ਅੰਬਾਲਾ, ਲੁਧਿਆਣਾ, ਜੋਧਪੁਰ, ਬੀਕਾਨੇਰ, ਜੈਸਲਮੇਰ, ਉੱਤਰਲਾਈ, ਰਾਜਕੋਟ, ਭੁਜ, ਜਾਮਨਗਰ, ਧਰਮਸ਼ਾਲਾ, ਬਠਿੰਡਾ, ਪਟਿਆਲਾ, ਪਠਾਨਕੋਟ, ਸ਼ਿਮਲਾ, ਕਿਸ਼ਨਗੜ੍ਹ ,ਹਿੰਡਨ, ਪੋਰਬੰਦਰ, ਮੁੰਦਰਾ ਅਤੇ ਕਾਂਡਲਾ ਸ਼ਾਮਲ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
