Latest News : ਧਰੁਵ ਰਾਠੀ ਦੀਆਂ ਵਧੀਆਂ ਮੁਸ਼ਕਿਲਾਂ ; ਦਿੱਲੀ ਦੀ ਅਦਾਲਤ ਦੇ ਭੇਜਿਆ ਸੰਮਨ
ਨਵੀਂ ਦਿੱਲੀ, 25 ਜੁਲਾਈ (ਵਿਸ਼ਵ ਵਾਰਤਾ)Latest News : ਯੂਟਿਊਬਰ ਧਰੁਵ ਰਾਠੀ ਦੀਆਂ ਮੁਸ਼ਕਿਲਾਂ ਵਧਦੀਆਂ ਨਜ਼ਰ ਆ ਰਹੀਆਂ ਹਨ। ਦਿੱਲੀ ਦੀ ਸਾਕੇਤ ਅਦਾਲਤ ਨੇ ਧਰੁਵ ਰਾਠੀ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਅਦਾਲਤ ਨੇ ਭਾਜਪਾ ਆਗੂ ਸੁਰੇਸ਼ ਨਖੂਆ ਵੱਲੋਂ ਦਾਇਰ ਮਾਣਹਾਨੀ ਕੇਸਵਿੱਚ ਯੂਟਿਊਬਰ ਨੂੰ ਸੰਮਨ ਜਾਰੀ ਕੀਤਾ ਹੈ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ ਸਾਕੇਤ ਅਦਾਲਤ ਵਿੱਚ 6 ਅਗਸਤ ਨੂੰ ਹੋਵੇਗੀ। ਸਾਕੇਤ ਅਦਾਲਤ ਦੇ ਜ਼ਿਲ੍ਹਾ ਜੱਜ ਗੁੰਜਨ ਗੁਪਤਾ ਨੇ 19 ਜੁਲਾਈ ਨੂੰ ਇਹ ਹੁਕਮ ਸੁਣਾਇਆ। ਨਖੂਆ ਦੀ ਅੰਤਰਿਮ ਰਾਹਤ ਪਟੀਸ਼ਨ ‘ਤੇ ਵੀ ਅਦਾਲਤ ਨੇ ਧਰੁਵ ਰਾਠੀ ਨੂੰ ਨੋਟਿਸ ਜਾਰੀ ਕਰਕੇ ਮਾਮਲੇ ਦੀ ਅਗਲੀ ਸੁਣਵਾਈ 6 ਅਗਸਤ ਨੂੰ ਤੈਅ ਕੀਤੀ ਹੈ। ਭਾਜਪਾ ਨੇਤਾ ਸੁਰੇਸ਼ ਕਰਮਸ਼ੀ ਨਖੂਆ ਨੇ ਧਰੁਵ ਰਾਠੀ ‘ਤੇ ਉਨ੍ਹਾਂ ਨੂੰ ‘ਹਿੰਸਕ ਅਤੇ ਅਪਮਾਨਜਨਕ ਕਹਿਣ ਦਾ ਦੋਸ਼ ਲਗਾਇਆ। ਨਖੂਆ ਦਾ ਕਹਿਣਾ ਹੈ ਕਿ ਇਹ ਦੋਸ਼ ਬਿਨਾਂ ਕਿਸੇ ‘ਦਲੀਲ ਜਾਂ ਤਰਕ’ ਦੇ ਲਾਏ ਗਏ ਹਨ। ਅਜਿਹੀਆਂ ਟਿੱਪਣੀਆਂ ਦਾ ਮਤਲਬ ਮੇਰੀ ਸਾਖ ਨੂੰ ਨੁਕਸਾਨ ਪਹੁੰਚਾਉਣਾ ਹੈ।
