Ind vs WI : ਜੌਨ ਕੈਂਪਬੈਲ ਨੇ ਲਗਾਇਆ ਪਹਿਲਾ ਟੈਸਟ ਸੈਂਕੜਾ
- ਲੰਬੇ ਇੰਤਜ਼ਾਰ ਤੋਂ ਬਾਅਦ ਮਿਲੀ ਸਫਲਤਾ
- ਜਾਣੋ ਟੀਮ ਦਾ ਸਕੋਰ
ਨਵੀ ਦਿੱਲੀ, 13 ਅਕਤੂਬਰ 2025 (ਵਿਸ਼ਵ ਵਾਰਤਾ) – ਭਾਰਤ ਅਤੇ ਵੈਸਟਇੰਡੀਜ਼ (Ind vs WI) ਵਿਚਕਾਰ ਦੂਜਾ ਟੈਸਟ ਮੈਚ ਦਿੱਲੀ ਵਿੱਚ ਖੇਡਿਆ ਜਾ ਰਿਹਾ ਹੈ। ਅੱਜ ਮੈਚ ਦਾ ਚੌਥਾ ਦਿਨ ਹੈ ਅਤੇ ਪਹਿਲਾ ਸੈਸ਼ਨ ਚੱਲ ਰਿਹਾ ਹੈ। ਵੈਸਟਇੰਡੀਜ਼ ਨੇ 200 ਦੌੜਾਂ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਫਾਲੋਆਨ ਖੇਡ ਰਹੀ ਵੈਸਟਇੰਡੀਜ਼ ਨੇ ਆਪਣੀ ਦੂਜੀ ਪਾਰੀ ਵਿੱਚ 2 ਵਿਕਟਾਂ ਗੁਆ ਕੇ 202 ਦੌੜਾਂ ਬਣਾ ਲਈਆਂ ਹਨ। ਟੀਮ ਭਾਰਤ ਤੋਂ 68 ਦੌੜਾਂ ਪਿੱਛੇ ਹੈ।
ਵੈਸਟਇੰਡੀਜ਼ ਦੇ ਸਲਾਮੀ ਬੱਲੇਬਾਜ਼ ਜੌਨ ਕੈਂਪਬੈਲ ਨੇ 58ਵੇਂ ਓਵਰ ਵਿੱਚ ਆਪਣਾ ਪਹਿਲਾ ਟੈਸਟ ਸੈਂਕੜਾ ਪੂਰਾ ਕੀਤਾ ਹੈ। ਉਸਨੇ ਭਾਰਤ ਵਿਰੁੱਧ ਆਪਣਾ ਸੈਂਕੜਾ 173 ਗੇਂਦਾਂ ਵਿੱਚ ਪੂਰਾ ਕੀਤਾ, ਜਿਸ ਵਿੱਚ 9 ਚੌਕੇ ਅਤੇ 3 ਛੱਕੇ ਵੀ ਸ਼ਾਮਲ ਸਨ। ਉਨ੍ਹਾਂ ਨੇ ਰਵਿੰਦਰ ਜਡੇਜਾ ਦੀ ਪੰਜਵੀਂ ਗੇਂਦ ‘ਤੇ ਛੱਕਾ ਮਾਰ ਕੇ ਆਪਣਾ ਸੈਂਕੜਾ ਪੂਰਾ ਕੀਤਾ।
ਕੈਂਪਬੈਲ ਨੇ 2019 ਵਿੱਚ ਆਪਣਾ ਟੈਸਟ ਡੈਬਿਊ ਕੀਤਾ ਸੀ, ਉਨ੍ਹਾਂ ਨੇ ਇਸ ਟੈਸਟ ਤੋਂ ਪਹਿਲਾਂ 24 ਮੈਚਾਂ ਦੀਆਂ 48 ਪਾਰੀਆਂ ਵਿੱਚ 1016 ਦੌੜਾਂ ਬਣਾਈਆਂ ਸਨ, ਜਿਸਦੀ ਔਸਤ 24.19 ਸੀ। ਇਸ ਦੌਰਾਨ ਉਸਨੇ ਸਿਰਫ਼ ਵਾਰ ਹੀ ਤਿੰਨ ਅਰਧ-ਸੈਂਕੜੇ ਬਣਾਏ ਸਨ। ਉਨ੍ਹਾਂ ਦਾ ਸਭ ਤੋਂ ਵੱਧ ਸਕੋਰ 68 ਸੀ। ਜੌਨ ਕੈਂਪਬੈਲ ਨੂੰ ਆਪਣੇ ਪਹਿਲੇ ਟੈਸਟ ਸੈਂਕੜੇ ਲਈ ਲੰਮਾ ਸਮਾਂ ਇੰਤਜ਼ਾਰ ਕਰਨਾ ਪਿਆ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
