Cricket: ਤਿਕੋਣੀ ਲੜੀ: ਪੜ੍ਹੋ ਭਾਰਤ ਏ ਨੇ ਅਫਗਾਨਿਸਤਾਨ ਏ ਨੂੰ ਦਿੱਤਾ ਕਿੰਨੀਆਂ ਦੌੜਾਂ ਦਾ ਟੀਚਾ
ਨਵੀਂ ਦਿੱਲੀ, 11 ਜੂਨ (ਵਿਸ਼ਵ ਵਾਰਤਾ) – ਤਿਕੋਣੀ ਇੱਕ ਰੋਜ਼ਾ ਲੜੀ ਦਾ ਦੂਜਾ ਮੈਚ ਭਾਰਤ ਏ ਅਤੇ ਅਫਗਾਨਿਸਤਾਨ ਏ ਵਿਚਕਾਰ ਖੇਡਿਆ ਜਾ ਰਿਹਾ ਹੈ। ਦਾਂਬੁਲਾ ਵਿੱਚ ਮੀਂਹ ਕਾਰਨ ਓਵਰਾਂ ‘ਚ ਕਟੌਤੀ ਕੀਤੀ ਗਈ ਹੈ। ਮੈਚ ਹੁਣ 49-49 ਓਵਰਾਂ ਦਾ ਖੇਡਿਆ ਜਾ ਰਿਹਾ ਹੈ। ਅਫਗਾਨਿਸਤਾਨ ਏ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤ ਏ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 49 ਓਵਰਾਂ ਵਿੱਚ 9 ਵਿਕਟਾਂ ‘ਤੇ 349 ਦੌੜਾਂ ਬਣਾਈਆਂ ਹਨ ਅਤੇ ਅਫਗਾਨਿਸਤਾਨ ਏ ਨੂੰ 350 ਦੌੜਾਂ ਦਾ ਦਾ ਟੀਚਾ ਦਿੱਤਾ ਹੈ।
ਟੀਮ ਇੰਡੀਆ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ। ਵੈਭਵ ਸੂਰਿਆਵੰਸ਼ੀ ਅਤੇ ਪ੍ਰਭਸਿਮਰਨ ਸਿੰਘ ਨੇ ਟੀਮ ਇੰਡੀਆ ਨੂੰ ਮਜ਼ਬੂਤ ਸ਼ੁਰੂਆਤ ਦਿੱਤੀ, ਦੋਵਾਂ ਸਲਾਮੀ ਬੱਲੇਬਾਜ਼ਾਂ ਨੇ ਪਹਿਲੀ ਵਿਕਟ ਲਈ 43 ਗੇਂਦਾਂ ਵਿੱਚ 74 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਤੋਂ ਬਾਅਦ ਅਬਦੁੱਲਾ ਅਹਿਮਦਜ਼ਈ ਨੇ ਵੈਭਵ ਸੂਰਿਆਵੰਸ਼ੀ ਨੂੰ 44 (22) ਦੌੜਾਂ ‘ਤੇ ਆਊਟ ਕਰਕੇ ਇਸ ਸਾਂਝੇਦਾਰੀ ਨੂੰ ਤੋੜਿਆ। ਵੈਭਵ 44 ਦੌੜਾਂ ਬਣਾ ਕੇ ਆਊਟ ਹੋਇਆ। ਪ੍ਰਭਸਿਮਰਨ ਸਿੰਘ ਨੇ ਫਿਰ 84 (69) ਦੌੜਾਂ ਬਣਾਈਆਂ। ਉਸ ਤੋਂ ਬਾਅਦ ਰੁਤੁਰਾਜ ਗਾਇਕਵਾੜ ਅਤੇ ਤਿਲਕ ਵਰਮਾ ਨੇ ਵੀ ਚੰਗੀ ਬੱਲੇਬਾਜ਼ੀ ਕੀਤੀ। ਰੁਤੁਰਾਜ ਗਾਇਕਵਾੜ ਨੇ 66 ਦੌੜਾਂ, ਤਿਲਕ ਵਰਮਾ ਨੇ 66 ਦੌੜਾਂ ਅਤੇ ਸੂਰਯਾਂਸ਼ ਸ਼ੇਡਗੇ ਨੇ 40 ਦੌੜਾਂ ਦਾ ਯੋਗਦਾਨ ਦਿੱਤਾ। ਅੱਜ ਪ੍ਰਿਯਾਂਸ਼ ਆਰੀਆ 8 ਦੌੜਾਂ ਅਤੇ ਆਯੁਸ਼ ਬਡੋਨੀ 0 ਦੌੜ ਬਣਾ ਕੇ ਆਊਟ ਹੋਏ।
ਅਫਗਾਨਿਸਤਾਨ ਲਈ ਅਬਦੁੱਲਾ ਅਹਿਮਦਜ਼ਈ ਨੇ ਪੰਜ ਵਿਕਟਾਂ, ਫਰਮਾਨਉੱਲਾ ਸਾਫ਼ੀ ਨੇ ਤਿੰਨ ਵਿਕਟਾਂ ਅਤੇ ਕਪਤਾਨ ਇਮਰਾਨ ਮੀਰ ਨੇ ਇੱਕ ਵਿਕਟ ਲਈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
