Canada: Firing ਤੋਂ ਬਾਅਦ Kap’s Cafe ਵੱਲੋਂ ਪਹਿਲੀ ਪ੍ਰਤੀਕਿਰਿਆ ਆਈ ਸਾਹਮਣੇ
– ਬੀਤੇ ਦਿਨ ਹੋਈ ਸੀ ਤਾਬੜਤੋੜ ਗੋਲੀਬਾਰੀ
ਨਵੀ ਦਿੱਲੀ, 11 ਜੁਲਾਈ (ਵਿਸ਼ਵ ਵਾਰਤਾ): ਸਟੈਂਡਅੱਪ ਕਾਮੇਡੀਅਨ ਕਪਿਲ ਸ਼ਰਮਾ ਨੇ ਆਪਣੀ ਪਤਨੀ ਗਿੰਨੀ ਨਾਲ ਕੁਝ ਦਿਨ ਪਹਿਲਾਂ ਹੀ ਕੈਨੇਡਾ (Canada) ਵਿੱਚ ‘ਕੈਪਸ ਕੈਫੇ’ ਖੋਲ੍ਹਿਆ ਸੀ। ਪਰ ਵੀਰਵਾਰ ਨੂੰ ਕਾਮੇਡੀਅਨ ਦੇ ਕੈਫੇ ਵਿੱਚ ਤਾਬੜਤੋੜ ਗੋਲੀਬਾਰੀ ਹੋਈ। ਇਸ ਖ਼ਬਰ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ‘ਕੈਪਸ ਕੈਫੇ’ ‘ਤੇ ਹੋਈ ਗੋਲੀਬਾਰੀ ਦੀ ਘਟਨਾ ਤੋਂ ਬਾਅਦ ਪਹਿਲੀ ਵਾਰ, ‘ਕੈਪਸ ਕੈਫੇ’ ਦੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਕੈਫੇ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਬਿਆਨ ਜਾਰੀ ਕੀਤਾ ਹੈ।
ਜਾਰੀ ਬਿਆਨ ਵਿੱਚ ਲਿਖਿਆ ਕਿ “ਅਸੀਂ ਕੈਪਸ ਕੈਫੇ ਸੁਆਦੀ ਕੌਫੀ ਅਤੇ ਦੋਸਤਾਨਾ ਗੱਲਬਾਤ ਰਾਹੀਂ ਨਿੱਘ, ਭਾਈਚਾਰਾ ਅਤੇ ਖੁਸ਼ੀ ਲਿਆਉਣ ਲਈ ਖੋਲ੍ਹਿਆ ਸੀ। ਇਸ ਸੁਪਨੇ ‘ਚ ਹਿੰਸਾ ਦਾ ਦਖਲ ਹੋਣਾ ਦਿਲ ਤੋੜਨ ਵਾਲਾ ਹੈ। ਅਸੀਂ ਸਦਮੇ ਨਾਲ ਸਮਝੌਤਾ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ, ਪਰ ਅਸੀਂ ਹਾਰ ਨਹੀਂ ਮੰਨਾਂਗੇ,” ਬਿਆਨ ਵਿੱਚ ਅੱਗੇ ਲਿਖਿਆ ਕਿ “ਤੁਹਾਡੇ ਸਮਰਥਨ ਲਈ ਧੰਨਵਾਦ। ਸੁਨੇਹਿਆਂ ਵਿੱਚ ਭੇਜੇ ਗਏ ਤੁਹਾਡੇ ਪਿਆਰ ਭਰੇ ਸ਼ਬਦ, ਪ੍ਰਾਰਥਨਾਵਾਂ ਅਤੇ ਯਾਦਾਂ ਸਾਡੇ ਲਈ ਬਹੁਤ ਮਾਇਨੇ ਰੱਖਦੀਆਂ ਹਨ। ਇਹ ਕੈਫੇ ਤੁਹਾਡੇ ਭਰੋਸੇ ‘ਤੇ ਬਣਿਆ ਹੈ। ਚਲੋ, ਹਿੰਸਾ ਦੇ ਵਿਰੁੱਧ ਇੱਕਜੁੱਟ ਰਹੀਏ ਅਤੇ ਇਹ ਯਕੀਨੀ ਬਣਾਈਏ ਕਿ ਕੈਪਸ ਕੈਫੇ ਨਿੱਘ ਅਤੇ ਭਾਈਚਾਰੇ ਦਾ ਸਥਾਨ ਬਣਿਆ ਰਹੇ।”
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
