
32 ਮੁਕੱਦਮੇ ਦਰਜ਼ ਕਰਕੇ 27 ਜਣਿਆਂ ਨੂੰ ਕੀਤੇ ਗ੍ਰਿਫ਼ਤਾਰ
3730 ਨਸ਼ੀਲੀਆਂ ਗੋਲੀਆਂ ਸਮੇਤ ਸਕੂਟਰੀ
ਮਾਨਸਾ, 2 ਅਗਸਤ( ਵਿਸ਼ਵ ਵਾਰਤਾ )-ਪੰੰਜਾਬ ਦੇ ਤਿੰਨ ਜ਼ਿਲ੍ਹਿਆਂ ਵਿੱਚ ਜ਼ਹਿਰੀਲੀ ਸ਼ਰਾਬ ਨਾਲ ਮਰਨ ਦੇ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਅੱਜ ਮਾਨਸਾ ਪੁਲੀਸ ਵੱਲੋਂ 1380 ਲੀਟਰ ਲਾਹਣ,640 ਬੋਤਲਾਂ ਸ਼ਰਾਬ ਸਮੇਤ ਕਾਰ ਤੇ ਦੋ ਮੋਟਰਸਾਈਕਲਾਂ ਦੀ ਬਰਾਮਦਗੀ ਕਰਨ ਦਾ ਦਾਅਵਾ ਕੀਤਾ ਹੈ।ਪੁਲੀਸ ਦਾ ਕਹਿਣਾ ਹੈ ਕਿ ਨਸ਼ਿਆਂ ਖਿਲਾਫ਼ ਵਿੱਢੀ ਇਸ ਮੁਹਿੰਮ ਤਹਿਤ ਵੱਖ-ਵੱਖ ਥਾਵਾਂ ਤੋਂ 27 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਕੇ 32 ਮੁਕੱਦਮੇ ਦਰਜ ਕੀਤੇ ਗਏ ਹਨ ਅਤੇ ਗ੍ਰਿਫ਼ਤਾਰੀ ਕੀਤੇ ਵਿਅਕਤੀਆਂ ਪਾਸੋਂ 3730 ਨਸ਼ੀਲੀਆਂ ਸਮੇਤ ਸਕੂਟਰੀ ਵੱਖਰੇ ਤੌਰ ‘ਤੇ ਬਰਾਮਦ ਹੋਏ ਹਨ।
ਮਾਨਸਾ ਦੇ ਨਵੇਂ ਆਏ ਐਸਐਸਪੀ ਸੁਰੇਂਦਰ ਲਾਂਬਾ (ਆਈਪੀਐਸ) ਨੇ ਦੱਸਿਆ ਕਿ ਪੁਲੀਸ ਨੇ ਅਮਨਦੀਪ ਕੌਰ ਨੂੰ ਸਕੂਟਰੀ ਬਿਨਾਂ ਨੰਬਰੀ ਸਮੇਤ ਕਾਬੂ ਕਰਕੇ ਉਸ ਪਾਸੋਂ 3150 ਨਸ਼ੀਲੀਆਂ ਗੋਲੀਆਂ,ਚਮਕੌਰ ਸਿੰਘ ਨੂੰ 380 ਨਸ਼ੀਲੀਆਂ ਗੋਲੀਆਂ,ਰੇਸ਼ਮਾਂ ਕੌਰ ਨੂੰ 200 ਨਸ਼ੀਲੀਆਂ ਗੋਲੀਆਂ ਸਣੇ ਕਾਬੂ ਕੀਤਾ।ਉਨ੍ਹਾਂ ਦੱਸਿਆ ਕਿ ਕਾਲਾ ਸਿੰਘ ਪਾਸੋਂ ਸਵਿੱਫਟ ਕਾਰ ਨੰ:ਡੀਐਲ.08ਸੀਪੀ-2318 ਵਿੱਚੋ 240 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀ।ਉਨ੍ਹਾਂ ਕਿਹਾ ਕਿ ਮੇਵਾ ਸਿੰਘ ਨੂੰ 8 ਬੋਤਲਾਂ,ਗੁਰਪ੍ਰੀਤ ਸਿੰਘ ਨੂੰ 50 ਲੀਟਰ ਲਾਹਣ,12 ਬੋਤਲਾਂ ਸ਼ਰਾਬ,ਗੁਰਪ੍ਰੀਤ ਸਿੰਘ ਨੂੰ 50 ਲੀਟਰ ਲਾਹਣ,ਮੱਖਣ ਸਿੰਘ ਨੂੰ 30 ਬੋਤਲਾਂ ਸ਼ਰਾਬ ਸਣੇ ਕਾਬੂ ਕੀਤਾ ਹੈ।ਉਨ੍ਹਾਂ ਦੱਸਿਆ ਕਿ ਭਗਵੰਤ ਸਿੰਘ ਪਾਸੋਂ 400 ਲੀਟਰ ਲਾਹਣ,ਸੁਰਿੰਦਰ ਸਿੰਘ ਨੂੰ 11 ਬੋਤਲਾਂ ਸ਼ਰਾਬ,ਸਤਿਗੁਰ ਸਿੰਘ ਨੂੰ 9 ਬੋਤਲਾਂ ਸ਼ਰਾਬ,ਪ੍ਰਵੀਨ ਸਿੰਘ ਅਤੇ ਜਸਪਾਲ ਸਿੰਘ ਪਾਸੋਂ ਮੋਟਰਸਾਈਕਲ ਬਜਾਜ ਸੀਟੀ.100 ਸਮੇਤ 36 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀ।
ਸ੍ਰੀ ਲਾਂਬਾ ਨੇ ਦੱਸਿਆ ਕਿ ਗੁਰਨਾਮ ਸਿੰਘ ਪਾਸੋਂ 300 ਲੀਟਰ ਲਾਹਣ,26 ਬੋਤਲਾਂ,ਹੰਸਾਂ ਰਾਮ ਨੂੰ 9 ਬੋਤਲਾਂ,ਲਖਨ ਕੁਮਾਰ ਨੂੰ 12 ਬੋਤਲਾਂ,ਜਵੀਨ ਕੁਮਾਰ ਪਾਸੋਂ 50 ਲੀਟਰ ਲਾਹਣ,ਜੱਗਾ ਸਿੰਘ ਨੂੰ 50 ਲੀਟਰ ਲਾਹਣ ਤੇ 60 ਬੋਤਲਾਂ,ਗੁਰਪ੍ਰੀਤ ਸਿੰਘ ਨੂੰ 16 ਬੋਤਲਾਂ,ਜੰਟਾ ਸਿੰਘ ਪਾਸੋਂ 40 ਬੋਤਲਾਂ ਸ਼ਰਾਬ ਬਰਾਮਦ ਕੀਤੀ ਗਈ ਹੈ।ਉਨ੍ਹਾਂ ਦੱਸਿਆ ਕਿ ਜਸਪਾਲ ਸਿੰਘ ਨੂੰ 150 ਲੀਟਰ ਲਾਹਣ,ਨੈਬ ਸਿੰਘ ਨੂੰ 10 ਬੋਤਲਾਂ,ਰਾਜ ਸਿੰਘ ਨੂੰ 90 ਲੀਟਰ ਲਾਹਣ ਅਤੇ ਰਾਮ ਸਿੰਘ ਨੂੰ 40 ਲੀਟਰ ਲਾਹਣ,ਸੁਖਵੰਤ ਸਿੰਘ ਨੂੰ 42 ਬੋਤਲਾਂ,ਸੰਤ ਕੁਮਾਰ ਨੂੰ 48 ਬੋਤਲਾਂ,ਸੱਤਪਾਲ ਸਿੰਘ ਨੂੰ 7 ਬੋਤਲਾਂ,ਹਾਕਮ ਸਿੰਘ ਨੂੰ 50 ਲੀਟਰ ਲਾਹਣ,ਦਰਸ਼ਨ ਸਿੰਘ ਨੂੰ 50 ਲੀਟਰ ਲਾਹਣ,ਗੁਰਦੇਵ ਸਿੰਘ ਪਾਸੋਂ 25 ਲੀਟਰ ਲਾਹਣ ਬਰਾਮਦ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਬਲਵੀਰ ਸਿੰਘ ਨੂੰ 50 ਲੀਟਰ ਲਾਹਣ,ਲਖਵੀਰ ਸਿੰਘ ਨੂੰ 25 ਲੀਟਰ ਲਾਹਣ,ਕੁਲਵਿੰਦਰ ਸਿੰਘ ਤੇ ਗੁਰਮੀਤ ਸਿੰਘ ਨੂੰ ਮੋਟਰਸਾਈਕਲ ਸਪਲਂੈਡਰ ਨੰ:ਪੀਬੀ.31ਐਨ-3196 ਸਮੇਤ 24 ਬੋਤਲਾਂ ਸ਼ਰਾਬ ਕਾਬੂ ਕੀਤਾ ਹੈ।






















