ਬੈਂਕ ਗਾਹਕ ਧਿਆਨ ਦੇਣ! ਅਗਸਤ ‘ਚ 14 ਦਿਨ ਬੰਦ ਰਹਿਣਗੇ ਬੈਂਕ; ਪੜ੍ਹੋ ਛੁੱਟੀਆਂ ਦੀ ਪੂਰੀ ਸੂਚੀ
ਨਵੀ ਦਿੱਲੀ, 26 ਜੁਲਾਈ 2026 (ਵਿਸ਼ਵ ਵਾਰਤਾ) : ਅਗਲੇ ਮਹੀਨੇ ਯਾਨੀ ਕਿ ਅਗਸਤ 2026 ਵਿੱਚ ਬੈਂਕ ਗਾਹਕਾਂ ਨੂੰ ਆਪਣੀਆਂ ਯੋਜਨਾਵਾਂ ਪਹਿਲਾਂ ਤੋਂ ਹੀ ਬਣਾਉਣੀਆਂ ਪੈਣਗੀਆਂ, ਕਿਉਂਕਿ ਭਾਰਤੀ ਰਿਜ਼ਰਵ ਬੈਂਕ (RBI) ਦੇ ਬੈਂਕ ਛੁੱਟੀਆਂ ਦੇ ਕੈਲੰਡਰ ਅਨੁਸਾਰ, ਇਸ ਮਹੀਨੇ ਸਰਕਾਰੀ ਅਤੇ ਨਿੱਜੀ ਬੈਂਕਾਂ ਦੀਆਂ ਸ਼ਾਖਾਵਾਂ ਕੁੱਲ 14 ਦਿਨ ਬੰਦ ਰਹਿਣਗੀਆਂ। ਅਜਿਹੇ ਵਿੱਚ ਜੇਕਰ ਤੁਹਾਨੂੰ ਇਸ ਮਹੀਨੇ ਬੈਂਕ ਨਾਲ ਜੁੜਿਆ ਕੋਈ ਜ਼ਰੂਰੀ ਕੰਮ ਹੈ, ਤਾਂ ਇਨ੍ਹਾਂ ਛੁੱਟੀਆਂ ਦੇ ਦਿਨਾਂ ਨੂੰ ਛੱਡ ਕੇ ਤੁਸੀਂ ਬੈਂਕ ਜਾ ਸਕਦੇ ਹੋ।
ਇਨ੍ਹਾਂ ਛੁੱਟੀਆਂ ਵਿੱਚ ਐਤਵਾਰ, ਦੂਜੇ ਅਤੇ ਚੌਥੇ ਸ਼ਨੀਵਾਰ ਤੋਂ ਇਲਾਵਾ ਵੱਖ-ਵੱਖ ਰਾਜਾਂ ਦੇ ਤਿਉਹਾਰ ਅਤੇ ਖੇਤਰੀ ਤਿਉਹਾਰ ਵੀ ਸ਼ਾਮਲ ਹਨ। ਹਾਲਾਂਕਿ, ਬੈਂਕ ਸ਼ਾਖਾਵਾਂ ਬੰਦ ਰਹਿਣ ਦੇ ਬਾਵਜੂਦ UPI, NEFT, RTGS, ਇੰਟਰਨੈੱਟ ਬੈਂਕਿੰਗ ਅਤੇ ਮੋਬਾਈਲ ਬੈਂਕਿੰਗ ਵਰਗੀਆਂ ਡਿਜੀਟਲ ਸੇਵਾਵਾਂ ਆਮ ਵਾਂਗ 24×7 ਉਪਲਬਧ ਰਹਿਣਗੀਆਂ।
2 ਅਗਸਤ – ਐਤਵਾਰ
4 ਅਗਸਤ:ਅਗਰਤਲਾ ਵਿੱਚ ਕੇਰ ਪੂਜਾ ਦੇ ਮੌਕੇ ‘ਤੇ ਬੈਂਕ ਬੰਦ ਰਹਿਣਗੇ।
8 ਅਗਸਤ – ਦੂਜਾ ਸ਼ਨੀਵਾਰ
9 ਅਗਸਤ – ਐਤਵਾਰ
13 ਅਗਸਤ:ਇੰਫਾਲ ਵਿੱਚ ਪੈਟ੍ਰੀਅਟਸ ਡੇਅ (ਦੇਸ਼ ਭਗਤ ਦਿਵਸ) ਦੇ ਮੌਕੇ ‘ਤੇ ਬੈਂਕ ਬੰਦ ਰਹਿਣਗੇ।
15 ਅਗਸਤ: ਆਜ਼ਾਦੀ ਦਿਵਸ ਅਤੇ ਪਾਰਸੀ ਨਵੇਂ ਸਾਲ (ਸ਼ਹਿਨਸ਼ਾਹੀ) ਦੇ ਕਾਰਨ ਦੇਸ਼ ਭਰ ਵਿੱਚ ਬੈਂਕ ਸ਼ਾਖਾਵਾਂ ਬੰਦ ਰਹਿਣਗੀਆਂ।
16 ਅਗਸਤ – ਐਤਵਾਰ
19 ਅਗਸਤ:ਅਗਰਤਲਾ ਵਿੱਚ ਮਹਾਰਾਜਾ ਬੀਰ ਬਿਕਰਮ ਕਿਸ਼ੋਰ ਮਾਣਿਕਯ ਬਹਾਦਰ ਜਯੰਤੀ ਦੇ ਮੌਕੇ ‘ਤੇ ਬੈਂਕ ਬੰਦ ਰਹਿਣਗੇ।
22 ਅਗਸਤ – ਚੌਥਾ ਸ਼ਨੀਵਾਰ
23 ਅਗਸਤ – ਐਤਵਾਰ
25 ਅਗਸਤ:ਕੋਚੀ, ਤਿਰੂਵਨੰਤਪੁਰਮ ਅਤੇ ਵਿਜੇਵਾੜਾ ਵਿੱਚ ਮਿਲਾਦ-ਉਨ-ਨਬੀ, ਪਹਿਲਾ ਓਣਮ ਅਤੇ ਮਿਲਾਦ-ਏ-ਸ਼ਰੀਫ਼ ਦੇ ਕਾਰਨ ਬੈਂਕ ਦੀ ਛੁੱਟੀ ਰਹੇਗੀ।
26 ਅਗਸਤ: ਬੇਲਾਪੁਰ, ਬੈਂਗਲੁਰੂ, ਭੋਪਾਲ, ਚੇਨਈ, ਦੇਹਰਾਦੂਨ, ਹੈਦਰਾਬਾਦ, ਇੰਫਾਲ, ਜੰਮੂ, ਕਾਨਪੁਰ, ਕੋਚੀ, ਲਖਨਊ, ਮੁੰਬਈ, ਨਾਗਪੁਰ, ਨਵੀਂ ਦਿੱਲੀ, ਪਟਨਾ, ਰਾਏਪੁਰ, ਰਾਂਚੀ, ਸ਼੍ਰੀਨਗਰ ਅਤੇ ਤਿਰੂਵਨੰਤਪੁਰਮ ਵਿੱਚ ਈਦ-ਏ-ਮਿਲਾਦ (ਬਾਰਾਵਫ਼ਾਤ), ਮਿਲਾਦ-ਉਨ-ਨਬੀ ਅਤੇ ਤਿਰੂਓਣਮ ਦੇ ਮੌਕੇ ‘ਤੇ ਬੈਂਕ ਬੰਦ ਰਹਿਣਗੇ।
28 ਅਗਸਤ: ਅਹਿਮਦਾਬਾਦ, ਭੋਪਾਲ, ਦੇਹਰਾਦੂਨ, ਗੰਗਟੋਕ, ਜੈਪੁਰ, ਜੰਮੂ, ਕਾਨਪੁਰ, ਕੋਚੀ, ਲਖਨਊ, ਸ਼ਿਮਲਾ, ਸ਼੍ਰੀਨਗਰ ਅਤੇ ਤਿਰੂਵਨੰਤਪੁਰਮ ਵਿੱਚ ਰੱਖੜੀ (ਰਕਸ਼ਾ ਬੰਧਨ), ਪਾਂਗ-ਲ੍ਹਾਬਸੋਲ, ਸ਼੍ਰੀ ਨਾਰਾਇਣ ਗੁਰੂ ਜਯੰਤੀ ਅਤੇ ਅੱਯੰਕਾਲੀ ਜਯੰਤੀ ਸਮੇਤ ਵੱਖ-ਵੱਖ ਖੇਤਰੀ ਤਿਉਹਾਰਾਂ ਦੇ ਕਾਰਨ ਬੈਂਕ ਸ਼ਾਖਾਵਾਂ ਬੰਦ ਰਹਿਣਗੀਆਂ।
30 ਅਗਸਤ – ਐਤਵਾਰ
