ਚੰਡੀਗੜ੍ਹ ‘ਚ ਦੁੱਧ ਵਾਲੇ ਡੋਲੂ ‘ਚ ਚਿੱਟਾ ਸਪਲਾਈ ਕਰਨ ਵਾਲਾ ਪੁਲਿਸ ਨੇ ਕੀਤਾ ਕਾਬੂ
ਪੜ੍ਹੋ, ਕੀ ਹੈ ਪੂਰਾ ਮਾਮਲਾ
ਚੰਡੀਗੜ੍ਹ, 10 ਦਸੰਬਰ(ਵਿਸ਼ਵ ਵਾਰਤਾ)- ਪੰਜਾਬ ਦੇ ਨਾਲ-ਨਾਲ ਹੁਣ ਨਸ਼ਾ ਚੰਡੀਗੜ੍ਹ ਵਿੱਚ ਵੀ ਇੱਕ ਵੱਡੀ ਸਮੱਸਿਆ ਬਣਦਾ ਨਜ਼ਰ ਆ ਰਿਹਾ ਹੈ। ਹੁਣ ਚੰਡੀਗੜ੍ਹ ਰਾਹੀਂ ਨਸ਼ੇ ਦੀ ਸਪਲਾਈ ਦੇ ਮਾਮਲੇ ਵੀ ਸਾਹਮਣੇ ਆ ਰਹੇ ਹਨ। ਚੰਡੀਗੜ੍ਹ ਪੁਲੀਸ ਦੇ ਜ਼ਿਲ੍ਹਾ ਕਰਾਈਮ ਸੈੱਲ ਦੀ ਟੀਮ ਨੇ ਇੱਕ ਨਸ਼ਾ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਅਜੇ ਕੁਮਾਰ (24) ਜੋ ਮੂਲ ਰੂਪ ਵਿੱਚ ਉੱਤਰ ਪ੍ਰਦੇਸ਼ ਦੇ ਗੋਂਡਾ ਜ਼ਿਲ੍ਹੇ ਦਾ ਰਹਿਣ ਵਾਲਾ ਹੈ, ਨੂੰ ਪੁਲੀਸ ਨੇ ਚੰਡੀਗੜ੍ਹ ਦੇ ਰਾਏਪੁਰ ਖੁਰਦ ਤੋਂ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਅਨੁਸਾਰ ਉਹ ਸ਼ੱਕ ਤੋਂ ਬਚਣ ਲਈ ਦੁੱਧ ਵਾਲੇ ਡੋਲੂ ਅਤੇ ਕਰੀਮ ਦੇ ਡੱਬਿਆਂ ਵਿੱਚ ਛੁਪਾ ਕੇ ਨਸ਼ੇ ਵੇਚਦਾ ਸੀ। ਉਸ ਦੇ ਕਬਜ਼ੇ ‘ਚੋਂ ਹੈਰੋਇਨ ਬਰਾਮਦ ਹੋਈ।
ਪੁਲੀਸ ਨੇ ਰਾਏਪੁਰ ਖੁਰਦ ਵਿੱਚ ਕਿਰਾਏ ਦੇ ਕਮਰੇ ਵਿੱਚੋਂ ਛੁਪਾ ਕੇ ਰੱਖੀ 1 ਕਿਲੋ ਹੈਰੋਇਨ ਵੀ ਬਰਾਮਦ ਕੀਤੀ ਹੈ। ਰਾਏਪੁਰ ਖੁਰਦ ਵਿੱਚ ਗਸ਼ਤ ਦੌਰਾਨ ਮੁਲਜ਼ਮ ਅਜੇ ਨੂੰ ਪੁਲੀਸ ਨੇ ਕਾਬੂ ਕਰ ਲਿਆ। ਪੁਲਿਸ ਪੁੱਛਗਿੱਛ ‘ਚ ਉਸ ਨੇ ਦੱਸਿਆ ਕਿ ਉਹ ਜ਼ੀਰਕਪੁਰ ਅਤੇ ਆਸ-ਪਾਸ ਦੇ ਇਲਾਕਿਆਂ ‘ਚ ਹੈਰੋਇਨ ਸਪਲਾਈ ਕਰਦਾ ਸੀ। ਮੁਲਜ਼ਮ ਸਟੀਲ ਦੇ ਡੱਬੇ (ਦੁੱਧ ਵਾਲੇ ਡੋਲੂ) ਵਿੱਚ ਰੱਖ ਕੇ ਨਸ਼ੇ ਦੀ ਸਪਲਾਈ ਕਰ ਰਿਹਾ ਸੀ। ਇਹ ਵਿਸ਼ੇਸ਼ ਡੋਲੂ ਵਿਸ਼ੇਸ਼ ਤੌਰ ‘ਤੇ 2 ਸਟੀਲ ਦੇ ਡੱਬਿਆਂ ਨੂੰ ਮਿਲਾ ਕੇ ਬਣਾਈ ਗਈ ਸੀ। ਜਦੋਂ ਇਸ ਨੂੰ ਮਰੋੜ ਕੇ ਖੋਲ੍ਹਿਆ ਜਾਂਦਾ ਸੀ ਤਾਂ ਨਸ਼ਾ ਬਾਹਰ ਨਿਕਲਦਾ ਸੀ, ਉਹ ਡੱਬੇ ਦੇ ਉਪਰਲੇ ਹਿੱਸੇ ਵਿੱਚ ਘਿਓ ਰੱਖਦਾ ਸੀ ਅਤੇ ਨਸ਼ਾ ਹੇਠਾਂ ਰੱਖਿਆ ਜਾਂਦਾ ਸੀ। ਇਸ ਦੇ ਨਾਲ ਹੀ ਇਕ ਕੰਪਨੀ ਦੀਆਂ ਛੋਟੀਆਂ-ਛੋਟੀਆਂ ਡੱਬੀਆਂ ਜੋ ਕਿ ਘੱਟ ਮਾਤਰਾ ਵਿਚ ਨਸ਼ੇ ਦੀ ਸਪਲਾਈ ਕਰਨ ਲਈ ਵਰਤੀਆਂ ਜਾਂਦੀਆਂ ਸਨ, ਉਹ ਵੀ ਮਿਲੀਆਂ ਹਨ। ਜਿਸ ਵਿੱਚ ਉੱਪਰ ਕੋਲਡ ਕਰੀਮ ਅਤੇ ਹੇਠਾਂ ਨਸ਼ੀਲਾ ਪਦਾਰਥ ਰੱਖਿਆ ਹੋਇਆ ਸੀ। ਉਹ ਅਜਿਹਾ ਇਸ ਲਈ ਕਰਦਾ ਸੀ ਤਾਂ ਜੋ ਕੋਈ ਉਸ ਦੇ ਨਾਜਾਇਜ਼ ਕੰਮ ਨੂੰ ਫੜ ਨਾ ਸਕੇ।
ਸਖ਼ਤੀ ਨਾਲ ਪੁੱਛਗਿਛ ਵਿੱਚ ਅਮਿਤ ਨੇ ਮੰਨਿਆ ਕਿ ਉਸ ਨੇ ਨਸ਼ੇ ਦੀ ਇੱਕ ਹੋਰ ਖੇਪ ਰਾਏਪੁਰ ਵਿੱਚ ਹੀ ਕਿਰਾਏ ਦੇ ਕਮਰੇ ਵਿੱਚ ਰੱਖੀ ਸੀ। ਪੁਲਿਸ ਨੇ ਉਥੋਂ 1 ਕਿਲੋ ਹੈਰੋਇਨ ਬਰਾਮਦ ਕੀਤੀ ਹੈ। ਨਸ਼ੀਲੇ ਪਦਾਰਥਾਂ ਨੂੰ ਅਲਮਾਰੀ ਦੇ ਦਰਾਜ਼ ਦੇ ਪਿਛਲੇ ਪਾਸੇ ਇੱਕ ਵਿਸ਼ੇਸ਼ ਸਥਾਨ ਵਿੱਚ ਛੁਪਾਇਆ ਗਿਆ ਸੀ। ਇਸ ਦੇ ਨਾਲ ਹੀ ਪੁਲਿਸ ਨੇ 6 ਮੋਬਾਈਲ ਫ਼ੋਨ ਵੀ ਬਰਾਮਦ ਕੀਤੇ ਹਨ। ਇਸ ਦੇ ਜ਼ਰੀਏ ਅਮਿਤ ਗਾਹਕਾਂ ਨਾਲ ਸੰਪਰਕ ਕਰਦਾ ਸੀ।























