ਨਾਬਾਲਗ ਬੱਚਿਆ ਸਮੇਤ 35 ਔਰਤਾਂ ਸ਼ਾਮਿਲ, ਭੇਜੇ ਇਕਾਤਵਾਸ
ਸੰਪਰਕ ਵਿੱਚ ਆਉਣ ਵਾਲੇ ਲੋਕਾਂ *ਚ ਹੜਕਪ
ਅਫਵਾਹਾਂ ਤੋਂ ਸੁਚੇਤ ਰਹੋ- ਡਿਪਟੀ ਕਮਿਸ਼ਨਰ
ਬੁਢਲਾਡਾ 10, ਅਪ੍ਰੈਲ(ਵਿਸ਼ਵ ਵਾਰਤਾ ): ਸਥਾਨਕ ਸ਼ਹਿਰ ਦੇ ਵਾਰਡ ਨੰੰਬਰ 4 ਮਸਜਿਦ ਵਾਲੇ ਇਲਾਕੇ ਨਾਲ ਸੰਬੰਧਤ ਦੋ ਬੱਚਿਆ ਸਮੇਤ 9 ਲੋਕਾਂ ਦੇ ਟੈਸਟ ਪਾਜਟਿਵ ਤੋਂ ਬਾਅਦ ਇਹ ਇਲਾਕਾ ਸੀਲ ਕੀਤਾ ਹੋਇਆ ਹੈ. ਜਿੱਥੇ 19 ਮਾਰਚ ਨੂੰ ਬੁਢਲਾਡਾ *ਚ ਮਰਕਸ ਨਿਜ਼ਾਮੂਦੀਨ ਵਿੱਚ ਹਿੱਸਾ ਲੈਣ ਵਾਲੇ 10 ਜਮਾਤੀ ਆਏ ਸਨ ਜਿਨ੍ਹਾਂ ਵਿੱਚੋਂ 5 ਮਰਦ ਮਸਜਿਦ ਵਿੱਚ ਠਹਿਰੇ ਸਨ ਅਤੇ ਇਨ੍ਹਾਂ ਨਾਲ ਸੰਬੰਧਤ 5 ਔਰਤਾਂ ਮੁਸਲਿਮ ਲੋਕਾਂ ਦੇ ਘਰਾਂ ਵਿੱਚ ਇਕਾਤਵਾਸ ਵਿੱਚ ਰਹਿ ਰਹੀਆ ਸਨ. ਪਰੰਤੂ ਇਨ੍ਹਾਂ ਵਿੱਚੋਂ 5 ਦੇ ਟੈਸਟ ਪਾਜਟਿਵ ਆਉਣ ਤੋਂ ਬਾਅਦ ਭਾਵੇ ਪ੍ਰਸ਼ਾਸ਼ਨ ਨੇ ਵਾਰਡ ਦੇ ਵਸਨੀਕਾਂ ਅਤੇ ਇਨ੍ਹਾਂ ਲੋਕਾਂ ਨਾਲ ਸ਼ਹਿਰ ਦਾ ਸੰਪਰਕ ਤੋੜ ਦਿੱਤਾ ਪਰ ਇਸ ਦੌਰਾਨ ਨਮਾਜ਼ ਵਿੱਚ ਹਿੱਸਾ ਲੈਣ ਵਾਲੇ ਕੁਝ ਲੋਕ ਸ਼ੱਕ ਦੇ ਘੇਰੇ ਵਿੱਚ ਆਉਣ ਲੱਗੇ. ਇਹ ਸ਼ੱਕ ਉਸ ਸਮੇਂ ਯਕੀਨ ਵਿੱਚ ਬਦਲ ਗਿਆ ਜਦੋਂ ਇਨ੍ਹਾਂ ਦੇ ਸੰਪਰਕ ਵਿੱਚ ਆਇਆ ਦੋ ਸੱਸ ਨੂੰਹਾ ਦੇ ਟੈਸਟ ਪਾਜਟਿਵ ਆਉਣ ਤੋਂ ਬਾਅਦ ਵਾਰਡ ਦੇ ਇੱਕ ਹਿੱਸੇ ਵਿੱਚ ਹੜਕੰਪ ਮੱਚ ਗਈ. ਪਰੰਤੂ ਇਨ੍ਹਾਂ ਵਿੱਚੋਂ ਪਾਜਟਿਵ ਆਉਣ ਵਾਲੀ ਸੱਸ ਦੀ ਉਮਰ 55 ਸਾਲ ਜ਼ੋ ਕਈ ਬਿਮਾਰੀਆਂ ਦੀ ਪੀੜਤ ਹੈ ਜ਼ੋ ਲੰਬੇ ਸਮੇਂ ਤੋਂ ਘਰ ਵਿੱਚ ਹੀ ਸੀ ਪਰ 4 ਅਪ੍ਰੈਲ ਤੋ ਬਾਅਦ ਇਕਾਤਵਾਸ ਵਿੱਚ ਹੋਣ ਤੋਂ ਬਾਅਦ ਦੋਵੇ ਸੱਸ ਨੂੰਹਾ ਦਾ ਕਿਸੇ ਨਾਲ ਕੋਈ ਸੰਪਰਕ ਨਜਰ ਨਹੀਂ ਆਇਆ ਪਰੰਤੂ ਸਿਹਤ ਵਿਭਾਗ ਵੱਲੋਂ ਇਨ੍ਹਾਂ 6 ਪੀੜਤ ਲੋਕਾਂ ਜ਼ੋ ਵਾਰਡ ਨੰਬਰ 4 ਅਤੇ 2 ਨਾਲ ਸੰਬੰਧਤ ਹਨ ਦੇ ਨਿਵਾਸ ਸਥਾਨ ਦੇ ਨਜਦੀਕ ਲੋਕਾਂ ਦੀ ਮੁੱਢਲੇ ਪੱਧਰ ਤੇ ਜਾਂਚ ਕਰਨ ਲਈ ਸਨਾਖਤ ਕਰਦਿਆਂ ਸੈਪਲ ਲੈਣ ਦੀ ਪ੍ਰਤੀਕਿਰਿਆ ਸ਼ੁਰੂ ਕੀਤੀ ਗਈ ਹੈ. ਪ੍ਰਸ਼ਾਸ਼ਨ ਅਨੁਸਾਰ ਇਹ ਸੈਪਲ ਮੁੱਢਲੇ ਪੱਧਰ ਤੇ ਲੋਕਾਂ ਦੀ ਸਿਹਤ ਸੁਰੱਖਿਆ ਨੂੰ ਮੱਦੇਨਜਰ ਰੱਖਦਿਆਂ ਕਰਵਾਏ ਜਾ ਰਹੇ ਹਨ. ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਓਪਰੋਕਤ ਦੇ ਪਰਿਵਾਰ ਵਿੱਚ ਪਤੀ ਅਤੇ ਪੁੱਤਰ ਦੇ ਸੈਪਲ ਪਹਿਲਾ ਹੀ ਨੈਗਟਿਵ ਆ ਚੁੱਕੇ ਹਨ ਪਰੰਤੂ ਪ੍ਰਸ਼ਾਸ਼ਨ ਕਿਸੇ ਕਿਸਮ ਦਾ ਕੋਈ ਰਿਸਕ ਨਹੀਂ ਲੈਣਾ ਚਾਹੁੰਦਾ ਜਿਸ ਕਰਕੇ ਜਮੀਨੀ ਪੱੱਧਰ ਤੇ ਅੱਜ 11 ਮਰਦ, 35 ਔਰਤਾਂ ਸਮੇਤ 46 ਲੋਕਾਂ ਦੇ ਸੈਪਲ ਲਏ ਗਏ ਅਤੇ ਇਨ੍ਹਾਂ ਨੂੰ ਆਈ ਟੀ ਆਈ ਬੁਢਲਾਡਾ ਅਤੇ ਬਜਰੰਗ ਭਵਨ ਵਿੱਚ ਰੱਖਿਆ ਗਿਆ ਹੈ ਅਤੇ 6 ਔਰਤਾਂ ਨੂੰ ਘਰਾਂ ਵਿੱਚ ਇਕਾਤਵਾਸ ਭੇਜ਼ ਦਿੱਤਾ ਗਿਆ ਹੈ. ਇਨ੍ਹਾਂ ਵਿੱਚ ਕੁੱਝ ਨਾਬਾਗਲ ਬੱਚੇ ਵੀ ਸ਼ਾਮਿਲ ਹਨ. ਸਿਹਤ ਵਿਭਾਗ ਵੱਲੋਂ ਓਪਰੋਕਤ ਲਏ ਗਏ ਸੈਪਲਾ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਪਰ ਆਈ ਟੀ ਆਈ ਅਤੇ ਬਜਰੰਗ ਭਵਨ ਵਿਖੇ ਬਣਾਏ ਗਏ ਇਕਾਤਵਾਸ ਵਿੱਚ ਚਹਿਲ ਪਹਿਲ ਇਸ ਗੱਲ ਦੀ ਪੁਸ਼ਟੀ ਹੈ. ਭਾਵੇਂ ਪ੍ਰਸ਼ਾਸ਼ਨ ਨੇ ਸਮੂੱਚਾ ਸ਼ਹਿਰ ਦੀਆਂ ਹੱਦਾ ਸੀਲ ਕਰ ਦਿੱਤੀਆਂ ਗਈਆ ਹਨ ਪਰੰਤੂ ਲੋਕਾਂ ਦੇ ਮਨ੍ਹਾ ਵਿੱਚ ਡਰ ਉਨ੍ਹਾਂ ਨੂੰ ਸਤਾ ਰਿਹਾ ਹੈ. ਇਸ ਮੋਕੇ ਡਿਪਟੀ ਕਮਿਸ਼ਨਰ ਵੱਲੋ ਲੋਕਾਂ ਤੋਂ ਸਹਿਯੋਗ ਦੀ ਮੰਗ ਕਰਦਿਆਂ ਅਫਵਾਹਾਂ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਇਤਿਆਤਾ ਦੀ ਪਾਲਣਾ ਕਰਕੇ ਆਪਣੇ ਆਪ ਨੂੰ ਸੁਰੱਖਿਅਤ ਰੱਖੋਂ.