Zomato ਤੋਂ ਖਾਣਾ ਆਰਡਰ ਕਰਨਾ ਹੋ ਗਿਆ ਮਹਿੰਗਾ,ਕੰਪਨੀ ਨੇ ਪਲੇਟਫਾਰਮ ਚਾਰਜ ਵਧਾਇਆ
ਨਵੀ ਦਿੱਲੀ, 3 ਸਤੰਬਰ 2025 (ਵਿਸ਼ਵ ਵਾਰਤਾ): ਆਨਲਾਈਨ ਖਾਣਾ ਆਰਡਰ ਕਰਨ ਵਾਲੇ ਲੋਕਾਂ ਨੂੰ ਹੁਣ ਪਹਿਲਾਂ ਨਾਲੋਂ ਜ਼ਿਆਦਾ ਪੈਸੇ ਦੇਣੇ ਪੈਣਗੇ। ਔਨਲਾਈਨ ਫੂਡ ਡਿਲੀਵਰੀ ਕੰਪਨੀ ਜ਼ੋਮੈਟੋ (Zomato) ਨੇ ਆਪਣੀਆਂ ਸੇਵਾਵਾਂ ਲਈ ਪਲੇਟਫਾਰਮ ਫੀਸ 20 ਪ੍ਰਤੀਸ਼ਤ ਵਧਾ ਦਿੱਤੀ ਹੈ। ਜ਼ੋਮੈਟੋ ਹੁਣ ਹਰੇਕ ਆਰਡਰ ‘ਤੇ ਪਲੇਟਫਾਰਮ ਫੀਸ ਵਜੋਂ 12 ਰੁਪਏ ਲਵੇਗਾ, ਜੋ ਪਹਿਲਾਂ 10 ਰੁਪਏ ਸੀ।
ਵਧੀ ਹੋਈ ਪਲੇਟਫਾਰਮ ਫੀਸ ਮੰਗਲਵਾਰ, 2 ਸਤੰਬਰ, 2025 ਤੋਂ ਲਾਗੂ ਕਰ ਦਿੱਤੀ ਗਈ ਹੈ। ਕੰਪਨੀ ਨੇ ਪਿਛਲੇ ਸਾਲ ਪਲੇਟਫਾਰਮ ਫੀਸ ਵਿੱਚ ਵਾਧਾ ਕੀਤਾ ਸੀ। ਜ਼ੋਮੈਟੋ ਦੇ ਸਹਿ-ਸੰਸਥਾਪਕ ਅਤੇ ਸੀਈਓ ਨੇ ਅਗਸਤ 2023 ਵਿੱਚ ਇਹ ਫੀਸ ਸ਼ੁਰੂ ਕੀਤੀ ਸੀ। ਸ਼ੁਰੂ ਵਿੱਚ ਪਲੇਟਫਾਰਮ ਫੀਸ 2 ਰੁਪਏ ਰੱਖੀ ਗਈ ਸੀ, ਜਿਸਨੂੰ ਬਾਅਦ ਵਿੱਚ 2023 ਵਿੱਚ ਵਧਾ ਕੇ 3 ਰੁਪਏ, ਜਨਵਰੀ 2024 ਵਿੱਚ 4 ਰੁਪਏ ਅਤੇ ਅਕਤੂਬਰ 2024 ਵਿੱਚ ਤਿਉਹਾਰਾਂ ਦੌਰਾਨ ਸਿੱਧੇ 10 ਰੁਪਏ ਕਰ ਦਿੱਤਾ ਗਿਆ। ਹੁਣ ਇਸਨੂੰ ਦੁਬਾਰਾ ਵਧਾ ਕੇ 12 ਰੁਪਏ ਕਰ ਦਿੱਤਾ ਗਿਆ ਹੈ।
ਇਸ ਤੋਂ ਪਹਿਲਾਂ ਸਵਿਗੀ ਨੇ ਵੀ ਆਪਣੀ ਪਲੇਟਫਾਰਮ ਫੀਸ 12 ਰੁਪਏ ਤੋਂ ਵਧਾ ਕੇ 14 ਰੁਪਏ ਕਰ ਦਿੱਤੀ ਹੈ। ਸਵਿਗੀ ਨੇ ਆਰਡਰਾਂ ਵਿੱਚ ਭਾਰੀ ਵਾਧੇ ਦੇ ਵਿਚਕਾਰ ਕੁਝ ਪਿੰਨ ਕੋਡਾਂ ਵਿੱਚ ਇਹ ਵਾਧਾ ਕੀਤਾ। ਰਿਪੋਰਟ ਦੇ ਅਨੁਸਾਰ, ਮੰਗ ਘਟਣ ‘ਤੇ ਇਹ ਵਾਧਾ ਵਾਪਸ ਲੈ ਲਿਆ ਜਾਵੇਗਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
