T20 World Cup: ਦੱਖਣੀ ਅਫ਼ਰੀਕਾ ਨੇ UAE ਨੂੰ ਹਰਾਇਆ
ਨਵੀਂ ਦਿੱਲੀ, 18 ਫਰਵਰੀ 2026 – ਟੀ-20 ਵਿਸ਼ਵ ਕੱਪ ਦਾ 34ਵਾਂ ਮੈਚ ਦੱਖਣੀ ਅਫਰੀਕਾ ਅਤੇ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵਿਚਕਾਰ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਦੱਖਣੀ ਅਫਰੀਕਾ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਯੂਏਈ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ‘ਚ 6 ਵਿਕਟਾਂ ਦੇ ਨੁਕਸਾਨ ‘ਤੇ 122 ਦੌੜਾਂ ਬਣਾਈਆਂ ਸਨ ਜਿਸ ਦੇ ਜਵਾਬ ‘ਚ ਦੱਖਣੀ ਅਫਰੀਕਾ ਨੇ 13.2 ਓਵਰਾਂ ‘ਚ 4 ਵਿਕਟਾਂ ਦੇ ਨੁਕਸਾਨ ‘ਤੇ ਨੂੰ ਜਿੱਤ ਲਈ 123 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ ਹੈ।
ਦੱਖਣੀ ਅਫਰੀਕਾ ਲਈ, ਡੇਵਾਲਡ ਬ੍ਰੀਵਿਸ ਨੇ 36, ਰਿਆਨ ਰਿਕਲਟਨ ਨੇ 30, ਏਡਨ ਮਾਰਕਰਾਮ ਨੇ 28 ਅਤੇ ਕੁਇੰਟਨ ਡੀ ਕੌਕ ਨੇ 14 ਦੌੜਾਂ ਬਣਾਈਆਂ। ਜੇਸਨ ਸਮਿਥ (3) ਅਤੇ ਟ੍ਰਿਸਟਨ ਸਟੱਬਸ (6) ਅਜੇਤੂ ਰਹੇ। ਯੂਏਈ ਲਈ, ਅਲੀਸ਼ਾਨ ਸ਼ਰਾਫੂ ਨੇ ਸਭ ਤੋਂ ਵੱਧ 45 ਦੌੜਾਂ ਬਣਾਈਆਂ। ਕਪਤਾਨ ਮੁਹੰਮਦ ਵਸੀਮ ਨੇ 22, ਓਪਨਰ ਆਰਯੰਸ਼ ਸ਼ਰਮਾ ਨੇ 13 ਅਤੇ ਮੁਹੰਮਦ ਅਰਫਾਨ ਨੇ 11 ਦੌੜਾਂ ਬਣਾਈਆਂ। ਦੱਖਣੀ ਅਫਰੀਕਾ ਲਈ, ਕੋਰਬਿਨ ਬੋਸ਼ ਨੇ 3 ਵਿਕਟਾਂ ਲਈਆਂ, ਅਤੇ ਐਨਰਿਚ ਨੌਰਟਜਾ ਨੇ 2 ਵਿਕਟਾਂ ਲਈਆਂ। ਜਾਰਜ ਲਿੰਡੇ ਨੇ 1 ਵਿਕਟ ਲਈ।
ਦੱਸ ਦਈਏ ਕਿ ਦੱਖਣੀ ਅਫਰੀਕਾ ਨੇ ਆਪਣੇ ਗਰੁੱਪ ਡੀ ਦੇ ਚਾਰੋ ਮੈਚ ਜਿੱਤ ਕੇ ਪੁਆਇੰਟ ਟੇਬਲ ‘ਚ ਸਿਖਰ ‘ਤੇ ਰਹਿ ਕੇ ਸੁਪਰ 8 ਲਈ ਕੁਆਲੀਫਾਈ ਕਰ ਗਿਆ ਹੈ। ਇਸ ਦੌਰਾਨ, ਯੂਏਈ ਸੁਪਰ 8 ਤੋਂ ਬਾਹਰ ਹੋ ਗਿਆ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
