Punjab DGP ਵੱਲੋਂ ਡੀ.ਜੀ. ਐਨ.ਸੀ.ਬੀ ਨਾਲ ਨਸ਼ਿਆਂ ਵਿਰੁੱਧ ਜੰਗ ਨੂੰ ਮਜ਼ਬੂਤ ਕਰਨ ਲਈ ਤਾਲਮੇਲ ਮੀਟਿੰਗ
ਚੰਡੀਗੜ੍ਹ, 10 ਜੁਲਾਈ (ਵਿਸ਼ਵ ਵਾਰਤਾ): ਡੀ.ਜੀ.ਪੀ ਪੰਜਾਬ (Punjab DGP) ਗੌਰਵ ਯਾਦਵ ਨੇ ਡਾਇਰੈਕਟਰ ਜਨਰਲ (ਡੀ.ਜੀ) ਨਾਰਕੋਟਿਕਸ ਕੰਟਰੋਲ ਬਿਊਰੋ ਅਨੁਰਾਗ ਗਰਗ ਆਈ.ਪੀ.ਐੱਸ. ਨਾਲ ਪੰਜਾਬ ਦੀ ਨਸ਼ਿਆਂ ਵਿਰੁੱਧ ਜੰਗ ਨੂੰ ਮਜ਼ਬੂਤ ਕਰਨ ਲਈ ਇੱਕ ਤਾਲਮੇਲ ਮੀਟਿੰਗ ਕੀਤੀ।
ਇਸ ਸਬੰਧੀ ਡੀ.ਜੀ.ਪੀ. ਪੰਜਾਬ ਨੇ ਜਾਣਕਾਰੀ ਦਿੱਤੀ ਕਿ “ਪੰਜਾਬ ਪੁਲਿਸ ਅਤੇ ਨਾਰਕੋਟਿਕਸ ਬਿਊਰੋ ਤੁਰੰਤ ਖੁਫੀਆ ਜਾਣਕਾਰੀ ਸਾਂਝੀ ਕਰਨ, ਸਾਂਝੇ ਆਪ੍ਰੇਸ਼ਨਾਂ ਅਤੇ ਨਾਰਕੋ ਵਪਾਰ, ਨਾਰਕੋ ਅੱਤਵਾਦ ਅਤੇ ਵਿੱਤੀ ਅੱਤਵਾਦ ਦੇ ਕਾਲੇ ਗਠਜੋੜ ‘ਤੇ ਸ਼ਿਕੰਜਾ ਕੱਸਣ ਲਈ ਮਿਲ ਕੇ ਕੰਮ ਕਰਨਗੇ। ਇਸਦਾ ਮੁੱਖ ਫੋਕਸ ਵਿਦੇਸ਼ ਅਧਾਰਤ ‘ਵੱਡੀਆਂ ਮੱਛੀਆਂ’ ਨੂੰ ਜੋ ਕਿ ਪੰਜਾਬ ਨੂੰ ਨਿਸ਼ਾਨਾ ਬਣਾ ਕੇ ਡਰੱਗ ਸਿੰਡੀਕੇਟ ਚਲਾਉਂਦੇ ਹਨ, ਉਨ੍ਹਾਂ ਤੇ ਸ਼ਿਕੰਜਾ ਕਸਣਾ ਹੈ । ਡੀ.ਜੀ. ਐਨ.ਸੀ.ਬੀ. ਨੇ ਇਨ੍ਹਾਂ ਮਾਸਟਰਮਾਈਂਡਾਂ ਨੂੰ ਨਿਆਂ ਦੇ ਕਟਹਿਰੇ ਵਿੱਚ ਲਿਆਉਣ ਲਈ ਪੂਰਾ ਸਮਰਥਨ ਦੇਣ ਦਾ ਭਰੋਸਾ ਦਿੱਤਾ ਹੈ। ਇਕੱਠੇ, ਮਿਲ ਕੇ ਅਸੀਂ ਸਪਲਾਈ ਚੇਨਾਂ ਨੂੰ ਤੋੜਨ, ਸਰਗਨਾਵਾਂ ਨੂੰ ਫੜਨ ਅਤੇ ਆਪਣੇ ਨੌਜਵਾਨਾਂ ਨੂੰ ਇਸ ਖ਼ਤਰੇ ਤੋਂ ਬਚਾਉਣ ਲਈ ਇੱਕਜੁੱਟ ਹਾਂ।”
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
