Paytm Payments Bank ਦਾ ਲਾਇਸੈਂਸ ਰੱਦ
ਨਵੀ ਦਿੱਲੀ, 24 ਅਪ੍ਰੈਲ 2026 (ਵਿਸ਼ਵ ਵਾਰਤਾ) – ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਇੱਕ ਵੱਡਾ ਕਦਮ ਚੁੱਕਦੇ ਹੋਏ ਪੇਟੀਐਮ ਪੇਮੈਂਟਸ ਬੈਂਕ ਲਿਮਟਿਡ (PPBL) ਦਾ ਬੈਂਕਿੰਗ ਲਾਇਸੰਸ ਰੱਦ ਕਰ ਦਿੱਤਾ ਹੈ। ਭਾਰਤੀ ਰਿਜ਼ਰਵ ਬੈਂਕ ਨੇ 24 ਅਪ੍ਰੈਲ 2026 ਦੇ ਹੁਕਮਾਂ ਤਹਿਤ ‘Paytm Payments Bank Limited’ ਦਾ ਬੈਂਕਿੰਗ ਲਾਇਸੰਸ ਰੱਦ ਕੀਤਾ ਹੈ। ਇਹ ਫੈਸਲਾ 24 ਅਪ੍ਰੈਲ 2026 ਤੋਂ ਲਾਗੂ ਹੋ ਗਿਆ ਹੈ।
ਹੁਣ Paytm Payments Bank ਕੋਈ ਵੀ ਬੈਂਕਿੰਗ ਕੰਮ (ਜਿਵੇਂ ਪੈਸੇ ਜਮ੍ਹਾਂ ਕਰਨਾ, ਟ੍ਰਾਂਸਫਰ ਕਰਨਾ ਆਦਿ) ਤੁਰੰਤ ਪ੍ਰਭਾਵ ਨਾਲ ਨਹੀਂ ਕਰ ਸਕੇਗਾ। ਇਹ ਕਾਰਵਾਈ ਨਿਯਮਕ ਮਿਆਰਾਂ ਦੀ ਉਲੰਘਣਾ ਅਤੇ ਪਾਲਣਾ ਨਾਲ ਜੁੜੀਆਂ ਚਿੰਤਾਵਾਂ ਕਾਰਨ ਕੀਤੀ ਗਈ ਹੈ। ਕੇਂਦਰੀ ਬੈਂਕ ਨੇ ਕਿਹਾ ਕਿ ਗਾਹਕਾਂ ਦੇ ਹਿੱਤਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਗਲੀ ਪ੍ਰਕਿਰਿਆ ਤੈਅ ਕੀਤੀ ਜਾਵੇਗੀ, ਤਾਂ ਜੋ ਜਮ੍ਹਾਂ ਪੂੰਜੀ ਅਤੇ ਹੋਰ ਸੇਵਾਵਾਂ ‘ਤੇ ਕੋਈ ਮਾੜਾ ਪ੍ਰਭਾਵ ਨਾ ਪਵੇ।
ਮਿਲੀ ਜਾਣਕਾਰੀ ਅਨੁਸਾਰ ਬੈਂਕ ਉਨ੍ਹਾਂ ਸ਼ਰਤਾਂ ਨੂੰ ਪੂਰਾ ਕਰਨ ਵਿੱਚ ਅਸਫਲ ਰਿਹਾ ਜਿਨ੍ਹਾਂ ਦੇ ਆਧਾਰ ‘ਤੇ ਉਸ ਨੂੰ ‘ਪੇਮੈਂਟਸ ਬੈਂਕ’ ਦਾ ਲਾਇਸੰਸ ਮਿਲਿਆ ਸੀ। ਆਰਬੀਆਈ ਨੇ ਸਾਫ਼ ਤੌਰ ‘ਤੇ ਕਿਹਾ ਹੈ ਕਿ ਪੇਟੀਐਮ ਪੇਮੈਂਟਸ ਬੈਂਕ ਕੋਲ ਇੰਨੀ ਨਕਦੀ ਹੈ ਕਿ ਉਹ ਆਪਣੇ ਹਰ ਇੱਕ ਜਮ੍ਹਾਂ ਕਰਤਾ ਦਾ ਪੂਰਾ ਪੈਸਾ ਵਾਪਸ ਕਰ ਸਕੇ। ਬੈਂਕ ਨੂੰ ਹੁਣ ਸਿਰਫ਼ ‘ਵਾਈਂਡਿੰਗ ਅੱਪ’ ਯਾਨੀ ਕਾਰੋਬਾਰ ਸਮੇਟਣ ਦੀ ਪ੍ਰਕਿਰਿਆ ਵਿੱਚੋਂ ਗੁਜ਼ਰਨਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
