MOHALI NEWS : ਐਕਸ਼ਨ ਮੋਡ ’ਚ ਨਗਰ ਕੌਂਸਲ ਖਰੜ : ਅੰਬਾਲਾ- ਖਰੜ- ਊਨਾ ਜਾਣ ਵਾਲੇ ਲੋਕਾਂ ਨੂੰ ਮਿਲੇਗੀ ਰਾਹਤ
21 ਸਾਲ ਬਾਅਦ ਛੁਡਵਾਇਆ ਕਬਜਾ, ਹੋਰ ਤੇ ਵੀ ਕਾਰਵਾਈ ਜਾਰੀ
ਨਜਾਇਜ਼ ਕਬਜੇ ਕਰਨ ਵਾਲਿਆਂ ਤੇ EO ਮਨਵੀਰ ਸਿੰਘ ਗਿੱਲ ਨੇ ਕੱਸੀ ਨਕੇਲ
ਰਾਤ ਨੂੰ ਕੰਮ ਕਰਵਾਇਆ ਸ਼ੁਰੂ ,SDM, DSP, ਅਤੇ ਟਰੈਫਿਕ ਇੰਚਾਰਜ ਨੇ ਦਿੱਤਾ ਸਹਿਯੋਗ
ਖਰੜ/ਮੋਹਾਲੀ,6ਜੁਲਾਈ(ਸਤੀਸ਼ ਕੁਮਾਰ ਪੱਪੀ)- : ਪੰਜਾਬ ਦੇ ਨਗਰ ਕੌਂਸਲ ਖਰੜ ਤੋਂ ਹੋਕੇ ਹਰਿਆਣਾ ,ਹਿਮਾਚਲ ਆਉਣ -ਜਾਣ ਵਾਲੇ ਵਾਹਨ ਚਾਲਕਾਂ ਨੂੰ ਪੈ ਰਹੇ ਮੀਂਹ ਕਰਕੇ ਕੋਈ ਮੁਸ਼ਕਿਲ ਨਾ ਆਵੇ ਇਸ ਲਈ ਰਾਤ ਨੂੰ ਹੀ ਨਗਰ ਕੌਂਸਲ ਖਰੜ ਦੇ EO ਐਕਸ਼ਨ ਮੋਡ ਚ ਨਜ਼ਰ ਆਏ। ਆਰੀਆ ਕਾਲਜ – ਲਾਂਡਰਾਂ ਰੋਡ, ਖਰੜ ‘ਤੇ ਬਰਸਾਤ ਦਾ ਪਾਣੀ ਭਰਨ ਕਾਰਨ ਲੋਕਾਂ ਨੂੰ ਪਰੇਸ਼ਾਨੀ ਹੋ ਰਹੀ ਸੀ। ਮੌਕਾ ਤੇ ਮੁਆਇਨਾ ਕਰ ਤੇ ਹੋਰ ਅਧਿਕਾਰੀਆਂ ਨਾਲ ਗੱਲਬਾਤ ਕਰਕੇ ਟ੍ਰੈਫਿਕ ਸਮੱਸਿਆ ਦਾ ਹੱਲ ਕੱਢਣ ਲਈ ਰਾਤ ਦੇ ਸਮੇਂ ਬਰਸਾਤੀ ਪਾਣੀ ਦੀ ਪਾਈਪ ਲਾਈਨ ਕਰਾਸਿੰਗ ਦਾ ਨਗਰ ਕੌਂਸਲ ਖਰੜ ਦੇ EO ਮਨਵੀਰ ਸਿੰਘ ਗਿੱਲ ਨੇ ਕੰਮ ਸ਼ੁਰੂ ਕਰਵਾਇਆ.
ਕੰਮ ਨੂੰ ਨੇਪਰੇ ਚਾੜ੍ਹਨ ਸਮੇਂ ਹਾਜ਼ਰ ਐਸਡੀਐਮ ਗੁਰਮੰਦਰ ਸਿੰਘ , ਡੀਐਸਪੀ ਕਰਨ ਸਿੰਘ ਸੰਧੂ ਅਤੇ ਟਰੈਫਿਕ ਇੰਚਾਰਜ ਏਐਸਆਈ ਸੁਖਵਿੰਦਰ ਸਿੰਘ ਨੇ ਟਰੈਫਿਕ ਨੂੰ ਕੰਟਰੋਲ ਕਰਨ ਲਈ ਲੋੜੀਂਦਾ ਸਹਿਯੋਗ ਦਿੱਤਾ।
ਲੋਕ ਪੱਖੀ ਨੀਤੀਆਂ ਤੇ ਵੀ ਨਗਰ ਕੌਂਸਲ ਖਰੜ ਦੇ EO ਕਰ ਰਹੇ ਕੰਮ
ਨਗਰ ਕੌਂਸਲ ਖਰੜ ਨੇ ਵੱਡੀ ਕਾਰਵਾਈ ਕਰਦਿਆਂ 5 ਜੁਲਾਈ ਨੂੰ ਸੰਨੀ ਇਨਕਲੇਵ ਗੁਰੂ ਘਰ ਗੁਰਦਵਾਰਾ ਸ੍ਰੀ ਗੁਰੂ ਅਰਜਨ ਦੇਵ ਜੀ ਖਰੜ ਦੇ ਬਿਲਕੁਲ ਸਾਹਮਣੇ ਸਾਂਝ ਕੇੇਂਦਰ ਵਾਲੀ ਜਗ੍ਹਾ ਦੇ ਨਾਲ਼ ਲੱਗਦੀ ਜਗ੍ਹਾ ਜਿਸ ਤੇ ਬਾਜਵਾ ਡਿਵੈਲਪਰ ਨੇ ਪਿਛਲੇ 21 ਸਾਲਾਂ ਤੋਂ ਨਿਰੰਤਰ ਕਬਜ਼ਾ ਕੀਤਾ ਹੋਇਆ ਸੀ, ਉਹ ਕਬਜ਼ਾ ਛੁਡਵਾ ਲਿਆ ਹੈ।
EO ਮਿਊਂਸੀਪਲ ਕਮੇਟੀ ਖਰੜ ਮਨਵੀਰ ਸਿੰਘ ਗਿੱਲ ਨੇ ਆਪਣੀ ਪੂਰੀ ਟੀਮ ਨਾਲ ਖਰੜ ਵੱਲੋਂ ਵੱਡੀ ਕਾਰਵਾਈ ਕਰਦਿਆਂ ਗੁਰੂ ਰਵਿਦਾਸ ਭਵਨ ਦੇ ਰਸਤੇ ਤੋਂ ਨਜਾਇਜ਼ ਕਬਜੇ ਹਟਾਏ ਗਏ। ਸ੍ਰੀ ਗੁਰੂ ਰਵਿਦਾਸ ਦੇ ਨਾਂ ਤੇ ਬਣੇ ਹੋਏ ਭਵਨ ( ਖਾਨਪੁਰ ਖਰੜ)ਵਿਖੇ ਜਾਂਦੇ ਰਸਤੇ ਤੇ ਸ਼ਰਾਰਤੀ ਲੋਕਾਂ ਵਲੋਂ ਪਿਛਲੇ ਕਾਫੀ ਸਾਲਾਂ ਤੋਂ ਨਜਾਇਜ਼ ਕਬਜੇ ਕੀਤੇ ਹੋਏ ਸਨ। ਜਿਸ ਕਾਰਨ ਪਿਛਲੇ ਕਾਫੀ ਸਮੇਂ ਤੋ ਸ਼ਹਿਰ ਵਾਸੀ ਅਤੇ ਰਵਿਦਾਸ ਭਾਈ ਚਾਰੇ ਦੇ ਲੋਕਾਂ ਵਲੋਂ ਇਸ ਗੰਭੀਰ ਮਸਲੇ ਸਬੰਧੀ ਸਰਕਾਰੇ ਦਰਬਾਰੇ ਪਹੁੰਚ ਕੀਤੀ ਪਰ ਕਾਰਵਾਈ ਨਹੀਂ ਹੋਈ।
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਸਰਕਾਰ ਦੀ ਲੋਕ ਪੱਖੀ ਨੀਤੀਆਂ ਅਤੇ ਕੈਬਨਿਟ ਮੰਤਰੀ ਅਨਮੋਲ ਗਗਨ ਮਾਨ ਦੀ ਅਗਵਾਈ ਹੇਠ ਅੱਜ ਡਿਪਟੀ ਕਮਿਸ਼ਨਰ ਮੁਹਾਲੀ ਆਸ਼ਿਕਾ ਜੈਨ, ssp ਮੁਹਾਲੀ ਸੰਦੀਪ ਗਰਗ, SDM ਖਰੜ ਗੁਰਮੰਦਰ ਸਿੰਘ, DSP ਖਰੜ ਕਰਨ ਸੰਧੂ ਅਤੇ EO ਮਿਊਂਸੀਪਲ ਕਮੇਟੀ ਖਰੜ ਮਨਵੀਰ ਸਿੰਘ ਗਿੱਲ ਨੇ ਆਪਣੀ ਪੂਰੀ ਟੀਮ ਨਾਲ 5 ਜੁਲਾਈ ਖਰੜ ਅਤੇ ਸੰਨੀ ਇਨਕਲੇਵ ਦੇ ਲੋਕਾਂ ਦੀ ਸਭ ਤੋਂ ਵੱਡੀ ਮੰਗ ਪੂਰੀ ਕਰ ਦਿੱਤੀ ਸੀ ।
