MISS WORLD 2025 ਦਾ ਗ੍ਰੈਂਡ ਫਿਨਾਲੇ ਅੱਜ
– ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼-ਮਾਨੁਸ਼ੀ ਛਿੱਲਰ ਸਮਾਗਮ ਵਿੱਚ ਹੋਣਗੀਆਂ ਸ਼ਾਮਲ
– 110 ਸੁੰਦਰੀਆਂ ‘ਚੋਂ ਕਿਸੇ ਇਕ ਨੂੰ ਪਹਿਨਾਇਆ ਜਾਵੇਗਾ ਤਾਜ, ਜਾਣੋ ਕਦੋਂ ਅਤੇ ਕਿੱਥੇ ਦੇਖੀਏ LIVE
ਨਵੀ ਦਿੱਲੀ, 31 ਮਈ (ਵਿਸ਼ਵ ਵਾਰਤਾ): 72ਵਾਂ ਮਿਸ ਵਰਲਡ ਬਿਊਟੀ ਮੁਕਾਬਲਾ 2025 ਪਹਿਲੀ ਵਾਰ ਤੇਲੰਗਾਨਾ ਦੀ ਰਾਜਧਾਨੀ ਹੈਦਰਾਬਾਦ ਚ ਹੋ ਰਿਹਾਹੈ। ਮੁਕਾਬਲੇ ਦਾ ਗ੍ਰੈਂਡ ਫਿਨਾਲੇ ਅੱਜ 31 ਮਈ ਨੂੰ ਹੋਣ ਜਾ ਰਿਹਾ ਹੈ।ਇਸ ਸਮੇਂ ਦੁਨੀਆ ਭਰ ਦੀਆਂ 110 ਤੋਂ ਵੱਧ ਸੁੰਦਰੀਆਂ ਆਪਣੀ ਪ੍ਰਤਿਭਾ, ਸੁੰਦਰਤਾ ਅਤੇ ਬੁੱਧੀ ਦਾ ਪ੍ਰਦਰਸ਼ਨ ਕਰਦੀਆਂ ਦਿਖਾਈ ਦੇਣਗੀਆਂ। ਇਹ ਸਮਾਗਮ ‘ਬਿਊਟੀ ਵਿਦ ਏ ਪਰਪਜ਼’ ਦੇ ਮਿਸ਼ਨ ਨਾਲ ਸਮਾਜਿਕ ਬਦਲਾਅ ਅਤੇ ਸਸ਼ਕਤੀਕਰਨ ਵੱਲ ਇੱਕ ਕਦਮ ਹੈ।
ਇਸ ਸ਼ੋਅ ਦੀ ਮੇਜ਼ਬਾਨੀ ਮਿਸ ਵਰਲਡ 2016 ਸਟੈਫਨੀ ਡੇਲ ਵੈਲੇ ਅਤੇ ਮਸ਼ਹੂਰ ਭਾਰਤੀ ਮੇਜ਼ਬਾਨ ਸਚਿਨ ਕੁੰਭਰ ਕਰਨਗੇ। ਗ੍ਰੈਂਡ ਫਿਨਾਲੇ ਲਈ ਸਾਰੇ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ। ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਅਤੇ ਅਦਾਕਾਰ ਈਸ਼ਾਨ ਖੱਟਰ ਮਿਸ ਵਰਲਡ 2025 ਦੇ ਗ੍ਰੈਂਡ ਫਿਨਾਲੇ ਵਿੱਚ ਲਾਈਵ ਪਰਫਾਰਮੈਂਸ ਦੇਣਗੇ। ਇਸ ਤੋਂ ਇਲਾਵਾ ਮਿਸ ਵਰਲਡ 2017 ਅਤੇ ਅਦਾਕਾਰਾ ਮਾਨੁਸ਼ੀ ਛਿੱਲਰ ਵਿਸ਼ੇਸ਼ ਤੌਰ ‘ਤੇ ਮੌਜੂਦ ਹੋਣਗੇ। ਜੇਕਰ ਤੁਸੀਂ ਵੀ ਇਸ ਸਮਾਗਮ ਦਾ ਹਿੱਸਾ ਬਣਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਘਰ ਬੈਠੇ ਇਸਦੀ ਲਾਈਵ ਸਟ੍ਰੀਮ ਦਾ ਆਨੰਦ ਲੈ ਸਕਦੇ ਹੋ।
ਇਹ ਪ੍ਰੋਗਰਾਮ 31 ਮਈ ਨੂੰ ਸ਼ਾਮ 6:30 ਵਜੇ ਸ਼ੁਰੂ ਹੋਵੇਗਾ ਅਤੇ ਇਸਨੂੰ ਪੂਰੀ ਦੁਨੀਆ ਵਿੱਚ ਲਾਈਵ ਸਟ੍ਰੀਮ ਕੀਤਾ ਜਾਵੇਗਾ। ਤੁਸੀਂ ਇਸ ਈਵੈਂਟ ਸ਼ੋਅ ਨੂੰ ਆਪਣੇ ਘਰਾਂ ਵਿੱਚ ਬੈਠੇ ਹੀ ਸੋਨੀ LIV ‘ਤੇ ਲਾਈਵ ਦੇਖ ਸਕਦੇ ਹੋ। ਇਸ ਤੋਂ ਇਲਾਵਾ, ਇਸਨੂੰ ਮਿਸ ਵਰਲਡ ਦੀ ਅਧਿਕਾਰਤ ਵੈੱਬਸਾਈਟ www.missworld.com ‘ਤੇ ਦੇਖਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ, ਮਿਸ ਵਰਲਡ ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ @missworld ‘ਤੇ ਲਗਾਤਾਰ ਅਪਡੇਟਸ ਅਤੇ ਲਾਈਵ ਸਟ੍ਰੀਮਿੰਗ ਲਿੰਕ ਸਾਂਝੇ ਕੀਤੇ ਜਾਣਗੇ। ਇਸ ਈਵੈਂਟ ਵਿੱਚ ਭਾਰਤ ਵੱਲੋਂ ਨੰਦਿਨੀ ਗੁਪਤਾ ਦੇਸ਼ ਦੀ ਨੁਮਾਇੰਦਗੀ ਕਰ ਰਹੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
