JEE Advanced 2026 ਦੇ ਨਤੀਜੇ ਜਾਰੀ, ਦੇਖੋ Toppers List
ਨਵੀ ਦਿੱਲੀ. 1 ਜੂਨ 2026 (ਵਿਸ਼ਵ ਵਾਰਤਾ) : ਦੇਸ਼ ਦੀਆਂ ਚੋਟੀ ਦੀਆਂ IITs ਵਿੱਚ ਪੜ੍ਹਨ ਦਾ ਸੁਪਨਾ ਦੇਖ ਰਹੇ ਵਿਦਿਆਰਥੀਆਂ ਲਈ ਖ਼ੁਸ਼ਖਬਰੀ ਹੈ। ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (IIT) ਰੁੜਕੀ ਨੇ ਜੁਆਇੰਟ ਐਂਟਰੈਂਸ ਐਗਜ਼ਾਮੀਨੇਸ਼ਨ (JEE) ਐਡਵਾਂਸਡ ਦਾ ਨਤੀਜਾ ਐਲਾਨ ਦਿੱਤਾ ਹੈ। ਦੱਸ ਦਈਏ ਕਿ ਕੁੱਲ 56,880 ਉਮੀਦਵਾਰਾਂ ਨੇ ਜੇ.ਈ.ਈ. ਐਡਵਾਂਸਡ ਕੁਆਲੀਫਾਈ ਕੀਤਾ ਹੈ। ਇਹਨਾਂ ਵਿੱਚ 10,107 ਮਹਿਲਾ ਉਮੀਦਵਾਰ ਸ਼ਾਮਲ ਹਨ। ਚੋਟੀ ਦੇ ਤਿੰਨ ਵਿਦਿਆਰਥੀ ਦਿੱਲੀ ਜ਼ੋਨ ਤੋਂ ਹਨ।IIT ਦਿੱਲੀ ਜ਼ੋਨ ਦੇ ਸ਼ੁਭਮ ਕੁਮਾਰ ਨੇ ਆਲ ਇੰਡੀਆ ਟਾਪਰ ਬਣ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਆਰੋਹੀ ਦੇਸ਼ਪਾਂਡੇ ਨੇ ਮਹਿਲਾ ਉਮੀਦਵਾਰਾਂ ਵਿੱਚੋਂ ਸਰਵਉੱਚ ਰੈਂਕ ਪ੍ਰਾਪਤ ਕੀਤਾ। ਸ਼ੁਭਮ ਕੁਮਾਰ ਨੇ ਕਾਮਨ ਰੈਂਕ ਲਿਸਟ (CRL) ਵਿੱਚ ਸਿਖਰਲਾ ਸਥਾਨ ਹਾਸਲ ਕੀਤਾ ਅਤੇ 360 ਵਿੱਚੋਂ 330 ਅੰਕ ਪ੍ਰਾਪਤ ਕੀਤੇ।
ਜਿਹੜੇ ਉਮੀਦਵਾਰ 17 ਮਈ 2026 ਨੂੰ ਆਯੋਜਿਤ ਹੋਈ ਜੇ.ਈ.ਈ. (JEE) ਐਡਵਾਂਸਡ ਪ੍ਰੀਖਿਆ ਵਿੱਚ ਬੈਠੇ ਸਨ, ਉਹ ਆਈ.ਆਈ. ਜੇ.ਈ.ਈ. ਨਤੀਜੇ ਦੀ ਅਧਿਕਾਰਤ ਵੈੱਬਸਾਈਟ jeeadv.ac.in ‘ਤੇ ਜਾ ਕੇ ਆਪਣਾ ਸਕੋਰਕਾਰਡ ਚੈੱਕ ਅਤੇ ਡਾਊਨਲੋਡ ਕਰ ਸਕਦੇ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
