ISRO ਦੇ ਇਸ ਸਾਲ ਦੇ ਆਖਰੀ ਮਿਸ਼ਨ ਨੇ ਰਚਿਆ ਇਤਿਹਾਸ !
– ਇਸਰੋ ਨੇ ਵਿਸ਼ਾਲ ਅਮਰੀਕੀ ਉਪਗ੍ਰਹਿ ਨੂੰ ਘੱਟ ਔਰਬਿਟ ਵਿੱਚ ਰੱਖਿਆ
ਚੰਡੀਗੜ੍ਹ, 24 ਦਸੰਬਰ 2025 (ਵਿਸ਼ਵਵਰਤਾ) – ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ ਬੁੱਧਵਾਰ ਨੂੰ space mission ‘ਚ ਇੱਕ ਰਿਕਾਰਡ ਬਣਾਇਆ। ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਬੁੱਧਵਾਰ ਸਵੇਰੇ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਸਥਿਤ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ LVM3-M6 ਰਾਕੇਟ ਦੀ ਵਰਤੋਂ ਕਰਕੇ ਅਮਰੀਕੀ ਸੈਟੇਲਾਈਟ ਬਲੂਬਰਡ ਬਲਾਕ-2 ਨੂੰ ਲਾਂਚ ਸਫਲਤਾਪੂਰਵਕ ਕੀਤਾ। 6,100 ਕਿਲੋਗ੍ਰਾਮ ਵਜ਼ਨ ਵਾਲਾ, ਬਲੂਬਰਡ ਭਾਰਤ ਤੋਂ ਹੁਣ ਤੱਕ ਦਾ ਸਭ ਤੋਂ ਭਾਰੀ ਸੈਟੇਲਾਈਟ ਹੈ।
ਇਸ ਸ਼ਕਤੀਸ਼ਾਲੀ ਰਾਕੇਟ ਨੇ ਅਮਰੀਕੀ ਬਲੂ ਬਰਡ ਬਲਾਕ-2 ਉਪਗ੍ਰਹਿ ਨੂੰ ਔਰਬਿਟ ਵਿੱਚ ਸਥਾਪਿਤ ਕੀਤਾ ਗਿਆ ਹੈ। ਇਸ ਮਿਸ਼ਨ ਰਾਹੀਂ ਅਗਲੀ ਪੀੜ੍ਹੀ ਦੇ ਸੰਚਾਰ ਉਪਗ੍ਰਹਿ ਨੂੰ ਪੁਲਾੜ ਵਿੱਚ ਤਾਇਨਾਤ ਕੀਤਾ ਗਿਆ ਹੈ। ਇਹ ਦੁਨੀਆ ਭਰ ਦੇ ਸਮਾਰਟਫ਼ੋਨਾਂ ਨੂੰ ਸਿੱਧੀ ਹਾਈ-ਸਪੀਡ ਸੈਲੂਲਰ ਬ੍ਰਾਡਬੈਂਡ ਪਹੁੰਚ ਪ੍ਰਦਾਨ ਕਰੇਗਾ। ਬਲੂ ਬਰਡ ਬਲਾਕ-2 LVM3 ਰਾਕੇਟ ਵੱਲੋਂ ਹੇਠਲੀ ਔਰਬਿਟ ਵਿੱਚ ਲਾਂਚ ਕੀਤਾ ਗਿਆ ਸਭ ਤੋਂ ਭਾਰੀ ਉਪਗ੍ਰਹਿ ਬਣ ਗਿਆ ਹੈ।
(ISRO) ਮਿਸ਼ਨ ਦੇ ਤਹਿਤ ਅਮਰੀਕੀ ਕੰਪਨੀ AST ਸਪੇਸਮੋਬਾਈਲ ਦੇ 6,100-ਕਿਲੋਗ੍ਰਾਮ ਬਲੂ ਬਰਡ ਬਲਾਕ-2 ਸੰਚਾਰ ਉਪਗ੍ਰਹਿ ਨੂੰ 16 ਮਿੰਟਾਂ ਵਿੱਚ 520 ਕਿਲੋਮੀਟਰ ਦੀ ਦੂਰੀ ‘ਤੇ ਧਰਤੀ ਦੇ ਔਰਬਿਟ ਵਿੱਚ ਸਫਲਤਾਪੂਰਵਕ ਸਥਾਪਿਤ ਕੀਤਾ ਗਿਆ ਹੈ। ਇਸਰੋ ਨੇ ਲਾਂਚ ਲਈ ਆਪਣੇ LVM3 ਰਾਕੇਟ ਦੀ ਵਰਤੋਂ ਕੀਤੀ, ਜਿਸਨੂੰ ਆਪਣੀਆਂ ਸਮਰੱਥਾਵਾਂ ਲਈ “ਬਾਹੂਬਲੀ” ਰਾਕੇਟ ਵੀ ਕਿਹਾ ਜਾਂਦਾ ਹੈ। ਇਹ ਇਸ ਲਾਂਚ ਵਾਹਨ ਦੀ ਛੇਵੀਂ ਉਡਾਣ ਸੀ ਅਤੇ ਵਪਾਰਕ ਮਿਸ਼ਨ ਲਈ ਤੀਜੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
