IPL 2026: ਜਿੱਤ ਦੇ ਜਸ਼ਨ ਵਿਚਾਲੇ RCB ਨੂੰ ਵੱਡਾ ਝਟਕਾ! ਹੈੱਡ ਕੋਚ ਐਂਡੀ ਫਲਾਵਰ ਨੂੰ ਲੱਗਾ ਭਾਰੀ ਜ਼ੁਰਮਾਨਾ
ਨਵੀ ਦਿੱਲੀ, 11 ਮਈ 2026 (ਵਿਸ਼ਵ ਵਾਰਤਾ) : ਬੀਤੀ ਸ਼ਾਮ ਆਰਸੀਬੀ (RCB) ਅਤੇ ਐਮਆਈ (MI) ਵਿਚਕਾਰ ਮੈਚ ਖੇਡਿਆ ਗਿਆ। ਇਸ ਮੈਚ ਦੇ ਅੰਤ ਵਿੱਚ ਰੋਮਾਂਚ ਦੀਆਂ ਸਾਰੀਆਂ ਹੱਦਾਂ ਪਾਰ ਹੋ ਗਈਆਂ ਸਨ। ਆਰਸੀਬੀ (RCB) ਨੇ ਮੁੰਬਈ ਇੰਡੀਅਨਜ਼ (MI) ਨੂੰ ਹਰਾ ਕੇ ਸ਼ਾਨਦਾਰ ਜਿੱਤ ਪ੍ਰਾਪਤ ਕੀਤੀ । ਇਸ ਮੈਚ ਦੇ ਨਾਲ ਹੀ ਜਿੱਥੇ ਇੱਕ ਪਾਸੇ ਮੁੰਬਈ ਲਈ ਆਈਪੀਐਲ ਦਾ ਇਹ ਸੀਜ਼ਨ ਖਤਮ ਹੋ ਗਿਆ ਹੈ, ਉੱਥੇ ਹੀ ਆਰਸੀਬੀ ਨੇ ਪਲੇਅ-ਆਫ ਵੱਲ ਇੱਕ ਹੋਰ ਕਦਮ ਵਧਾ ਦਿੱਤਾ ਹੈ।
ਪਰ ਇਸ ਦੇ ਬਾਵਜੂਦ IPL 2026 ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਦੇ ਹੈੱਡ ਕੋਚ ਐਂਡੀ ਫਲਾਵਰ ‘ਤੇ BCCI ਨੇ ਸਖ਼ਤ ਕਾਰਵਾਈ ਕੀਤੀ ਹੈ। ਮੈਚ ਦੌਰਾਨ ਅੰਪਾਇਰ ਨਾਲ ਹਿੰਸਕ ਵਿਵਹਾਰ ਅਤੇ ਅਪਸ਼ਬਦਾਂ ਦੀ ਵਰਤੋਂ ਕਰਨ ‘ਤੇ ਉਨ੍ਹਾਂ ਨੂੰ ਮੈਚ ਫੀਸ ਦਾ 15% ਜੁਰਮਾਨਾ ਲਗਾਇਆ ਗਿਆ ਹੈ।
ਇਹ ਘਟਨਾ ਐਤਵਾਰ 10 ਮਈ ਨੂੰ ਰਾਏਪੁਰ ਵਿੱਚ RCB ਬਨਾਮ MI ਮੈਚ ਦੌਰਾਨ ਵਾਪਰੀ। 18ਵੇਂ ਓਵਰ ਵਿੱਚ ਐਂਡੀ ਫਲਾਵਰ ਚੌਥੇ ਅੰਪਾਇਰ ਨਾਲ ਕਿਸੇ ਫੈਸਲੇ ਨੂੰ ਲੈ ਕੇ ਤਿੱਖੀ ਬਹਿਸ ਕਰਦੇ ਨਜ਼ਰ ਆਏ। IPL ਦੀ ਗਵਰਨਿੰਗ ਬਾਡੀ ਨੇ ਇਸ ਨੂੰ ਅਨੁਸ਼ਾਸਨਹੀਣਤਾ ਮੰਨਦੇ ਹੋਏ ਲੈਵਲ-1 ਦਾ ਅਪਰਾਧ ਘੋਸ਼ਿਤ ਕੀਤਾ ਹੈ।
ਰਿਪੋਰਟਸ ਦੇ ਮੁਤਾਬਕ, ਮੈਚ ਦੇ ਰੋਮਾਂਚਕ ਮੋੜ ‘ਤੇ ਐਂਡੀ ਫਲਾਵਰ ਚੌਥੇ ਅੰਪਾਇਰ ਨਾਲ ਹਿੰਸਕ ਤਰੀਕੇ ਨਾਲ ਗੱਲ ਕਰਨ ਲੱਗੇ। IPL ਕੋਡ ਆਫ ਕੰਡਕਟ (ਜ਼ਾਬਤਾ) ਦੇ ਆਰਟੀਕਲ 2.3 ਦੇ ਤਹਿਤ ਮੈਚ ਦੌਰਾਨ ‘ਆਡੀਬਲ ਅਬਸੈਨਿਟੀ’ ਦੀ ਵਰਤੋਂ ‘ਤੇ ਪਾਬੰਦੀ ਹੈ। ਐਂਡੀ ਫਲਾਵਰ ਦੇ ਸ਼ਬਦ ਬ੍ਰੌਡਕਾਸਟਿੰਗ ਮਾਈਕ ਵਿੱਚ ਸੁਣਾਈ ਦਿੱਤੇ, ਜਿਸ ਤੋਂ ਬਾਅਦ ਮੈਚ ਰੈਫਰੀ ਅਮਿਤ ਸ਼ਰਮਾ ਨੇ ਉਨ੍ਹਾਂ ‘ਤੇ ਜ਼ੁਰਮਾਨਾ ਲਗਾਇਆ। ਐਂਡੀ ਫਲਾਵਰ ਨੇ ਆਪਣੀ ਗਲਤੀ ਮੰਨ ਕੇ ਸਜ਼ਾ ਸਵੀਕਾਰ ਕਰ ਲਈ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
