IPL 2025 ਦੇ ਮੈਚ ਭਾਰਤ ਦੇ ਇਨ੍ਹਾਂ 5 ਸ਼ਹਿਰਾਂ ਵਿੱਚ BAN
– BCCI ਦਾ ਵੱਡਾ ਫੈਸਲਾ!
ਨਵੀ ਦਿੱਲੀ, 13 ਮਈ (ਵਿਸ਼ਵ ਵਾਰਤਾ) : ਭਾਰਤ -ਪਾਕਿਸਤਾਨ ਵਿਚਾਲੇ ਤਣਾਅ ਘੱਟਦੇ ਹੀ ਬੀਸੀਸੀਆਈ ਨੇ ਆਈਪੀਐਲ (IPL 2025) ਦੇ ਬਾਕੀ ਮੈਚਾਂ ਲਈ ਇੱਕ ਨਵਾਂ ਸ਼ਡਿਊਲ ਜਾਰੀ ਕੀਤਾ। ਆਈਪੀਐਲ 2025 ਦੇ ਬਾਕੀ 13 ਗਰੁੱਪ ਸਟੇਜ ਮੁਕਾਬਲੇ ਜਿਸ ਵਿੱਚ ਫਾਈਨਲ, ਕੁਆਲੀਫਾਇਰ ਅਤੇ ਐਲੀਮੀਨੇਟਰ ਸ਼ਾਮਲ ਹਨ, ਹੁਣ 17 ਮਈ ਤੋਂ 3 ਜੂਨ ਤੱਕ ਖੇਡੇ ਜਾਣਗੇ। ਹਾਲਾਂਕਿ, ਨਵੇਂ ਸ਼ਡਿਊਲ ਦਾ ਐਲਾਨ ਕਰਦੇ ਹੋਏ, ਬੀਸੀਸੀਆਈ ਨੇ ਆਪਣੇ ਇੱਕ ਫੈਸਲੇ ਨਾਲ ਸਾਰਿਆਂ ਨੂੰ ਹੈਰਾਨ ਵੀ ਕਰ ਦਿੱਤਾ ਹੈ।
ਇਹ ਫੈਸਲਾ ਭਾਰਤ ਦੇ 5 ਸ਼ਹਿਰਾਂ ਵਿੱਚ ਆਈਪੀਐਲ 2025 (IPL 2025) ਦੇ ਮੈਚ ਨਾ ਕਰਵਾਉਣ ਨਾਲ ਸਬੰਧਤ ਹੈ। ਨਵੇਂ ਸ਼ਡਿਊਲ ਦੇ ਤਹਿਤ, ਮੈਚ ਭਾਰਤ ਦੇ ਸਿਰਫ਼ 6 ਸ਼ਹਿਰਾਂ ਵਿੱਚ ਹੀ ਖੇਡੇ ਜਾਣਗੇ। ਨਵੇਂ ਸ਼ਡਿਊਲ ਅਨੁਸਾਰ ਬੀਸੀਸੀਆਈ ਨੇ ਮੈਚਾਂ ਦੇ ਆਯੋਜਨ ਲਈ ਉਹੀ 6 ਸ਼ਹਿਰ ਚੁਣੇ ਹਨ, ਜੋ ਭਾਰਤ ਦੀ ਅੰਤਰਰਾਸ਼ਟਰੀ ਸਰਹੱਦ ਤੋਂ ਬਹੁਤ ਦੂਰ ਹਨ। ਜੋ ਕਿਸੇ ਵੀ ਗੁਆਂਢੀ ਦੇਸ਼ ਦੀ ਸਰਹੱਦ ਦੇ ਨਾਲ ਨਹੀਂ ਲਗਦੇ।
ਦੱਸ ਦਈਏ ਕਿ ਆਈਪੀਐਲ 2025 ਦੇ ਮੈਚ ਪਹਿਲਾਂ ਬੰਗਲੁਰੂ, ਜੈਪੁਰ, ਦਿੱਲੀ, ਲਖਨਊ, ਚੇਨਈ, ਧਰਮਸ਼ਾਲਾ, ਕੋਲਕਾਤਾ, ਹੈਦਰਾਬਾਦ, ਮੁੰਬਈ, ਅਹਿਮਦਾਬਾਦ, ਮੁੱਲਾਂਪੁਰ, ਵਿਸ਼ਾਖਾਪਟਨਮ ਅਤੇ ਗੁਹਾਟੀ ਵਿੱਚ ਹੁੰਦੇ ਦੇਖੇ ਗਏ ਸਨ। ਇਨ੍ਹਾਂ 13 ਸ਼ਹਿਰਾਂ ਵਿੱਚੋਂ, ਹੁਣ ਸਿਰਫ਼ 6 ਥਾਵਾਂ ‘ਤੇ ਹੀ ਆਈਪੀਐਲ 2025 ਦੇ ਮੈਚ ਹੋਣਗੇ। ਉਹ 6 ਥਾਵਾਂ ਹਨ ਬੰਗਲੁਰੂ, ਜੈਪੁਰ, ਦਿੱਲੀ, ਲਖਨਊ, ਮੁੰਬਈ ਅਤੇ ਅਹਿਮਦਾਬਾਦ। 17 ਮਈ ਤੋਂ ਦੁਬਾਰਾ ਆਈਪੀਐਲ 2025 ਸ਼ੁਰੂ ਹੋਵੇਗਾ। ਲੀਗ ਪੜਾਅ ਦੇ ਬਾਕੀ 13 ਮੈਚ 6 ਥਾਵਾਂ ‘ਤੇ ਖੇਡੇ ਜਾਣਗੇ। ਪਲੇਆਫ ਪੜਾਅ 29 ਮਈ ਤੋਂ ਖੇਡਿਆ ਜਾਵੇਗਾ, ਜਿਸ ਤੋਂ ਬਾਅਦ ਫਾਈਨਲ 3 ਜੂਨ ਨੂੰ ਹੋਵੇਗਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
