ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਦੀ ਪਤਨੀ ਨੇ ਕੀਤਾ Suicide
– ਮਾਮਲੇ ਦੀ ਜਾਂਚ ‘ਚ ਜੁਟੀ ਪੁਲਿਸ
ਹਰਿਆਣਾ, 31 ਜੁਲਾਈ (ਵਿਸ਼ਵ ਵਾਰਤਾ): ਰੋਹਤਕ ਵਿੱਚ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸ਼ੀਲੂ ਬਲਹਾਰਾ ਦੀ ਪਤਨੀ ਮੁਸਕਾਨ ਬਲਹਾਰਾ ਨੇ ਖ਼ੁਦਕੁਸ਼ੀ ਕਰ ਲਈ ਹੈ। ਸ਼ੀਲੂ ਦਾ ਢਾਈ ਸਾਲ ਪਹਿਲਾਂ ਵਿਆਹ ਹੋਇਆ ਸੀ। ਦੋਵਾਂ ਦਾ ਇੱਕ ਬੇਟਾ ਹੈ। ਪੁਲਿਸ ਨੇ ਮ੍ਰਿਤਕ ਦੇਹ ਨੂੰ ਕਬਜ਼ੇ ਵਿੱਚ ਲੈ ਕੇ ਜਾਂਚ-ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ।
ਬਹੂ-ਅਕਬਰਪੁਰ ਥਾਣਾ ਪ੍ਰਭਾਰੀ ਜਸਬੀਰ ਨੇ ਦੱਸਿਆ ਕਿ ਸੂਚਨਾ ਮਿਲੀ ਸੀ ਕਿ ਬਹੂ-ਅਕਬਰਪੁਰ ਪਿੰਡ ਵਿੱਚ ਇੱਕ ਵਿਆਹੁਤਾ ਦੀ ਦੇਹ ਫੰਦੇ ਨਾਲ ਲਟਕਦੀ ਮਿਲੀ ਹੈ। ਪੁਲਿਸ ਦੀ ਟੀਮ ਐੱਫ.ਐੱਸ.ਐੱਲ. (FSL) ਐਕਸਪਰਟ ਡਾਕਟਰ ਨਾਲ ਮੌਕੇ ‘ਤੇ ਪਹੁੰਚੀ। ਮ੍ਰਿਤਕਾ ਦੀ ਪਛਾਣ ਮੁਸਕਾਨ ਵਜੋਂ ਹੋਈ ਹੈ। ਜਾਂਚ-ਪੜਤਾਲ ਤੋਂ ਪਤਾ ਲੱਗਾ ਕਿ ਮੁਸਕਾਨ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸ਼ੀਲੂ ਬਲਹਾਰਾ ਦੀ ਪਤਨੀ ਹੈ। ਫਿਲਹਾਲ ਮਾਮਲਾ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਕੱਲ੍ਹ ਮੁਸਕਾਨ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇਗਾ।
ਦੱਸ ਦਈਏ ਕਿ ਸ਼ੀਲੂ ਬਲਹਾਰਾ ਰੋਹਤਕ ਦੇ ਪਿੰਡ ਬਹੂ ਅਕਬਰਪੁਰ ਦੇ ਰਹਿਣ ਵਾਲੇ ਹਨ। ਘਰ ਵਿੱਚ ਪਿਤਾ ਸੁਰੇਂਦਰ, ਮਾਂ ਨਿਸ਼ਾ ਦੇਵੀ, ਦਾਦੀ, ਇੱਕ ਭੈਣ ਅਤੇ ਭਰਾ ਮਨੀਸ਼ ਹਨ। ਪਿਤਾ ਸੁਰੇਂਦਰ ਬਲਹਾਰਾ ਇੱਕ ਸਾਧਾਰਨ ਕਿਸਾਨ ਹਨ। ਮਨੀਸ਼ ਵੀ ਕਬੱਡੀ ਖੇਡਦਾ ਹੈ। ਸ਼ੀਲੂ ਪਹਿਲਾਂ ਜੂਡੋ ਖੇਡਦੇ ਸਨ, ਫਿਰ ਪਹਿਲਵਾਨੀ ਕਰਨ ਲੱਗੇ। ਛੇ ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਕਬੱਡੀ ਖੇਡਣਾ ਸ਼ੁਰੂ ਕਰ ਦਿੱਤਾ ਸੀ। ਪੰਜਾਬ ਦੀਆਂ ਵੱਖ-ਵੱਖ ਟੀਮਾਂ ਵਿੱਚ ਸ਼ੀਲੂ ਖੇਡਣ ਲਈ ਜਾਂਦੇ ਰਹਿੰਦੇ ਸਨ। ਸ਼ੀਲੂ ਕਬੱਡੀ ਮੁਕਾਬਲਿਆਂ ਵਿੱਚ ਪੰਜਾਬ ਤੋਂ ਹੁਣ ਤੱਕ 24 ਟਰੈਕਟਰ, 50 ਤੋਂ ਵੱਧ ਬੁਲੇਟ ਅਤੇ ਇੱਕ ਕੰਬਾਈਨ ਜਿੱਤ ਚੁੱਕੇ ਹਨ। ਪਿਛਲੇ ਸਾਲ ਅਮਰੀਕਾ ਵਿੱਚ ਹੋਏ ਕਬੱਡੀ ਟੂਰਨਾਮੈਂਟ ਵਿੱਚ ਵੀ ਉਹ ਬੈਸਟ ਕੈਚਰ ਚੁਣੇ ਗਏ ਸਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
