ICC ਨੇ ਕ੍ਰਿਕਟ ਵਰਲਡ ਕੱਪ 2027 ਦੇ ਵੈਨਿਊ ਦਾ ਕੀਤਾ ਐਲਾਨ, ਇਹਨਾਂ 12 ਸ਼ਹਿਰਾਂ ‘ਚ ਹੋਣਗੇ ਮੁਕਾਬਲੇ
ਨਵੀ ਦਿੱਲੀ, 31 ਜੁਲਾਈ 2026 (ਵਿਸ਼ਵ ਵਾਰਤਾ) – ICC ਨੇ 2027 ਵਨਡੇ ਵਰਲਡ ਕੱਪ ਲਈ 12 ਮੇਜ਼ਬਾਨ ਸ਼ਹਿਰਾਂ ਦਾ ਐਲਾਨ ਕਰ ਦਿੱਤਾ ਹੈ। ਟੂਰਨਾਮੈਂਟ 4 ਅਕਤੂਬਰ ਤੋਂ 21 ਨਵੰਬਰ ਤੱਕ ਸਾਊਥ ਅਫ਼ਰੀਕਾ, ਜ਼ਿੰਬਾਬਵੇ ਅਤੇ ਨਾਮੀਬੀਆ ਵਿੱਚ ਖੇਡਿਆ ਜਾਵੇਗਾ।
ਵਿਸ਼ਵ ਕੱਪ 2027 ਵਿੱਚ ਸਭ ਤੋਂ ਜ਼ਿਆਦਾ ਮੁਕਾਬਲੇ ਸਾਊਥ ਅਫ਼ਰੀਕਾ ਦੇ 8 ਸਟੇਡੀਅਮਾਂ ਵਿੱਚ ਖੇਡੇ ਜਾਣਗੇ। ਇਹਨਾਂ ਵਿੱਚ ਜੋਹਾਨਸਬਰਗ, ਸੈਂਚੁਰੀਅਨ, ਡਰਬਨ, ਗ੍ਕੇਬੇਰ੍ਹਾ, ਕੁਗੋਮਪੋ ਸਿਟੀ, ਕੇਪਟਾਊਨ, ਪਾਰਲ ਅਤੇ ਬਲੋਮਫੋਂਟੇਨ ਸ਼ਹਿਰ ਹੋਣਗੇ। ਉੱਥੇ ਹੀ ਜ਼ਿੰਬਾਬਵੇ ਦੇ ਹਰਾਰੇ, ਬੁਲਾਵਾਯੋ ਅਤੇ ਵਿਕਟੋਰੀਆ ਫ਼ਾਲਸ ਅਤੇ ਨਾਮੀਬੀਆ ਦੀ ਰਾਜਧਾਨੀ ਵਿੰਡਹੋਕ ਵਿੱਚ ਵੀ ਮੁਕਾਬਲੇ ਖੇਡੇ ਜਾਣਗੇ। ਫ਼ਾਈਨਲ ਮੁਕਾਬਲਾ ਜੋਹਾਨਸਬਰਗ ਦੇ ਵਾਂਡਰਰਜ਼ ਜਾਂ ਕੇਪਟਾਊਨ ਦੇ ਨਿਊਲੈਂਡਜ਼ ਸਟੇਡੀਅਮ ਵਿੱਚ ਹੋ ਸਕਦਾ ਹੈ।
ਇਸ ਤੋਂ ਪਹਿਲਾਂ 2003 ਵਿਸ਼ਵ ਕੱਪ ਦਾ ਆਯੋਜਨ ਸਾਊਥ ਅਫ਼ਰੀਕਾ, ਜ਼ਿੰਬਾਬਵੇ ਅਤੇ ਕੀਨੀਆ ਨੇ ਮਿਲ ਕੇ ਕੀਤਾ ਸੀ। ਹੁਣ 2027 ਵਿੱਚ ਅਫ਼ਰੀਕਾ ਇੱਕ ਵਾਰ ਫਿਰ ਦੁਨੀਆ ਦੇ ਸਭ ਤੋਂ ਵੱਡੇ ਕ੍ਰਿਕਟ ਆਯੋਜਨ ਦਾ ਸਵਾਗਤ ਕਰਨ ਲਈ ਤਿਆਰ ਹੈ।ਨਾਮੀਬੀਆ ਪਹਿਲੀ ਵਾਰ ਕਿਸੇ ਸੀਨੀਅਰ ICC ਟੂਰਨਾਮੈਂਟ ਦੀ ਮੇਜ਼ਬਾਨੀ ਕਰੇਗਾ। ਹਾਲਾਂਕਿ ਇਸੇ ਸਾਲ ਉਸ ਨੇ ਜ਼ਿੰਬਾਬਵੇ ਨਾਲ ਮਿਲ ਕੇ ਅੰਡਰ-19 ਵਰਲਡ ਕੱਪ ਦਾ ਆਯੋਜਨ ਕੀਤਾ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
