Health Tips : ਨਹੀਂ ਵਧ ਰਿਹਾ ਹੀਮੋਗਲੋਬਿਨ? ਜਾਣੋ ਕੀ ਹੋ ਸਕਦੇ ਹਨ ਕਾਰਨ
– ਇੰਝ ਸੁਧਾਰੋ ਆਪਣੀ ਡਾਈਟ; ਸਰੀਰ ਦੀ ਕਮਜ਼ੋਰੀ ਤੇ ਥਕਾਵਟ ਹੋਵੇਗੀ ਦੂਰ!
ਚੰਡੀਗੜ੍ਹ, 28 ਮਈ 2026 (ਵਿਸ਼ਵ ਵਾਰਤਾ): ਅੱਜਕੱਲ੍ਹ ਬਦਲਦੀ ਜੀਵਨ ਸ਼ੈਲੀ ਅਤੇ ਗਲਤ ਖਾਣ-ਪੀਣ ਦੀਆਂ ਆਦਤਾਂ ਕਾਰਨ ਸਰੀਰ ਵਿੱਚ ਅਨੀਮੀਆ ਯਾਨੀ ਖੂਨ ਦੀ ਕਮੀ ਦੀ ਸਮੱਸਿਆ ਤੇਜ਼ੀ ਨਾਲ ਵੱਧ ਰਹੀ ਹੈ। ਸਰੀਰ ਵਿੱਚ ਥਕਾਵਟ, ਕਮਜ਼ੋਰੀ ਅਤੇ ਘੱਟ ਐਨਰਜੀ ਦਾ ਕਾਰਨ ਕਈ ਵਾਰ ਘੱਟ ਹੀਮੋਗਲੋਬਿਨ ਵੀ ਹੁੰਦਾ ਹੈ। ਸਰੀਰ ਵਿੱਚ ਹੀਮੋਗਲੋਬਿਨ ਵਧਾਉਣ ਲਈ ਲੋਕ ਆਇਰਨ ਨਾਲ ਭਰਪੂਰ ਖ਼ੁਰਾਕ ਵੀ ਲੈਂਦੇ ਹਨ। ਪਰ ਬਹੁਤ ਸਾਰੇ ਲੋਕਾਂ ਨੂੰ ਇਹ ਆਇਰਨ ਭਰਪੂਰ ਖ਼ੁਰਾਕ ਵੀ ਪੂਰੀ ਤਰ੍ਹਾਂ ਹੀਮੋਗਲੋਬਿਨ ਵਧਾਉਣ ਵਿੱਚ ਮਦਦ ਨਹੀਂ ਕਰ ਪਾਉਂਦੀ।
ਜੇਕਰ ਤੁਸੀਂ ਵੀ ਖ਼ੂਨ ਦੀ ਕਮੀ ਦੀ ਪਰੇਸ਼ਾਨੀ ਨਾਲ ਜੂਝ ਰਹੇ ਹੋ ਅਤੇ ਲਗਾਤਾਰ ਚੁਕੰਦਰ ਤੇ ਪਾਲਕ ਵਰਗੀ ਆਇਰਨ ਨਾਲ ਭਰਪੂਰ ਖ਼ੁਰਾਕ ਵੀ ਲੈ ਰਹੇ ਹੋ, ਪਰ ਫਿਰ ਵੀ ਹੀਮੋਗਲੋਬਿਨ ਨਹੀਂ ਵਧ ਰਿਹਾ, ਤਾਂ ਇਹ ਪੋਸਟ ਤੁਹਾਡੇ ਲਈ ਬਹੁਤ ਮਦਦਗਾਰ ਸਾਬਤ ਹੋ ਸਕਦੀ ਹੈ।
ਸਿਹਤ ਮਾਹਿਰਾਂ ਅਨੁਸਾਰ ਅਕਸਰ ਇਹ ਸਮੱਸਿਆ ਉਦੋਂ ਹੁੰਦੀ ਹੈ ਜਦੋਂ ਸਰੀਰ ਵਿੱਚ ਆਇਰਨ ਜਜ਼ਬ ਨਹੀਂ ਹੋ ਪਾਉਂਦਾ। ਤੁਸੀਂ ਆਪਣੀ ਖ਼ੁਰਾਕ ਵਿੱਚ ਜਿੰਨੀਆਂ ਮਰਜ਼ੀ ਆਇਰਨ ਨਾਲ ਭਰਪੂਰ ਚੀਜ਼ਾਂ ਸ਼ਾਮਲ ਕਰ ਲਵੋ, ਪਰ ਜੇਕਰ ਤੁਹਾਡਾ ਸਰੀਰ ਆਇਰਨ ਨੂੰ ਸੋਖ ਨਹੀਂ ਰਿਹਾ, ਤਾਂ ਹੀਮੋਗਲੋਬਿਨ ਦਾ ਪੱਧਰ ਹਮੇਸ਼ਾ ਘੱਟ ਹੀ ਰਹੇਗਾ।
ਜੇਕਰ ਤੁਹਾਡਾ ਹੀਮੋਗਲੋਬਿਨ ਘੱਟ ਹੈ, ਤਾਂ ਕੈਲਸ਼ੀਅਮ ਅਤੇ ਆਇਰਨ ਇਕੱਠੇ ਖਾਣ ਤੋਂ ਬਚੋ, ਅਤੇ ਭੋਜਨ ਨੂੰ ਜ਼ਿਆਦਾ ਪਕਾਉਣ ਤੋਂ ਬਚੋ। ਚਾਹ ਅਤੇ ਕੌਫੀ ਇਕੱਠੇ ਪੀਣ ਤੋਂ ਬਚੋ। ਇਹ ਗਲਤੀਆਂ ਹੀਮੋਗਲੋਬਿਨ ਦੇ ਪੱਧਰ ਨੂੰ ਘਟਾ ਸਕਦੀਆਂ ਹਨ।
ਇਸ ਤੋਂ ਇਲਾਵਾ ਜੇਕਰ ਸਰੀਰ ਵਿੱਚ ਹੀਮੋਗਲੋਬਿਨ ਦੀ ਕਮੀ ਹੋ ਰਹੀ ਹੈ, ਤਾਂ ਸਭ ਤੋਂ ਪਹਿਲਾਂ ਖਾਣ-ਪੀਣ ਵੱਲ ਧਿਆਨ ਦੇਣਾ ਬੇਹੱਦ ਜ਼ਰੂਰੀ ਹੈ। ਸਹੀ ਡਾਈਟ ਅਪਣਾ ਕੇ ਬਿਨਾਂ ਜ਼ਿਆਦਾ ਦਵਾਈਆਂ ਦੇ ਵੀ ਸਰੀਰ ਵਿੱਚ ਖ਼ੂਨ ਦੀ ਮਾਤਰਾ ਵਧਾਈ ਜਾ ਸਕਦੀ ਹੈ। ਚੁਕੰਦਰ ਖ਼ੂਨ ਦੀ ਕਮੀ ਵਿੱਚ ਸਭ ਤੋਂ ਵੱਧ ਫ਼ਾਇਦੇਮੰਦ ਮੰਨਿਆ ਜਾਂਦਾ ਹੈ। ਇੱਕ ਦਿਨ ਵਿੱਚ ਇੱਕ ਚੁਕੰਦਰ ਖਾਣਾ ਕਾਫ਼ੀ ਲਾਭਦਾਇਕ ਹੋ ਸਕਦਾ ਹੈ।
ਇਸ ਤੋਂ ਇਲਾਵਾ ਗਾਜਰ – ਟਮਾਟਰ ਨੂੰ ਵੀ ਰੋਜ਼ਾਨਾ ਦੀ ਖ਼ੁਰਾਕ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਇਨ੍ਹਾਂ ਵਿੱਚ ਮੌਜੂਦ ਪੋਸ਼ਕ ਤੱਤ ਸਰੀਰ ਨੂੰ ਊਰਜਾ (ਦੇਣ ਦੇ ਨਾਲ- ਨਾਲ ਖ਼ੂਨ ਦੀ ਕਮੀ ਨੂੰ ਦੂਰ ਕਰਨ ਵਿੱਚ ਮਦਦ ਕਰਦੇ ਹਨ।
