HDFC ਫਸਟ ਬੈਂਕ ਦੇ ਪਾਰਟ-ਟਾਈਮ ਚੇਅਰਮੈਨ ਅਤਨੁ ਚੱਕਰਵਰਤੀ ਨੇ ਦਿੱਤਾ ਅਸਤੀਫਾ
ਨਵੀਂ ਦਿੱਲੀ, 20 ਮਾਰਚ 2026 (ਵਿਸ਼ਵ ਵਾਰਤਾ) – HDFC ਫਸਟ ਬੈਂਕ ਦੇ ਪਾਰਟ-ਟਾਈਮ ਚੇਅਰਮੈਨ ਅਤੇ ਸੁਤੰਤਰ ਨਿਰਦੇਸ਼ਕ ਅਤਨੁ ਚੱਕਰਵਰਤੀ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਨੈਤਿਕ ਕਾਰਨਾਂ ਦਾ ਹਵਾਲਾ ਦਿੰਦੇ ਹੋਏ, ਅਤਨੁ ਨੇ ਲਿਖਿਆ, “ਕੁਝ ਅਨੈਤਿਕ ਕਾਰਵਾਈਆਂ ਕੀਤੀਆਂ ਜਾ ਰਹੀਆਂ ਹਨ ਜੋ ਮੇਰੇ ਨਿੱਜੀ ਮੁੱਲਾਂ ਅਤੇ ਨੈਤਿਕਤਾ ਦੇ ਵਿਰੁੱਧ ਹਨ, ਅਤੇ ਇਸ ਲਈ, ਸਮਾਂ ਆ ਗਿਆ ਹੈ ਕਿ ਅਸੀਂ ਇੱਕ ਪਾਸੇ ਹੋ ਜਾਈਏ।”
ਅਤਨੁ ਮਈ 2021 ਵਿੱਚ HDFC ਬੈਂਕ ਬੋਰਡ ਵਿੱਚ ਸ਼ਾਮਲ ਹੋਏ। ਅਤਨੁ ਗੁਜਰਾਤ ਕੇਡਰ ਦੇ 1985 ਬੈਚ ਦੇ ਇੱਕ ਸੇਵਾਮੁਕਤ IAS ਅਧਿਕਾਰੀ ਹਨ। ਅਤਨੁ ਨੇ 2002 ਤੋਂ 2007 ਤੱਕ ਵਿੱਤ ਮੰਤਰਾਲੇ ਵਿੱਚ ਸੇਵਾ ਨਿਭਾਈ, ਪਹਿਲਾਂ ਡਾਇਰੈਕਟਰ ਵਜੋਂ ਅਤੇ ਬਾਅਦ ਵਿੱਚ ਸੰਯੁਕਤ ਸਕੱਤਰ ਵਜੋਂ। ਅਤਨੁ ਦੇ ਕਾਰਜਕਾਲ ਦੌਰਾਨ, HDFC ਲਿਮਟਿਡ ਅਤੇ HDFC ਬੈਂਕ ਵਿਚਕਾਰ ਸਭ ਤੋਂ ਵੱਡਾ ਰਲੇਵਾਂ ਹੋਇਆ, ਜਿਸਦੀ ਰਕਮ ₹40 ਬਿਲੀਅਨ ਸੀ। 2019-20 ਵਿੱਚ, ਅਤਨੁ ਨੇ ਵਿੱਤ ਮੰਤਰਾਲੇ ਵਿੱਚ ਆਰਥਿਕ ਮਾਮਲਿਆਂ ਦੇ ਸਕੱਤਰ ਵਜੋਂ ਸੇਵਾ ਨਿਭਾਈ।
ਅਤਨੂ ਦੇ ਅਸਤੀਫ਼ੇ ਤੋਂ ਬਾਅਦ, ਕੇਕੇ ਮਿਸਤਰੀ ਨੂੰ ਤਿੰਨ ਮਹੀਨਿਆਂ ਦੀ ਮਿਆਦ ਲਈ ਅੰਤਰਿਮ ਪਾਰਟ-ਟਾਈਮ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਅਤਨੁ ਚੱਕਰਵਰਤੀ ਨੇ ਆਪਣੇ ਅਹੁਦੇ ਤੋਂ 18 ਮਾਰਚ ਨਣੁ ਅਸਤੀਫਾ ਦਿੱਤਾ ਸੀ। ਐਚਡੀਐਫਸੀ ਦਾ ਅਰਥ ਹੈ ਹਾਊਸਿੰਗ ਡਿਵੈਲਪਮੈਂਟ ਫਾਈਨੈਂਸ ਕਾਰਪੋਰੇਸ਼ਨ। ਐਚਡੀਐਫਸੀ ਦੀ ਸਥਾਪਨਾ 1994 ਵਿੱਚ ਕੀਤੀ ਗਈ ਸੀ। ਇਸਦਾ ਮੁੱਖ ਦਫਤਰ ਮੁੰਬਈ, ਮਹਾਰਾਸ਼ਟਰ ਵਿੱਚ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
