Entertainment: ਕਰਨ ਔਜਲਾ ਨੇ ਕੀਲੇ ਸਰੋਤੇ, ਪਰ ਟ੍ਰੈਫਿਕ ਕਾਰਨ ਆਮ ਲੋਕ ਹੋਏ ਬੇਹਾਲ
ਮੋਹਾਲੀ, 15 ਮਾਰਚ 2026 (ਵਿਸ਼ਵ ਵਾਰਤਾ) – ਸ਼ਨੀਵਾਰ ਨੂੰ ਫੇਜ਼ 9 ਦੇ ਆਈਐਸ ਬਿੰਦਰਾ ਕ੍ਰਿਕਟ ਸਟੇਡੀਅਮ ਵਿਖੇ ਪੰਜਾਬੀ ਗਾਇਕ ਕਰਨ ਔਜਲਾ ਨੇ ਲਾਈਵ ਕੰਸਰਟ ‘ਚ ਹਜ਼ਾਰਾਂ ਲੋਕਾਂ ਦਾ ਮਨੋਰੰਜਨ ਕੀਤਾ। ਇਸ ਦੌਰਾਨ ਸਰੋਤੇ ਜੋ ਕਿ ਪੈਸੇ ਖਰਚ ਕੇ ਇਸ ਸ਼ੋਅ ‘ਚ ਪਹੁੰਚੇ ਸਨ, ਉਨ੍ਹਾਂ ਨੇ ਇਸ ਸੰਗੀਤਕ ਸ਼ਾਮ ਦਾ ਔਜਲਾ ਦੇ ਗੀਤਾਂ ਨਾਲ ਖੂਬ ਆਨੰਦ ਮਾਣਿਆ। ਕਰਨ ਔਜਲਾ ਨੇ ਆਪਣੀ ਗਾਇਕੀ ਨਾਲ ਸਰੋਤਿਆਂ ਲਈ ਪੂਰਾ ਸਮਾਂ ਬੰਨ੍ਹਿਆਂ।
ਪਰ ਦੂਜੇ ਪਾਸੇ ਇਹ ਲਾਈਵ ਕੰਸਰਟ ਬਹੁਤਿਆਂ ਲਈ ਇੱਕ ਚੁਣੌਤੀਪੂਰਨ ਦਿਨ ਵੀ ਸਾਬਤ ਹੋਇਆ। ਲਾਈਵ ਕੰਸਰਟ ਕਾਰਨ ਪੁਲਿਸ ਨੇ ਸਟੇਡੀਅਮ ਦੇ ਆਲੇ-ਦੁਆਲੇ ਦੀਆਂ ਕਈ ਮੁੱਖ ਸੜਕਾਂ ਨੂੰ ਹੋਰ ਪਾਸੇ ਮੋੜਿਆ ਤਾਂ ਜੋ ਲੋਕਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀਆਂ ਦਿੱਕਤਾਂ ਦਾ ਸਾਹਮਣਾ ਨਾ ਕਰਨਾ ਪਵੇ, ਪਰ ਫੇਰ ਵੀ ਕਰਨ ਔਜਲਾ ਦੇ ਸ਼ੋਅ ਕਾਰਨ ਇਨ੍ਹੀ ਭੀੜ ਵਧ ਗਈ ਕਿ ਲੋਕ ਟਰੈਫਿਕ ‘ਚ ਖੱਜਲ ਹੁੰਦੇ ਰਹੇ ਅਤੇ ਜਿਸ ਕਾਰਨ ਫੇਜ਼-7 ਤੋਂ ਫੇਜ਼-11 ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਆਵਾਜਾਈ ਵਿਵਸਥਾ ‘ਚ ਵਿਘਨ ਪਿਆ।
ਲੰਬੇ ਟ੍ਰੈਫਿਕ ਜਾਮ ਕਾਰਨ ਲੋਕਾਂ ਨੂੰ ਆਪਣੀਆਂ ਮੰਜ਼ਿਲਾਂ ‘ਤੇ ਪਹੁੰਚਣ ਵਿੱਚ ਮੁਸ਼ਕਲ ਆਈ। ਟ੍ਰੈਫਿਕ ਕਾਰਨ, ਫੇਜ਼ 7 ਅਤੇ ਫੇਜ਼ 11 ਵਿਚਕਾਰ ਯਾਤਰਾ ਕਰਨ ਵਾਲੇ ਡਰਾਈਵਰਾਂ ਨੂੰ ਲੰਬੇ ਚੱਕਰ ਲਗਾਉਣੇ ਪਏ ਅਤੇ ਵਿਕਲਪਕ ਰਸਤੇ ਲੈਣੇ ਪਏ। ਜਦੋਂ ਕਿ ਹਸਪਤਾਲ ਜਾਣ ਅਤੇ ਜਾਣ ਵਾਲਿਆਂ ਨੂੰ ਵੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ। ਮੋਹਾਲੀ ਪੁਲਿਸ ਨੇ ਸੁਰੱਖਿਆ ਅਤੇ ਭੀੜ ਨੂੰ ਕੰਟਰੋਲ ਕਰਨ ਲਈ ਸਟੇਡੀਅਮ ਦੇ ਆਲੇ-ਦੁਆਲੇ ਕਈ ਮੁੱਖ ਸੜਕਾਂ ‘ਤੇ ਟ੍ਰੈਫਿਕ ਡਾਇਵਰਸ਼ਨ ਲਾਗੂ ਕੀਤੇ ਸਨ।
ਇਸ ਕੰਸਰਟ ਲਈ, ਮੋਹਾਲੀ ਅਤੇ ਹੋਰ ਥਾਵਾਂ ਤੋਂ ਲਗਭਗ 3,500 ਸੈਨਿਕ ਅਤੇ ਅਧਿਕਾਰੀ ਸੁਰੱਖਿਆ ਅਤੇ ਸੁਚਾਰੂ ਆਵਾਜਾਈ ਨੂੰ ਯਕੀਨੀ ਬਣਾਉਣ ਲਈ ਤਾਇਨਾਤ ਕੀਤੇ ਗਏ ਸਨ। ਪੁਲਿਸ ਨੇ ਸਟੇਡੀਅਮ ਵੱਲ ਜਾਣ ਵਾਲੀਆਂ ਸੜਕਾਂ ‘ਤੇ ਕਈ ਥਾਵਾਂ ‘ਤੇ ਟ੍ਰੈਫਿਕ ਚੌਕੀਆਂ ਸਥਾਪਤ ਕੀਤੀਆਂ ਹਨ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਲੋਕਾਂ ਨੂੰ ਕਿਸੇ ਵੀ ਮੁਸ਼ਕਲ ਦਾ ਸਾਹਮਣਾ ਨਾ ਕਰਨਾ ਪਵੇ, ਪਰ ਫੇਰ ਵੀ ਭੀੜ ਐਨੀ ਵਧ ਗਈ ਕਿ ਲੋਕ ਖੱਜਲ-ਖੁਆਰ ਹੁੰਦੇ ਦਿਖੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
