Cricket : ਖੇਡ ਜਗਤ ‘ਚ ਸੋਗ ਦੀ ਲਹਿਰ; ਇਸ ਦਿਗੱਜ ਖਿਡਾਰੀ ਹੋਇਆ ਦਾ ਹੋਇਆ ਦਿਹਾਂਤ
– ਵਿਸ਼ਵ ਕੱਪ ਜੇਤੂ ਟੀਮ ਦਾ ਰਹਿ ਚੁੱਕੇ ਸਨ ਹਿੱਸਾ
ਨਵੀ ਦਿੱਲੀ, 6 ਅਕਤੂਬਰ 2025 (ਵਿਸ਼ਵ ਵਾਰਤਾ) – ਵੈਸਟਇੰਡੀਜ਼ ਦੇ ਸਾਬਕਾ ਆਲਰਾਊਂਡਰ ਬਰਨਾਰਡ ਜੂਲੀਅਨ ਦਾ 5 ਅਕਤੂਬਰ ਨੂੰ ਉੱਤਰੀ ਤ੍ਰਿਨੀਦਾਦ ਦੇ ਵਾਲਸਨ ਕਸਬੇ ਵਿੱਚ 75 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਹ 1975 ਦੀ ਵਿਸ਼ਵ ਕੱਪ ਜੇਤੂ ਟੀਮ ਦਾ ਹਿੱਸਾ ਸਨ। ਜੂਲੀਅਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 24 ਟੈਸਟ ਅਤੇ 12 ਇੱਕ ਰੋਜ਼ਾ ਮੈਚ ਖੇਡੇ, 68 ਵਿਕਟਾਂ ਲਈਆਂ ਅਤੇ 952 ਦੌੜਾਂ ਬਣਾਈਆਂ। ਉਹ ਖੱਬੇ ਹੱਥ ਦਾ ਤੇਜ਼ ਗੇਂਦਬਾਜ਼ ਸੀ ਅਤੇ ਆਪਣੇ ਸਟਰੋਕਪਲੇ ਅਤੇ ਤੇਜ਼ ਫੀਲਡਿੰਗ ਲਈ ਵੀ ਜਾਣਿਆ ਜਾਂਦਾ ਸੀ।
1975 ਦੇ ਵਿਸ਼ਵ ਕੱਪ ਵਿੱਚ, ਜੂਲੀਅਨ ਨੇ ਗਰੁੱਪ ਪੜਾਅ ਵਿੱਚ ਸ਼੍ਰੀਲੰਕਾ ਵਿਰੁੱਧ 20 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਫਿਰ ਉਸਨੇ ਸੈਮੀਫਾਈਨਲ ਵਿੱਚ ਨਿਊਜ਼ੀਲੈਂਡ ਵਿਰੁੱਧ 27 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਉਸਨੇ ਆਸਟ੍ਰੇਲੀਆ ਖਿਲਾਫ ਫਾਈਨਲ ਵਿੱਚ 37 ਗੇਂਦਾਂ ਵਿੱਚ ਅਜੇਤੂ 26 ਦੌੜਾਂ ਬਣਾਈਆਂ। ਇਸ ਟੂਰਨਾਮੈਂਟ ਦੌਰਾਨ ਉਸਨੇ ਇੱਕ ਹਮਲਾਵਰ ਆਲਰਾਊਂਡਰ ਵਜੋਂ ਪ੍ਰਸਿੱਧੀ ਹਾਸਲ ਕੀਤੀ।
ਵੈਸਟਇੰਡੀਜ਼ ਕ੍ਰਿਕਟ ਬੋਰਡ (CWI) ਦੇ ਪ੍ਰਧਾਨ ਡਾ. ਕਿਸ਼ੋਰ ਸ਼ੈਲੋ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਕ੍ਰਿਕਟ ਵੈਸਟਇੰਡੀਜ਼ ਉਨ੍ਹਾਂ ਦੇ ਯੋਗਦਾਨ ਨੂੰ ਹਮੇਸ਼ਾ ਯਾਦ ਰੱਖੇਗਾ। ਉਹ ਜੋ ਵਿਰਾਸਤ ਛੱਡ ਗਏ ਹਨ ਉਹ ਹਮੇਸ਼ਾ ਲਈ ਜ਼ਿੰਦਾ ਰਹੇਗੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
