Commonwealth Games ਉਦਘਾਟਨੀ ਸਮਾਰੋਹ: ਮੀਰਾਬਾਈ ਚਾਨੂ ਅਤੇ ਲਵਲੀਨਾ ਬੋਰਗੋਹੇਨ ਨੇ ਕੀਤੀ ਭਾਰਤੀ ਦਲ ਦੀ ਅਗਵਾਈ
ਚੰਡੀਗੜ੍ਹ, 24 ਜੁਲਾਈ (ਵਿਸ਼ਵ ਵਾਰਤਾ): ਰਾਸ਼ਟਰਮੰਡਲ ਖੇਡਾਂ ਦਾ ਉਦਘਾਟਨ ਸਮਾਰੋਹ ਗਲਾਸਗੋ, ਸਕਾਟਲੈਂਡ ਵਿੱਚ ਹੋਇਆ। ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਵੇਟਲਿਫਟਰ ਮੀਰਾਬਾਈ ਚਾਨੂ ਅਤੇ ਟੋਕੀਓ ਓਲੰਪਿਕ ਕਾਂਸੀ ਤਮਗਾ ਜੇਤੂ ਮੁੱਕੇਬਾਜ਼ ਲਵਲੀਨਾ ਬੋਰਗੋਹੇਨ ਨੇ ਓਵੋ ਹਾਈਡ੍ਰੋ ਅਰੇਨਾ ਵਿਖੇ ਤਿਰੰਗੇ ਨਾਲ 125 ਮੈਂਬਰੀ ਭਾਰਤੀ ਦਲ ਦੀ ਅਗਵਾਈ ਕੀਤੀ। ਬ੍ਰਿਟੇਨ ਦੇ ਰਾਜਾ ਚਾਰਲਸ ਅਤੇ ਰਾਣੀ ਕੈਮਿਲਾ ਨੇ ਖੇਡਾਂ ਦਾ ਉਦਘਾਟਨ ਕੀਤਾ। ਇਸ ਤੋਂ ਬਾਅਦ, ਭਾਰਤ ਸਮੇਤ 74 ਦੇਸ਼ਾਂ ਦੇ ਐਥਲੀਟਾਂ ਨੇ ਮਾਰਚ-ਪਾਸਟ ਵਿੱਚ ਹਿੱਸਾ ਲਿਆ।
ਭਾਰਤ ਲਈ ਖੇਡਾਂ ਦੀ ਸ਼ੁਰੂਆਤ ਵੀ ਮਜ਼ਬੂਤ ਰਹੀ। ਉਦਘਾਟਨ ਸਮਾਰੋਹ ਤੋਂ ਪਹਿਲਾਂ ਹੀ, ਭਾਰਤੀ ਐਥਲੀਟਾਂ ਨੇ ਲਾਅਨ ਬਾਊਲ ਵਿੱਚ ਦੋ ਜਿੱਤਾਂ ਨਾਲ ਜੇਤੂ ਸ਼ੁਰੂਆਤ ਕੀਤੀ। ਪੁਤੁਲ ਸੋਨੋਵਾਲ ਨੇ ਕੈਨੇਡਾ ਦੀ ਵਿਸ਼ਵ ਚੈਂਪੀਅਨ ਰਿਆਨ ਬੇਸਟਰ ਨੂੰ ਹਰਾਇਆ। ਰੂਪਾ ਰਾਣੀ ਟਿਰਕੀ ਅਤੇ ਪਿੰਕੀ ਨੇ ਵੀ ਮਹਿਲਾ ਡਬਲਜ਼ ਵਿੱਚ ਆਪਣੇ ਪਹਿਲੇ ਮੈਚ ਜਿੱਤੇ। ਭਾਰਤੀ ਜੋੜੀ ਨੇ ਆਪਣੇ ਗਰੁੱਪ ਬੀ ਮੈਚ ਵਿੱਚ ਮਾਲਟਾ ਦੀਆਂ ਰਿਕਸਨ ਭੈਣਾਂ (ਰੇਬੇਕਾ ਲੁਈਸ ਅਤੇ ਕੌਨੀ-ਲੇ) ਨੂੰ ਟਾਈਬ੍ਰੇਕਰ ਵਿੱਚ ਹਰਾਇਆ।
ਭਾਰਤੀ ਝੰਡਾਬਰਦਾਰ ਲਵਲੀਨਾ ਬੋਰਗੋਹੇਨ ਪਹਿਲਾਂ ਹੀ ਔਰਤਾਂ ਦੇ 75 ਕਿਲੋਗ੍ਰਾਮ ਵਰਗ ਵਿੱਚ ਬਿਨਾਂ ਕੋਈ ਮੈਚ ਖੇਡੇ ਸਿੱਧੇ ਸੈਮੀਫਾਈਨਲ ਵਿੱਚ ਪਹੁੰਚ ਕੇ ਘੱਟੋ-ਘੱਟ ਇੱਕ ਕਾਂਸੀ ਦਾ ਤਗਮਾ ਪੱਕਾ ਕਰ ਚੁੱਕੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
