Chandigarh: ਚੰਡੀਗੜ੍ਹ ਪ੍ਰੈਸ ਕਲੱਬ ਦੀ ਚੋਣ ਅੱਜ: CEO ਪੰਜਾਬ ਅਨਿੰਦਿਤਾ ਮਿੱਤਰਾ ਵੀ ਪੋਲਿੰਗ ਦਾ ਪ੍ਰਬੰਧ ਦੇਖਣ ਪਹੁੰਚੇ
– ਸੀਈਓ ਅਨਿੰਦਿਤਾ ਮਿੱਤਰਾ ਨੇ ਸੀਪੀਸੀ ਵਿਖੇ ਸਾਲਾਨਾ ਚੋਣਾਂ ਲਈ ਪ੍ਰਬੰਧਾਂ ਦੀ ਕੀਤੀ ਪ੍ਰਸ਼ੰਸਾ
ਚੰਡੀਗੜ੍ਹ, 29 ਮਾਰਚ 2026 – ਚੰਡੀਗੜ੍ਹ ਪ੍ਰੈਸ ਕਲੱਬ ਦੇ ਅਹੁਦੇਦਾਰਾਂ ਦੀ ਚੋਣ ਲਈ ਅੱਜ ਵੋਟਾਂ ਪੈਣਗੀਆਂ। ਇਹ ਵੋਟਾਂ ਸੈਕਟਰ 27 ਸਥਿਤ ਚੰਡੀਗੜ੍ਹ ਪ੍ਰੈਸ ਕਲੱਬ ‘ਚ ਪੈਣਗੀਆਂ ਅਤੇ ਪ੍ਰੈਸ ਕਲੱਬ ਨਾਲ ਜੁੜੇ ਹੋਏ ਮੈਂਬਰ ਆਪਣੀ ਵੋਟ ਪਾ ਕੇ ਅਹੁਦੇਦਾਰਾਂ ਦੀ ਚੋਣ ਕਰਨਗੇ। ਇਹ ਮੁਕਾਬਲਾ ਦੋ ਧੜਿਆਂ ਸੂਰਾ-ਜੋਗਿੰਦਰ-ਭੁੱਲਰ-ਅਟਵਾਲ ਪੈਨਲ ਅਤੇ ਦੁੱਗਲ ਢੱਲ – ਸ਼ਰਮਾ ਪੈਨਲ ਵਿਚਕਾਰ ਹੈ। ਪ੍ਰੈਸ ਕਲੱਬ ਚੋਣਾਂ ਦਾ ਕੀ ਪ੍ਰੋਸੈਸ ਹੁੰਦਾ ਹੈ ਅਤੇ ਕਿਹੋ ਜਿਹਾ ਪ੍ਰਬੰਧ ਹੁੰਦਾ ਦੇਖਣ ਲਈ ਅੱਜ ਮੁੱਖ ਚੋਣ ਅਧਿਕਾਰੀ, ਪੰਜਾਬ, IAS ਅਨਿੰਦਿਤਾ ਮਿੱਤਰਾ ਵਿਸ਼ੇਸ਼ ਤੌਰ ‘ਤੇ ਅੱਜ ਸਵੇਰੇ ਹੀ ਚੰਡੀਗੜ੍ਹ ਪ੍ਰੈਸ ਕਲੱਬ ਪਹੁੰਚੇ।
ਉਹ ਪੋਲਿੰਗ ਦੀ ਨਿਰਧਾਰਤ ਸ਼ੁਰੂਆਤ ਤੋਂ ਕਾਫ਼ੀ ਪਹਿਲਾਂ ਪਹੁੰਚੇ ਅਤੇ ਕੁਸ਼ਲ ਪ੍ਰਬੰਧਾਂ ਨੂੰ ਯਕੀਨੀ ਬਣਾਉਣ ਲਈ ਕਲੱਬ ਪ੍ਰਬੰਧਨ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਪਿਛਲੇ ਕੁਝ ਸਾਲਾਂ ਤੋਂ ਪ੍ਰਕਿਰਿਆ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਰਿਟਰਨਿੰਗ ਅਫਸਰ ਵਿਸ਼ਾਲ ਗੁਲਾਟੀ ਦੇ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ। ਅਨਿੰਦਿਤਾ ਮਿੱਤਰਾ ਨੇ ਲੋਕਤੰਤਰ ਨੂੰ ਮਜ਼ਬੂਤ ਕਰਨ ਅਤੇ ਜਨਤਕ ਰਾਏ ਨੂੰ ਆਕਾਰ ਦੇਣ ਵਿੱਚ ਪੱਤਰਕਾਰਾਂ ਦੀ ਮਹੱਤਵਪੂਰਨ ਭੂਮਿਕਾ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਭਵਿੱਖ ਵਿੱਚ ਵੀ ਕਲੱਬ ਦੇ ਮੈਂਬਰਾਂ ਨੂੰ ਨਿਰੰਤਰ ਸਮਰਥਨ ਦਾ ਭਰੋਸਾ ਦਿੱਤਾ। ਸੀਈਓ ਨੇ ਸਾਰੇ ਉਮੀਦਵਾਰਾਂ ਨੂੰ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।
ਵੋਟਿੰਗ ਸਵੇਰੇ ਤੋਂ ਹੀ ਸ਼ੁਰੂ ਹੋ ਚੁੱਕੀ ਹੈ ਅਤੇ ਪਹਿਲੇ ਇੱਕ ਘੰਟੇ ਵਿੱਚ 735 ਵਿੱਚੋਂ 39 ਵੋਟਾਂ ਪੋਲ ਹੋਈਆਂ ਹਨ। ਇੱਕ ਮੈਂਬਰ ਨੇ ਡਰਾਈਵ-ਇਨ ਪੋਲਿੰਗ ਵਿਕਲਪ ਦਾ ਲਾਭ ਉਠਾਇਆ ਹੈ। ਚੰਡੀਗੜ੍ਹ ‘ਚ ਸਾਜ ਸਵੇਰੇ ਤੋਂ ਹੀ ਮੀਹ ਪੈ ਰਿਹਾ ਹੈ। ਮੀਂਹ ਦੇ ਬਾਵਜੂਦ, ਦੋਵੇਂ ਸਮਰਪਿਤ ਪੈਨਲ ਉਮੀਦਵਾਰਾਂ ਦੇ ਆਉਣ ਦੀ ਉਡੀਕ ਕਰ ਰਹੇ ਹਨ।
ਸੂਰਾ-ਜੋਗਿੰਦਰ-ਭੁੱਲਰ-ਅਟਵਾਲ ਪੈਨਲ ਵੱਲੋਂ ਜੋ ਉਮੀਦਵਾਰ ਮੈਦਾਨ ‘ਚ ਹਨ, ਉਹ ਇਸ ਤਰ੍ਹਾਂ ਹਨ
ਅਜੈ ਸੂਰਾ, (ਟਾਈਮਜ਼ ਆਫ਼ ਇੰਡੀਆ) ਪ੍ਰੈਜ਼ੀਡੈਂਟ
ਜੋਗਿੰਦਰ ਸਿੰਘ, (ਦੈਨਿਕ ਟ੍ਰਿਬਿਊਨ) ਸੈਕਟਰੀ ਜਨਰਲ
ਮੁਕੇਸ਼ ਅਠਵਾਲ (ਪੰਜਾਬੀ ਟ੍ਰਿਬਿਊਨ) ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ
ਆਰਤੀ ਅਗਨੀਹੋਤਰੀ (ਦੈਨਿਕ ਭਾਸਕਰ) ਵਾਈਸ ਪ੍ਰੈਜ਼ੀਡੈਂਟ – I
ਅਜੈ ਜਲੰਧਰੀ ਸਵਦੇਸ਼ ਨਿਊਜ਼ ਵਾਈਸ ਪ੍ਰੈਜ਼ੀਡੈਂਟ-II
ਜਗਤਾਰ ਐਸ ਭੁੱਲਰ (ਏਬੀਸੀ ਪੰਜਾਬ ਨਿਊਜ਼) ਖਜ਼ਾਨਚੀ
ਰਾਹੁਲ ਦੇਵੇਸ਼ (ਟ੍ਰਿਬਿਊਨ) ਸੈਕਟਰੀ
ਆਸ਼ੀਸ਼ ਸ਼ਰਮਾ (ਪੀਟੀਸੀ ਨਿਊਜ਼) ਜੁਆਇੰਟ ਸੈਕਟਰੀ – I
ਬ੍ਰਿਜੇਂਦਰ ਗੌੜ (ਹਿੰਦੁਸਤਾਨ ਟਾਈਮਜ਼) ਜੁਆਇੰਟ ਸੈਕਟਰੀ – II
ਦੁੱਗਲ ਢੱਲ – ਸ਼ਰਮਾ ਪੈਨਲ ਵੱਲੋਂ ਜੋ ਉਮੀਦਵਾਰ ਮੈਦਾਨ ‘ਚ ਹਨ, ਉਹ ਇਸ ਤਰ੍ਹਾਂ ਹਨ
ਪ੍ਰਧਾਨ ਸੌਰਭ ਦੁੱਗਲ (ਆਜ਼ਾਦ ਪੱਤਰਕਾਰ) ਪ੍ਰੈਜ਼ੀਡੈਂਟ
ਰਾਜੇਸ਼ ਢੱਲ (ਦੈਨਿਕ ਜਾਗਰਣ) ਸੈਕਟਰੀ ਜਨਰਲ
ਉਮੇਸ਼ ਸ਼ਰਮਾ (NEWS 18) ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ
ਨੇਹਾ ਸ਼ਰਮਾ (ਪੀਟੀਆਈ ਵੀਡੀਓਜ਼) ਵਾਈਸ ਪ੍ਰੈਜ਼ੀਡੈਂਟ – I
ਦੁਸ਼ਯੰਤ ਐਸ. ਪੁੰਡੀਰ (ਟ੍ਰਿਬਿਊਨ) ਵਾਈਸ ਪ੍ਰੈਜ਼ੀਡੈਂਟ -II
ਅਮਰਪ੍ਰੀਤ ਸਿੰਘ ਪੰਜਾਬੀ (ਟ੍ਰਿਬਿਊਨ ਡੀ) ਖਜ਼ਾਨਚੀ
ਪ੍ਰਭਾਤ ਕਟਿਆਰ (ਦਿ ਟ੍ਰਿਬਿਊਨ) ਸੈਕਟਰੀ
ਪਵਨ ਤਿਵਾੜੀ (ਦ ਟਾਈਮਜ਼ ਆਫ਼ ਇੰਡੀਆ) ਜੁਆਇੰਟ ਸੈਕਟਰੀ – I
ਸ਼ੀਤਲ ਡਡਵਾਲ (ਦ ਟ੍ਰਿਬਿਊਨ) ਜੁਆਇੰਟ ਸੈਕਟਰੀ – II
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
