Australia ਟੀਮ ਦੇ ਇਸ ਆਲ ਰਾਉਂਡਰ ਖਿਡਾਰੀ ਨੇ ਅਚਾਨਕ ਕੀਤਾ ਸੰਨਿਆਸ ਦਾ ਐਲਾਨ
– ਆਪਣੇ 13 ਸਾਲ ਦੇ ਵਨਡੇ ਕਰੀਅਰ ਨੂੰ ਕਿਹਾ ਅਲਵਿਦਾ
ਆਸਟ੍ਰੇਲੀਆ, 2 ਜੂਨ (ਵਿਸ਼ਵ ਵਾਰਤਾ): ਆਸਟ੍ਰੇਲੀਆ (Australia ) ਦੇ ਸਟਾਰ ਆਲਰਾਊਂਡਰ ਖਿਡਾਰੀ ਨੇ ਅਚਾਨਕ ਵਨਡੇ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ। ਦੱਸ ਦਈਏ ਕਿ ਗਲੇਨ ਮੈਕਸਵੈੱਲ ਨੇ 2 ਜੂਨ (ਸੋਮਵਾਰ) ਨੂੰ ਵਨਡੇ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ। ਮੈਕਸਵੈੱਲ 2015 ਅਤੇ 2023 ਵਿੱਚ ਇੱਕ ਰੋਜ਼ਾ ਵਿਸ਼ਵ ਕੱਪ ਜਿੱਤਣ ਵਾਲੀ ਆਸਟ੍ਰੇਲੀਆਈ ਟੀਮ ਦਾ ਹਿੱਸਾ ਸੀ।
ਗਲੇਨ ਮੈਕਸਵੈੱਲ ਨੇ ਆਪਣੇ ਵਨਡੇ ਰਿਟਾਇਰਮੈਂਟ ਬਾਰੇ ਫਾਈਨਲ ਵਰਡ ਪੋਡਕਾਸਟ ‘ਚ ਕਿਹਾ ‘ਮੈਨੂੰ ਸ਼ੁਰੂਆਤ ਵਿੱਚ ਅਚਾਨਕ ਟੀਮ ਵਿੱਚ ਚੁਣਿਆ ਗਿਆ ਸੀ।’ ਉਸ ਸਮੇਂ, ਮੈਂ ਕੁਝ ਮੈਚ ਖੇਡਣ ਲਈ ਉਤਸ਼ਾਹਿਤ ਸੀ। ਫਿਰ ਕਰੀਅਰ ਵਿੱਚ ਉਤਰਾਅ-ਚੜ੍ਹਾਅ ਆਏ। ਬਾਹਰ ਹੋਣਾ, ਵਾਪਸੀ ਕਰਨਾ, ਵਿਸ਼ਵ ਕੱਪ ਖੇਡਣਾ ਅਤੇ ਕੁਝ ਵਧੀਆ ਟੀਮਾਂ ਦਾ ਹਿੱਸਾ ਬਣਨਾ। ਵਨਡੇ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਲੱਗਾ ਕਿ ਮੈਂ ਟੀਮ ਨੂੰ ਥੋੜ੍ਹਾ ਨਿਰਾਸ਼ ਕਰ ਰਿਹਾ ਸੀ ਕਿਉਂਕਿ ਮੇਰਾ ਸਰੀਰ ਹੁਣ ਇਸ ਫਾਰਮੈਟ ਦੀਆਂ ਮੰਗਾਂ ਨੂੰ ਪੂਰਾ ਕਰਨ ਦੀ ਸਥਿਤੀ ਵਿੱਚ ਨਹੀਂ ।
ਸੱਜੇ ਹੱਥ ਦੇ ਆਲਰਾਊਂਡਰ ਗਲੇਨ ਮੈਕਸਵੈੱਲ ਨੇ ਆਸਟ੍ਰੇਲੀਆ ਲਈ 149 ਵਨਡੇ ਮੈਚਾਂ ਵਿੱਚ 33.81 ਦੀ ਔਸਤ ਨਾਲ 3990 ਦੌੜਾਂ ਬਣਾਈਆਂ ਅਤੇ 77 ਵਿਕਟਾਂ ਲਈਆਂ। ਇਸ ਸਮੇਂ ਦੌਰਾਨ ਉਨ੍ਹਾਂ ਨੇ 4 ਸੈਂਕੜੇ ਅਤੇ 23 ਅਰਧ ਸੈਂਕੜੇ ਲਗਾਏ ਅਤੇ ਉਨ੍ਹਾਂ ਦਾ ਸਟ੍ਰਾਈਕ ਰੇਟ 1226.70 ਰਿਹਾ। ਗਲੇਨ ਮੈਕਸਵੈੱਲ ਨੇ 25 ਅਗਸਤ 2012 ਨੂੰ ਆਪਣਾ ਇੱਕ ਰੋਜ਼ਾ ਡੈਬਿਊ ਕੀਤਾ ਸੀ। ਉਸਨੇ ਸ਼ਾਰਜਾਹ ਵਿੱਚ ਅਫਗਾਨਿਸਤਾਨ ਵਿਰੁੱਧ ਆਪਣਾ ਪਹਿਲਾ ਇੱਕ ਰੋਜ਼ਾ ਖੇਡਿਆ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
