Asian Games: ਮਹਿਲਾ ਹਾਕੀ ’ਚ ਭਾਰਤ ਦੀ ਲਗਾਤਾਰ ਦੂਜੀ ਵੱਡੀ ਜਿੱਤ, ਇੰਡੋਨੇਸ਼ੀਆ ਨੂੰ 17-1 ਨਾਲ ਹਰਾਇਆ
ਨਵੀਂ ਦਿੱਲੀ, 21 ਸਤੰਬਰ (ਵਿਸ਼ਵ ਵਾਰਤਾ): ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਏਸ਼ੀਅਨ ਗੇਮਜ਼ ਵਿੱਚ ਲਗਾਤਾਰ ਦੂਜੀ ਜਿੱਤ ਦਰਜ ਕਰਦਿਆਂ ਇੰਡੋਨੇਸ਼ੀਆ ਨੂੰ 17-1 ਨਾਲ ਹਰਾ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਪਿਛਲੇ ਮੈਚ ‘ਚ ਭਾਰਤ ਨੇ ਉਜ਼ਬੇਕਿਸਤਾਨ ਖ਼ਿਲਾਫ਼ 19 ਗੋਲ ਕੀਤੇ ਸਨ। ਦੋ ਮੈਚਾਂ ਵਿੱਚ ਭਾਰਤੀ ਟੀਮ ਦੇ ਕੁੱਲ 36 ਗੋਲ ਹੋ ਗਏ ਹਨ।
ਇੰਡੋਨੇਸ਼ੀਆ ਖ਼ਿਲਾਫ਼ ਮੁਕਾਬਲੇ ਵਿੱਚ ਨਵਨੀਤ, ਰੁਤੁਜਾ ਅਤੇ ਦੀਪਿਕਾ ਨੇ ਹੈਟ੍ਰਿਕ ਲਗਾਈ। ਸਾਕਸ਼ੀ, ਸੁਨੇਲਿਤਾ ਅਤੇ ਲਾਲਰੇਮਸਿਆਮੀ ਨੇ 2-2 ਗੋਲ ਕੀਤੇ, ਜਦਕਿ ਇਸ਼ਿਕਾ ਅਤੇ ਸਲੀਮਾ ਟੇਟੇ ਨੇ 1-1 ਗੋਲ ਕੀਤਾ। ਇਸ ਜਿੱਤ ਨਾਲ ਭਾਰਤੀ ਟੀਮ ਨੇ ਏਸ਼ੀਅਨ ਗੇਮਜ਼ ਵਿੱਚ ਆਪਣੀ ਮੁਹਿੰਮ ਮਜ਼ਬੂਤ ਕੀਤੀ ਹੈ।
ਦੀਪਿਕਾ ਨੇ 8ਵੇਂ ਮਿੰਟ ਵਿੱਚ ਪੈਨਲਟੀ ਕਾਰਨਰ ਨਾਲ ਭਾਰਤ ਦਾ ਖਾਤਾ ਖੋਲ੍ਹਿਆ। ਸੁਨੇਲਿਤਾ ਟੋਪੋ, ਲਾਲਰੇਮਸਿਆਮੀ ਅਤੇ ਰੁਤੁਜਾ ਨੇ ਫਿਰ ਗੋਲ ਕੀਤੇ। ਲਾਲਰੇਮਸਿਆਮੀ, ਰੁਤੁਜਾ, ਸਾਕਸ਼ੀ ਰਾਣਾ, ਦੀਪਿਕਾ ਅਤੇ ਸੁਨੇਲਿਤਾ ਨੇ ਦੂਜੇ ਕੁਆਰਟਰ ਵਿੱਚ ਗੋਲ ਕੀਤੇ। ਭਾਰਤ ਅੱਧੇ ਸਮੇਂ ਤੱਕ 9-0 ਨਾਲ ਅੱਗੇ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
