Asian ਗੇਮਜ਼ ਲਈ ਪਾਕਿਸਤਾਨੀ ਕ੍ਰਿਕਟ ਟੀਮ ਦਾ ਐਲਾਨ; ਕਈ ਨਵੇਂ ਚਿਹਰਿਆਂ ਨੂੰ ਮਿਲਿਆ ਮੌਕਾ!
ਨਵੀ ਦਿੱਲੀ, 10 ਜੂਨ 2026 (ਵਿਸ਼ਵ ਵਾਰਤਾ): ਪਾਕਿਸਤਾਨ ਨੇ ਆਗਾਮੀ ਏਸ਼ੀਅਨ ਗੇਮਜ਼ 2026 ਲਈ ਆਪਣੀ 15 ਮੈਂਬਰੀ ਪੁਰਸ਼ ਕ੍ਰਿਕਟ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਇੰਟਰਨੈਸ਼ਨਲ ਕ੍ਰਿਕਟ ਕੌਂਸਲ (ICC) ਮੁਤਾਬਕ, ਇਸ ਵਾਰ ਪਾਕਿਸਤਾਨੀ ਟੀਮ ਵਿੱਚ ਕਈ ਨਵੇਂ ਚਿਹਰਿਆਂ ਨੂੰ ਮੌਕਾ ਦਿੱਤਾ ਗਿਆ ਹੈ। ਤਜਰਬੇਕਾਰ ਬੱਲੇਬਾਜ਼ ਸਾਹਿਬਜ਼ਾਦਾ ਫਰਹਾਨ ਨੂੰ ਟੀਮ ਦੀ ਕਮਾਨ ਸੌਂਪੀ ਗਈ ਹੈ, ਜਦੋਂ ਕਿ ਸੱਜੇ ਹੱਥ ਦੇ ਬੱਲੇਬਾਜ਼ ਅਬਦੁਲ ਸਮਦ ਨੂੰ ਉਪ-ਕਪਤਾਨ ਬਣਾਇਆ ਗਿਆ ਹੈ। ਇਸ ਸਕੁਐਡ ਵਿੱਚ ਚਾਰ ਅਜਿਹੇ ਖਿਡਾਰੀ ਸ਼ਾਮਲ ਹਨ ਜਿਨ੍ਹਾਂ ਨੇ ਹੁਣ ਤੱਕ ਕੋਈ ਇੰਟਰਨੈਸ਼ਨਲ ਮੈਚ ਨਹੀਂ ਖੇਡਿਆ ਹੈ। ਇਨ੍ਹਾਂ ਵਿੱਚ ਆਕਿਫ਼ ਜਾਵੇਦ, ਅਲੀ ਰਜ਼ਾ, ਮਾਜ਼ ਸਦਾਕਤ ਅਤੇ ਸਾਦ ਮਸੂਦ ਸ਼ਾਮਲ ਹਨ।
ਪਾਕਿਸਤਾਨ ਕ੍ਰਿਕਟ ਟੀਮ ਦਾ ਪੂਰਾ ਸਕੁਐਡ:
ਸਾਹਿਬਜ਼ਾਦਾ ਫਰਹਾਨ (ਕਪਤਾਨ), ਅਬਦੁਲ ਸਮਦ (ਉਪ-ਕਪਤਾਨ), ਅਬਰਾਰ ਅਹਿਮਦ, ਅਹਿਮਦ ਦਾਨੀਆਲ, ਆਕਿਫ਼ ਜਾਵੇਦ, ਅਲੀ ਰਜ਼ਾ, ਅਰਾਫ਼ਾਤ ਮਿਨਹਾਸ, ਹੈਦਰ ਅਲੀ, ਹਸਨ ਨਵਾਜ਼, ਮਾਜ਼ ਸਦਾਕਤ, ਮੁਹੰਮਦ ਸਲਮਾਨ ਮਿਰਜ਼ਾ, ਸਾਦ ਮਸੂਦ, ਸਈਮ ਅਯੂਬ, ਸੁਫ਼ਿਆਨ ਮੁਕੀਮ ਅਤੇ ਉਸਮਾਨ ਖਾਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
