America ਐਰੀਜ਼ੋਨਾ ਦੇ ਪਹਾੜਾਂ ਵਿੱਚ ਹੈਲੀਕਾਪਟਰ ਹਾਦਸਾਗ੍ਰਸਤ
– 4 ਲੋਕਾਂ ਦੀ ਮੌਤ
ਅਮਰੀਕਾ, 3 ਜਨਵਰੀ 2026 (ਵਿਸ਼ਵ ਵਾਰਤਾ): ਐਰੀਜ਼ੋਨਾ ਦੇ ਪਹਾੜੀ ਪਿਨਾਲ ਕਾਉਂਟੀ ਖੇਤਰ ‘ਚ ਸ਼ੁੱਕਰਵਾਰ ਸਵੇਰੇ ਇੱਕ ਨਿੱਜੀ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਨਾਲ ਉਸ ਵਿੱਚ ਸਵਾਰ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਪਿਨਾਲ ਕਾਉਂਟੀ ਸ਼ੈਰਿਫ਼ ਦੇ ਦਫ਼ਤਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਪੋਸਟ ਕੀਤਾ ਕਿ ਇਹ ਹਾਦਸਾ ਸਵੇਰੇ 11 ਵਜੇ ਦੇ ਕਰੀਬ ਟੈਲੀਗ੍ਰਾਫ ਕੈਨਿਯਨ ਨੇੜੇ ਵਾਪਰਿਆ, ਜੋ ਕਿ ਫੀਨਿਕਸ ਤੋਂ ਲਗਭਗ 103 ਕਿਲੋਮੀਟਰ (ਲਗਭਗ 64 ਮੀਲ) ਪੂਰਬ ਵੱਲ ਹੈ।
ਮੁੱਢਲੀ ਜਾਣਕਾਰੀ ਦੇ ਅਨੁਸਾਰ, ਹੈਲੀਕਾਪਟਰ ਇਕ Recreational ਸਲੈਕਲਾਈਨ (ਪਹਾੜਾਂ ਦੇ ਵਿਚਕਾਰ ਇੱਕ ਕਿਸਮ ਦੀ ਰੱਸੀ ਵਰਗੀ ਜਾਲ) ਨਾਲ ਟਕਰਾ ਗਿਆ ਅਤੇ ਫਿਰ ਘਾਟੀ ਵਿੱਚ ਡਿੱਗ ਗਿਆ। ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਅਤੇ ਨੈਸ਼ਨਲ ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ (NTSB) ਹਾਦਸੇ ਦੀ ਜਾਂਚ ਕਰ ਰਹੇ ਹਨ।
ਹੈਲੀਕਾਪਟਰ ਵਿੱਚ ਸਵਾਰ ਸਾਰੇ ਚਾਰ ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਨ੍ਹਾਂ ਵਿੱਚ 59 ਸਾਲਾ ਪੁਰਸ਼ ਪਾਇਲਟ, ਜੋ ਕਿ ਕਵੀਨ ਕਰੀਕ ਦਾ ਵਸਨੀਕ ਸੀ, ਅਤੇ ਤਿੰਨ ਔਰਤਾਂ ਸ਼ਾਮਲ ਸਨ – ਦੋ 21 ਸਾਲਾ ਅਤੇ ਇੱਕ 22 ਸਾਲਾ ਸ਼ਾਮਿਲ ਹਨ। ਇਹ ਸਾਰੇ ਇੱਕੋ ਪਰਿਵਾਰ ਦੇ ਮੈਂਬਰ ਸਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
