ਬੁਢਲਾਡਾ 10, ਅਪ੍ਰੈਲ(ਵਿਸ਼ਵ ਵਾਰਤਾ 🙂 ਜਿਲ੍ਹੇ ਅੰਦਰ ਕਰੋਨਾ ਵਾਇਰਸ ਨਾਲ ਪੀੜਤਾਂ ਦੇ ਮਾਨਸਿਕ ਆਤਮਿਕ ਵਿਸ਼ਵਾਸ਼ ਨੂੰ ਡੋਲਣ ਤੋਂ ਰੋਕਣ ਲਈ ਐਸ ਐਸ ਪੀ ਮਾਨਸਾ ਡਾ. ਨਰਿੰਦਰ ਭਾਰਗਵ ਵੱਲੋਂ ਅੱਜ ਪੰਜਾਬ ਵਿੱਚ ਪਹਿਲ ਕਦਮੀ ਕਰਦਿਆਂ ਖੁਦ ਪੀੜਤਾਂ ਨਾਲ ਮੋਬਾਇਲ ਰਾਹੀਂ ਗੱਲਬਾਤ ਕਰਕੇ ਮਾਨਸਿਕ ਤੋਰ ਤੇ ਮਜਬੂਤ ਕਰਦਿਆਂ ਹੋਸਲਾ ਦਿੱਤਾ. ਇਸ ਮੋਕੇ ਤੇ ਉਨ੍ਹਾਂ ਕਿਹਾ ਕਿ ਸਮੁੱਚਾ ਪ੍ਰਸ਼ਾਸ਼ਨ, ਸਰਕਾਰ ਤੁਹਾਡੇ ਨਾਲ ਹੈ ਤੁਸੀ ਜਲਦ ਠੀਕ ਹੋ ਕੇ ਆਪਣੇ ਪਰਿਵਾਰ ਨਾਲ ਜਿੰਦਗੀ ਦਾ ਆਨੰਦ ਮਾਨੋਗੇ ਇਸ ਲਈ ਅਸੀਂ ਕਾਮਨਾ ਕਰਦੇ ਹਾਂ ਤੇ ਕਿਸੇ ਕਿਸਮ ਦੀ ਉਨ੍ਹਾਂ ਨੂੰ ਮੁਸ਼ਕਲ ਨਹੀਂ ਆਉਣ ਦਿੱਤੀ ਜਾਵੇਗੀ ਅਤੇ ਹਰ ਸਿਹਤ ਸਹੂਲਤ ਦਾ ਇੰਤਜਾਮ ਕੀਤਾ ਗਿਆ ਹੈ. ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਇੱਕ ਮਰੀਜ਼ ਦੀ ਨਜਰ ਨਾਲ ਦੇਖਿਆ ਜਾ ਰਿਹਾ ਹੈ, ਮਜਹਬ ਅਤੇ ਜਮਾਤ ਨਾਲ ਇਸਦਾ ਕੋਈ ਤਾਲੁਕ ਵਾਸਤਾ ਨਹੀਂ ਹੈ. ਸਾਡੇ ਲਈ ਹਰ ਧਰਮ ਦੇ ਲੋਕ ਇੱਕੋ ਬਰਾਬਰ ਹਨ ਅਤੇ ਅਸੀਂ ਹਰ ਧਰਮ ਦਾ ਸਤਿਕਾਰ ਕਰਦੇ ਹਾਂ. ਉਨ੍ਹਾਂ ਪੀੜਤਾਂ ਨੂੰ ਹੋਸਲਾ ਦਿੰਦਿਆਂ ਕਿਹਾ ਕਿ ਉਹ ਡਰਨ ਨਾ, ਉਹ ਜਲਦ ਹੀ ਇਸ ਨਾ ਮੁਰਾਦ ਬਿਮਾਰੀ ਦਾ ਮੁਕਾਬਲਾ ਕਰਕੇ ਆਪਣੇ ਘਰਾਂ ਨੂੰ ਪਰਤਨਗੇ. ਉਨ੍ਹਾ ਦੱਸਿਆ ਕਿ ਜਿਲ੍ਹੇ ਦੇ ਸ਼ਹਿਰ ਬੁਢਲਾਡਾ ਅੰਦਰ ਨਿਜ਼ਾਮੂਦੀਨ ਮਰਕਸ ਤੋਂ ਵਾਪਿਸ ਪਰਤੇ 10 ਜਮਾਤੀ ਇੱਥੋ ਦੀ ਇੱਕ ਮਸਜਿਦ ਵਿੱਚ ਠਹਿਰੇ ਸਨ. ਜਿਨ੍ਹਾਂ ਦੇ ਸੈਪਲ ਲੈਣ ਤੋਂ ਬਾਅਦ 5 ਜਮਾਤੀਆਂ ਸਮੇਤ 11 ਲੋਕਾਂ ਜਿਨ੍ਹਾਂ ਵਿੱਚੋਂ 2 ਬੱਚੇ ਸ਼ਾਮਿਲ ਹਨ ਦੇ ਟੈਸਟ ਪਾਜਟਿਵ ਪਾਏ ਗਏ ਸਨ. ਜਿਨ੍ਹਾਂ ਨੂੰ ਇਲਾਜ ਅਧੀਨ ਸਿਹਤ ਵਿਭਾਗ ਦੇੇ ਮਾਹਿਰ ਡਾਕਟਰਾਂ ਦੀ ਨਿਗਰਾਨ ਟੀਮ ਹੇਠ ਰੱਖਿਆ ਹੋਇਆ ਹੈ. ਇਸ ਮੋਕੇ ਤੇ ਗੱਲਬਾਤ ਦੌਰਾਨ ਕਰੋਨਾ ਪੀੜਤ ਮਾਹਿਰ ਕੋਸਲਰ ਡਾਕਟਰ ਵੀ ਹਾਜਰ ਸਨ.
