IND U19 vs AFG U19: ਸੈਮੀਫਾਈਨਲ ’ਚ ਅੱਜ ਭਾਰਤ ਦਾ ਅਫਗਾਨਿਸਤਾਨ ਨਾਲ ਹੋਵੇਗਾ ਮੁਕਾਬਲਾ
ਚੰਡੀਗੜ੍ਹ, 12 ਨਵੰਬਰ (ਵਿਸ਼ਵ ਵਾਰਤਾ): ਅੰਡਰ-19 ਏਸ਼ੀਆ ਕੱਪ ਦੇ ਸੈਮੀਫਾਈਨਲ ਵਿੱਚ ਅੱਜ ਭਾਰਤੀ ਟੀਮ ਦਾ ਸਾਹਮਣਾ ਅਫਗਾਨਿਸਤਾਨ ਨਾਲ ਹੋਵੇਗਾ। ਓਮਾਨ ਦੇ ਅਲ ਅਮੀਰਾਤ ਕ੍ਰਿਕਟ ਗਰਾਊਂਡ ਵਿੱਚ ਖੇਡਿਆ ਜਾਣ ਵਾਲਾ ਇਹ ਮੁਕਾਬਲਾ ਸਵੇਰੇ 10:30 ਵਜੇ ਸ਼ੁਰੂ ਹੋਵੇਗਾ। ਇਸ ਮੈਚ ਵਿੱਚ ਸਾਬਕਾ ਭਾਰਤੀ ਕ੍ਰਿਕਟਰ ਵਰਿੰਦਰ ਸਹਿਵਾਗ ਦੇ ਬੇਟੇ ਆਰਯਵੀਰ ਸਹਿਵਾਗ ’ਤੇ ਖਾਸ ਨਜ਼ਰਾਂ ਰਹਿਣਗੀਆਂ। ਉਨ੍ਹਾਂ ਨੇ ਪਿਛਲੇ ਮੈਚ ਵਿੱਚ ਯੂਏਈ ਖ਼ਿਲਾਫ਼ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ 160 ਦੌੜਾਂ ਦੀ ਪਾਰੀ ਖੇਡੀ ਸੀ। ਦੂਜੇ ਪਾਸੇ ਅਫਗਾਨਿਸਤਾਨ ਵੱਲੋਂ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਨੂਰ ਅਲੀ ਨਿਆਜ਼ੀ ਭਾਰਤੀ ਬੱਲੇਬਾਜ਼ਾਂ ਲਈ ਚੁਣੌਤੀ ਬਣ ਸਕਦੇ ਹਨ।
ਭਾਰਤ ਦਾ ਅਫਗਾਨਿਸਤਾਨ ਖ਼ਿਲਾਫ਼ ਪਲੜਾ ਭਾਰੀ
ਦੋਵਾਂ ਟੀਮਾਂ ਵਿਚਾਲੇ ਹੁਣ ਤੱਕ 13 ਮੁਕਾਬਲੇ ਖੇਡੇ ਗਏ ਹਨ, ਜਿਨ੍ਹਾਂ ਵਿੱਚੋਂ ਭਾਰਤ ਨੇ 11 ਅਤੇ ਅਫਗਾਨਿਸਤਾਨ ਨੇ 2 ਮੈਚ ਜਿੱਤੇ ਹਨ। ਪਿਛਲੇ ਰਿਕਾਰਡ ਦੇ ਆਧਾਰ ’ਤੇ ਭਾਰਤੀ ਟੀਮ ਦਾ ਪਲੜਾ ਭਾਰੀ ਮੰਨਿਆ ਜਾ ਰਿਹਾ ਹੈ।
ਦੋਵਾਂ ਟੀਮਾਂ ਦੀ ਸੰਭਾਵਿਤ ਖਿਡਾਰੀਆਂ ਦੀ ਸੂਚੀ
ਭਾਰਤ ਅੰਡਰ-19: ਲਕਸ਼ ਰਾਜੇਸ਼ ਰਾਏਚੰਦਾਨੀ (ਕਪਤਾਨ), ਆਰਯਵੀਰ ਸਹਿਵਾਗ, ਵੀਕੇ ਵਿਨੀਤ, ਅਰਜੁਨ ਰਾਜਪੂਤ, ਯਸ਼ਵਰਧਨ ਚੌਹਾਨ, ਅਨਵੈ ਦ੍ਰਾਵਿੜ (ਵਿਕਟਕੀਪਰ), ਮਨਲ ਚੌਹਾਨ, ਮੋਹਿਤ ਉਲਵਾ, ਆਰਯਨ ਸਵਸਾਨੀ, ਕਾਵਿਆ ਪਟੇਲ, ਈਸ਼ਾਨ ਸੂਦ, ਯਸ਼ਵੀਰ ਗੌੜ, ਕੁਸ਼ਾਗਰ ਓਝਾ, ਰਜਤ ਬਘੇਲ ਅਤੇ ਸ਼ਾਵਿਨ ਵਿਨੋਦ।
ਅਫਗਾਨਿਸਤਾਨ ਅੰਡਰ-19: ਅਬਿਦੁੱਲਾ ਨਾਦਰਜਾਨ, ਫਰੀਦੁੱਲਾ ਇਹਸਾਸ, ਸੁਭਾਨ ਜਖੈਲ, ਨੋਮਾਨ ਸਲਾਰਜ਼ਈ (ਵਿਕਟਕੀਪਰ), ਸ਼ਾਹ ਫੈਸਲ ਰਹੀਮੀ, ਤਾਹਿਰ ਸਰਵਰੀ, ਅਮੀਰ ਹਮਜ਼ਾ, ਸੋਹੇਲ ਖਾਨ (ਕਪਤਾਨ), ਮੁਹੰਮਦ ਅਲੀ, ਅਬਦੁੱਲਾ ਹਮਦਰਦ, ਨੂਰ ਅਲੀ ਨਿਆਜ਼ੀ, ਸਾਮੀ ਮੁਬਾਰੇਜ਼, ਬਿਲਾਲ ਸਲੀਮਨਖਿਲ, ਲੁਤਫੁੱਲਾ ਮੁਹੰਮਦੀ, ਇਮਰਾਨ ਮੁਹੰਮਦੀ, ਸੁਭਾਨ ਅਲੀ, ਫਰੀਦ ਜ਼ਦਰਾਨ, ਫੈਸਲ ਮੁਬਾਰਿਜ਼, ਅਬਿਦੁੱਲਾ ਆਬਿਦ ਅਤੇ ਹਮਜ਼ਾ ਖਾਨ ਅਲੀਖਿਲ।
