Asian Games ‘ਚ ਭਾਰਤ ਨੂੰ ਅੱਜ ਦਿਨ ਦਾ ਚੌਥਾ ਗੋਲਡ
ਚੰਡੀਗੜ੍ਹ, 30 ਸਤੰਬਰ (ਵਿਸ਼ਵ ਵਾਰਤਾ) – ਭਾਰਤ ਨੇ ਏਸ਼ੀਆਈ ਖੇਡਾਂ ਵਿੱਚ ਆਪਣਾ 10ਵਾਂ ਸੋਨ ਤਗਮਾ ਜਿੱਤ ਲਿਆ ਹੈ। ਬੁੱਧਵਾਰ ਨੂੰ ਜਿੱਤੇ ਗਏ ਚਾਰ ਸੋਨ ਤਗਮਿਆਂ ਵਿੱਚੋਂ ਤਿੰਨ ਤੀਰਅੰਦਾਜ਼ਾਂ ਨੇ ਜਿੱਤੇ, ਜਦੋਂ ਕਿ ਇੱਕ ਨਿਸ਼ਾਨੇਬਾਜ਼ੀ ਵਿੱਚ ਆਇਆ।
11ਵੇਂ ਦਿਨ ਦਾ ਚੌਥਾ ਸੋਨ ਤਗਮਾ ਪੁਰਸ਼ਾਂ ਦੇ ਕੰਪਾਊਂਡ ਤੀਰਅੰਦਾਜ਼ੀ ਟੀਮ ਮੁਕਾਬਲੇ ਵਿੱਚ ਆਇਆ। ਸਾਹਿਲ, ਗਣੇਸ਼ ਅਤੇ ਕੁਸ਼ਲ ਦੀ ਤਿੱਕੜੀ ਨੇ ਚੀਨੀ ਟੀਮ ਨੂੰ ਇੱਕ ਅੰਕ ਨਾਲ ਹਰਾ ਕੇ ਸੋਨ ਤਗਮਾ ਜਿੱਤਿਆ।
ਦਿਨ ਦਾ ਪਹਿਲਾ ਸੋਨਾ ਸਵੇਰੇ ਕਰੀਬ 7:45 ਵਜੇ ਭਾਰਤੀ ਮਹਿਲਾ ਟੀਮ ਨੇ ਤੀਰਅੰਦਾਜ਼ੀ ਦੇ ਕੰਪਾਊਂਡ ਇਵੈਂਟ ਵਿੱਚ ਜਿੱਤਿਆ। ਇਸ ਤੋਂ ਬਾਅਦ ਚਿਕਿਤਾ ਤਨਿਪਾਰਥੀ ਅਤੇ ਸਾਹਿਲ ਰਾਜੇਸ਼ ਜਾਧਵ ਦੀ ਜੋੜੀ ਨੇ ਮਿਕਸਡ ਇਵੈਂਟ ਵਿੱਚ ਚੈਂਪੀਅਨ ਬਣਦਿਆਂ ਭਾਰਤ ਦੀ ਝੋਲੀ ਵਿੱਚ ਦੂਜਾ ਸੋਨਾ ਪਾਇਆ। ਕਰੀਬ 11:30 ਵਜੇ ਸ਼ੂਟਿੰਗ ਦੇ ਮਿਕਸਡ ਟ੍ਰੈਪ ਇਵੈਂਟ ਵਿੱਚ ਨੀਰੂ ਢਾਂਡਾ ਅਤੇ ਕਿਨਾਨ ਚੇਨਾਈ ਨੇ ਸੋਨ ਤਮਗਾ ਜਿੱਤ ਕੇ ਦਿਨ ਦਾ ਤੀਜਾ ਗੋਲਡ ਭਾਰਤ ਦੇ ਨਾਮ ਕੀਤਾ।
ਇਨ੍ਹਾਂ ਜਿੱਤਾਂ ਨਾਲ ਭਾਰਤ ਮੈਡਲ ਟੈਲੀ ਵਿੱਚ 7ਵੇਂ ਸਥਾਨ ’ਤੇ ਪਹੁੰਚ ਗਿਆ ਹੈ। ਭਾਰਤ ਨੇ ਹੁਣ ਤੱਕ ਕੁੱਲ 59 ਮੈਡਲ ਜਿੱਤੇ ਹਨ, ਜਿਨ੍ਹਾਂ ਵਿੱਚ 10 ਗੋਲਡ, 21 ਸਿਲਵਰ ਅਤੇ 28 ਬ੍ਰਾਂਜ਼ ਮੈਡਲ ਸ਼ਾਮਲ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
