FSSAI ਦੀ ਵੱਡੀ ਕਾਰਵਾਈ: Everest ਹਿੰਗ ਦੀ ਵਿਕਰੀ ‘ਤੇ ਤੁਰੰਤ ਪ੍ਰਭਾਵ ਨਾਲ ਲਗਾਈ ਰੋਕ
– ਜਾਣੋ ਕੀ ਹੈ ਕਾਰਨ?
ਨਵੀ ਦਿੱਲੀ, 29 ਅਗਸਤ (ਵਿਸ਼ਵ ਵਾਰਤਾ): FSSAI ਯਾਨੀ ਭਾਰਤੀ ਖਾਧ ਸੁਰੱਖਿਆ ਅਤੇ ਮਿਆਰ ਅਥਾਰਟੀ ਨੇ ਦੋ ਵੱਡੇ ਮਸਾਲਾ ਬ੍ਰਾਂਡਾਂ ਐਵਰੈਸਟ (Everest) ਅਤੇ ਲਾਲਜੀ ਗੋਧੂ (Laljee Godhoo) ਦੇ ਕੰਪਾਊਂਡਡ ਹਿੰਗ ਦੀ ਵਿਕਰੀ ‘ਤੇ ਰੋਕ ਲਗਾਉਣ ਦੇ ਹੁਕਮ ਜਾਰੀ ਕੀਤੇ ਹਨ। ਇਹ ਫੈਸਲਾ ਦੋਵਾਂ ਕੰਪਨੀਆਂ ਦੇ ਹਿੰਗ ਦੇ ਸੈਂਪਲ ਜਾਂਚ ਵਿੱਚ ਮਿਆਰਾਂ ਤੋਂ ਹੇਠਾਂ ਪਾਏ ਜਾਣ ਤੋਂ ਬਾਅਦ ਲਿਆ ਗਿਆ ਹੈ।
ਏਜੰਸੀ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਬੈਨ ਸਿਰਫ਼ ਹਿੰਗ ਪ੍ਰੋਡਕਟਸ ‘ਤੇ ਲਾਗੂ ਹੈ ਅਤੇ ਇਨ੍ਹਾਂ ਕੰਪਨੀਆਂ ਦੇ ਅੰਡਾ ਕਰੀ ਮਸਾਲਾ, ਚਿਕਨ ਕਰੀ ਮਸਾਲਾ ਜਾਂ ਗਰਮ ਮਸਾਲਾ ਵਰਗੇ ਬਾਕੀ ਪ੍ਰੋਡਕਟਸ ‘ਤੇ ਕੋਈ ਰੋਕ ਨਹੀਂ ਹੈ। ਇਹ ਜਾਂਚ ਇੱਕ ਖਪਤਕਾਰ ਦੀ ਸ਼ਿਕਾਇਤ ਤੋਂ ਬਾਅਦ ਸ਼ੁਰੂ ਹੋਈ ਸੀ, ਜਿਸ ਤੋਂ ਬਾਅਦ ਪੂਰੇ ਬਾਜ਼ਾਰ ਵਿੱਚ ਮੌਜੂਦ ਹਿੰਗ ਬ੍ਰਾਂਡਾਂ ਦੀ ਜਾਂਚ ਕੀਤੀ ਗਈ।
FSSAI ਨੇ ਬਾਜ਼ਾਰ ਵਿੱਚ ਮੌਜੂਦ ਸਾਰੇ ਵੱਡੇ ਹਿੰਗ ਬ੍ਰਾਂਡਾਂ ਦੀ ਜਾਂਚ ਸ਼ੁਰੂ ਕੀਤੀ। ਸ਼ੁਰੂਆਤੀ ਲੈਬ ਰਿਪੋਰਟ ਵਿੱਚ ਸਾਹਮਣੇ ਆਇਆ ਕਿ ਐਵਰੈਸਟ ਅਤੇ ਲਾਲਜੀ ਗੋਧੂ, ਦੋਵਾਂ ਕੰਪਨੀਆਂ ਦੇ ਕੰਪਾਊਂਡਡ ਹਿੰਗ ਤੈਅ ਮਿਆਰਾਂ ‘ਤੇ ਖਰੇ ਨਹੀਂ ਉੱਤਰੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
