ਕ੍ਰਿਤੀ ਸੈਨਨ ਤੋਂ ਬਾਅਦ ਹੁਣ ਸੈਲੀਨਾ ਜੇਤਲੀ ਹੋਈ ਟ੍ਰੋਲ; ਪਹਿਰਾਵੇ ਨੂੰ ਲੈ ਕੇ ਭੜਕੇ ਯੂਜ਼ਰਸ!
ਨਵੀ ਦਿੱਲੀ, 28 ਅਗਸਤ 2026 (ਵਿਸ਼ਵ ਵਾਰਤਾ) : ਰੱਖੜੀ ਦੇ ਇੱਕ ਵਿਗਿਆਪਨ ਵਿੱਚ ਕ੍ਰਿਤੀ ਸੈਨਨ ਨੂੰ ਉਨ੍ਹਾਂ ਦੇ ਪਹਿਰਾਵੇ ਲਈ ਲੋਕਾਂ ਵੱਲੋਂ ਕਾਫੀ ਟ੍ਰੋਲ ਕੀਤਾ ਗਿਆ। ਉਨ੍ਹਾਂ ਨਾਲ ਜੁੜਿਆ ਇਹ ਵਿਵਾਦ ਅਜੇ ਪੂਰੀ ਤਰ੍ਹਾਂ ਥੰਮਿਆ ਨਹੀਂ ਸੀ, ਕਿ ਹੁਣ ਸੈਲੀਨਾ ਜੇਤਲੀ ਆਲੋਚਕਾਂ ਦੇ ਨਿਸ਼ਾਨੇ ‘ਤੇ ਆ ਗਈ ਹੈ।
ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀ ਇੱਕ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਵਿੱਚ ਉਨ੍ਹਾਂ ਨੂੰ ਰੱਖੜੀ ਦਾ ਤਿਉਹਾਰ ਮਨਾਉਂਦੇ ਦੇਖਿਆ ਜਾ ਸਕਦਾ ਹੈ। ਲੋਕਾਂ ਦਾ ਦੋਸ਼ ਹੈ ਕਿ ਅਦਾਕਾਰਾ ਨੇ ਹਿੰਦੂ ਤਿਉਹਾਰ ‘ਚ ਭੜਕਾਊ ਕੱਪੜੇ ਪਾ ਕੇ ਸੱਭਿਆਚਾਰ ਅਤੇ ਪਰੰਪਰਾ ਦਾ ਅਪਮਾਨ ਕੀਤਾ ਹੈ।
ਮੀਡੀਆ ਰਿਪੋਰਟਸ ਮੁਤਾਬਿਕ, ਅਦਾਕਾਰਾ ਸੈਲੀਨਾ ਜੇਤਲੀ ਮੁੰਬਈ ਵਿੱਚ ਰੱਖੜੀ ਦੇ ਜਸ਼ਨ ਦੇ ਇੱਕ ਈਵੈਂਟ ਵਿੱਚ ਸ਼ਾਮਲ ਹੋਈ। ਅਦਾਕਾਰਾ ਫਲੋਰਲ ਸਾੜੀ ਅਤੇ ਲਾਲ ਡੀਪ-ਨੇਕ ਬਲਾਊਜ਼ ਪਾਏ ਹੋਏ ਨਜ਼ਰ ਆਈ। ਸਾਹਮਣੇ ਆਈ ਵੀਡੀਓ ‘ਚ ਉਹ ਰੱਖੜੀ ਬੰਨ੍ਹਦੇ ਅਤੇ ਮਿਠਾਈ ਖਵਾਉਂਦੇ ਹੋਏ ਦਿਖਾਈ ਦੇ ਰਹੀ ਹੈ। ਸੋਸ਼ਲ ਮੀਡੀਆ ‘ਤੇ ਯੂਜ਼ਰਸ ਕ੍ਰਿਤੀ ਸੈਨਨ ਦੇ ਬ੍ਰਾਲੇਟ ਟੌਪ ਐਡ ਵਿਵਾਦ ਤੋਂ ਬਾਅਦ, ਹੁਣ ਨੈਟੀਜ਼ਨਜ਼ ਰੱਖੜੀ ਦੇ ਜਸ਼ਨ ਦੌਰਾਨ ਡੀਪ-ਨੇਕ ਬਲਾਊਜ਼ ਪਾਉਣ ਲਈ ਸੈਲੀਨਾ ਜੇਤਲੀ ‘ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕਰ ਰਹੇ ਹਨ।
ਇਸ ਨੂੰ ਸਾਂਝਾ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ, ‘ਕ੍ਰਿਤੀ ਸੈਨਨ ਤੋਂ ਬਾਅਦ, ਹੁਣ ਸੈਲੀਨਾ ਜੇਤਲੀ ਵੀ ਰੱਖੜੀ ‘ਤੇ ਭੜਕਾਊ ਕੱਪੜੇ ਪਾ ਕੇ ਜਸ਼ਨ ਮਨਾ ਰਹੀ ਹੈ। ਹਿੰਦੂ ਤਿਉਹਾਰ ਲਈ ਉਨ੍ਹਾਂ ਦੇ ਪਹਿਰਾਵੇ ਨੂੰ ਦੇਖੋ; ਇਹ ਸੱਭਿਆਚਾਰ ਅਤੇ ਪਰੰਪਰਾ ਦਾ ਅਪਮਾਨ ਹੈ।’
ਕੁਝ ਯੂਜ਼ਰਸ ਨੇ ਬਾਲੀਵੁੱਡ ‘ਤੇ ਹਿੰਦੂ ਤਿਉਹਾਰਾਂ ਦੀਆਂ ਪਰੰਪਰਾਵਾਂ ਅਤੇ ਭਾਵਨਾਵਾਂ ਨੂੰ ਵਾਰ-ਵਾਰ ਨਜ਼ਰਅੰਦਾਜ਼ ਕਰਨ ਦਾ ਦੋਸ਼ ਲਗਾਇਆ, ਅਤੇ ਕ੍ਰਿਤੀ ਸੈਨਨ ਦੇ ਬ੍ਰਾਲੇਟ ਐਡ ਨਾਲ ਜੁੜੇ ਹਾਲੀਆ ਵਿਵਾਦ ਦਾ ਜ਼ਿਕਰ ਕੀਤਾ। ਸੈਲੀਨਾ ਨੇ ਅਜੇ ਤੱਕ ਆਨਲਾਈਨ ਆਲੋਚਨਾ ‘ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
