ਕੇਰਲ ਦੀ ਕੇਜ਼ੀਆ ਲਿਜ਼ ਮੇਜੋ ਦੇ ਸਿਰ ਸਜਿਆ ਮਿਸ ਯੂਨੀਵਰਸ ਇੰਡੀਆ-2026 ਦਾ ਖਿਤਾਬ
ਜਿੱਤ ਤੋਂ ਬਾਅਦ ਹੋਈ ਭਾਵੁਕ; ਪੜ੍ਹੋ ਕੀ ਕਿਹਾ
ਨਵੀ ਦਿੱਲੀ, 24 ਅਗਸਤ 2026 (ਵਿਸ਼ਵ ਵਾਰਤਾ): ਕੇਰਲ ਦੀ ਕੇਜ਼ੀਆ ਲਿਜ਼ ਮੇਜੋ ਨੇ ਮਿਸ ਯੂਨੀਵਰਸ ਇੰਡੀਆ-2026 ਦਾ ਖਿਤਾਬ ਜਿੱਤ ਲਿਆ ਹੈ। ਉਨ੍ਹਾਂ ਨੇ ਆਪਣੀ ਖੂਬਸੂਰਤੀ ਅਤੇ ਹਾਜ਼ਰਜਵਾਬੀ ਨਾਲ ਹਰ ਕਿਸੇ ਨੂੰ ਪ੍ਰਭਾਵਿਤ ਕੀਤਾ। ਉਨ੍ਹਾਂ ਨੂੰ ਮਿਸ ਯੂਨੀਵਰਸ ਇੰਡੀਆ-2025 ਮਨਿਕਾ ਵਿਸ਼ਵਕਰਮਾ ਨੇ ਤਾਜ ਪਹਿਨਾਇਆ।
ਜੈਪੁਰ ਦੇ ਜੀ-ਸਟੂਡੀਓ ਵਿੱਚ ਐਤਵਾਰ ਦੇਰ ਰਾਤ ‘ਮਿਸ ਯੂਨੀਵਰਸ ਇੰਡੀਆ 2026’ ਦਾ ਫਾਈਨਲ ਆਯੋਜਿਤ ਹੋਇਆ। ਇਸ ਵਿੱਚ ਦੇਸ਼ ਭਰ ਤੋਂ 52 ਫਾਈਨਲਿਸਟਾਂ ਨੇ ਆਪਣੇ ਹੁਨਰ, ਖੂਬਸੂਰਤੀ ਅਤੇ ਆਤਮ-ਵਿਸ਼ਵਾਸ ਦਾ ਪ੍ਰਦਰਸ਼ਨ ਕੀਤਾ। 52 ਮੁਕਾਬਲੇਬਾਜ਼ਾ ਨੂੰ ਪਛਾੜਦੇ ਹੋਏ ਇਸ ਬਿਊਟੀ ਪੇਜੈਂਟ ਵਿੱਚ ਲਿਜ਼ ਮਿਸ ਯੂਨੀਵਰਸ ਇੰਡੀਆ 2026 ਬਣੀ, ਤਾਂ ਤਾਮਿਲਨਾਡੂ ਦੀ ਵੈਸ਼ਨਵੀ ਗਣੇਸ਼ ਪਹਿਲੀ ਰਨਰ-ਅੱਪ ਰਹੀ ਅਤੇ ਉਸਨੂੰ ਮਿਸ ਇੰਟਰਨੈਸ਼ਨਲ ਇੰਡੀਆ 2026 ਦਾ ਖਿਤਾਬ ਮਿਲਿਆ। ਉੱਥੇ ਹੀ, ਗੁਜਰਾਤ ਦੀ ਅਨੁਸ਼੍ਰੀ ਸਾਤਵਲੇਕਰ ਦੂਜੀ ਰਨਰ-ਅੱਪ ਰਹੀ। ਜਿੱਤ ਤੋਂ ਬਾਅਦ ਹੁਣ ਲਿਜ਼ ਦੁਨੀਆ ਦੇ ਸਭ ਤੋਂ ਵੱਡੇ ਬਿਊਟੀ ਪੇਜੈਂਟਸ ਵਿੱਚੋਂ ਇੱਕ, ਮਿਸ ਯੂਨੀਵਰਸ 2026 ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰੇਗੀ।
ਲਿਜ਼ ਲਾਅ ਸਟੂਡੈਂਟ ਹੈ ਅਤੇ ਉਹ ਮਾਡਲਿੰਗ ਦੇ ਨਾਲ-ਨਾਲ ਐਕਟਰ ਅਤੇ ਕਲਾਸੀਕਲ ਡਾਂਸਰ ਵੀ ਹੈ। ਇੰਨਾ ਹੀ ਨਹੀਂ, ਲਿਜ਼ ਮਿਸ ਟੀਨ ਇੰਟਰਨੈਸ਼ਨਲ 2025 ਦੀ ਪਹਿਲੀ ਰਨਰ-ਅੱਪ ਵੀ ਰਹੀ ਹੈ। ਮਿਸ ਯੂਨੀਵਰਸ ਇੰਡੀਆ-2026 ਦਾ ਖਿਤਾਬ ਜਿੱਤਣ ਤੋਂ ਬਾਅਦ ਕੇਜ਼ੀਆ ਨੇ ਕਿਹਾ ਕਿ ਇਹ ਖਿਤਾਬ ਮੇਰੇ ਲਈ ਸਿਰਫ਼ ਇੱਕ ਪ੍ਰਾਪਤੀ ਨਹੀਂ, ਬਲਕਿ ਇੱਕ ਵੱਡੀ ਜ਼ਿੰਮੇਵਾਰੀ ਹੈ। ਅੰਤਰਰਾਸ਼ਟਰੀ ਮੰਚ ‘ਤੇ ਭਾਰਤ ਦੀ ਨੁਮਾਇੰਦਗੀ ਕਰਨਾ ਮੇਰੇ ਲਈ ਮਾਣ ਅਤੇ ਸਤਿਕਾਰ ਦੀ ਗੱਲ ਹੈ। ਮੈਂ ਇਸ ਮੌਕੇ ਦੇ ਜ਼ਰੀਏ ਭਾਰਤ ਦੇ ਸੱਭਿਆਚਾਰ, ਹੁਨਰ ਅਤੇ ਨਵੀਂ ਪੀੜ੍ਹੀ ਦੀ ਤਾਕਤ ਨੂੰ ਦੁਨੀਆ ਦੇ ਸਾਹਮਣੇ ਪੇਸ਼ ਕਰਾਂਗੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
