53 ਸਾਲ ਦੀ ਉਮਰ ਵਿੱਚ ਅਦਾਕਾਰ ਅਰਜੁਨ ਰਾਮਪਾਲ ਨੇ ਕਰਵਾਇਆ ਦੂਜਾ ਵਿਆਹ
– 14 ਸਾਲ ਛੋਟੀ ਪ੍ਰੇਮਿਕਾ ਨਾਲ ਗੋਆ ‘ਚ ਕਰਵਾਈ ਮੈਰਿਜ
ਮੁੰਬਈ, 22 ਅਗਸਤ 2026 (ਵਿਸ਼ਵ ਵਾਰਤਾ): ਅਰਜੁਨ ਰਾਮਪਾਲ ਨੇ ਆਪਣੀ ਲਾਂਗਟਾਈਮ ਗਰਲਫ੍ਰੈਂਡ ਗੈਬ੍ਰੀਏਲਾ ਡੇਮੇਟ੍ਰੀਏਡਸ ਨਾਲ ਗੋਆ ਵਿੱਚ ਵਿਆਹ ਕਰਵਾ ਲਿਆ ਹੈ। ਦੋਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਅਜੇ ਸਾਹਮਣੇ ਨਹੀਂ ਆਈਆਂ ਹਨ।
53 ਸਾਲ ਦੇ ਅਰਜੁਨ ਰਾਮਪਾਲ ਅਤੇ 39 ਸਾਲ ਦੀ ਗੈਬ੍ਰੀਏਲਾ ਡੇਮੇਟ੍ਰੀਏਡਸ ਲਗਭਗ 8 ਸਾਲਾਂ ਤੋਂ ਇੱਕ-ਦੂਜੇ ਦੇ ਨਾਲ ਸਨ। ਦੋਹਾਂ ਨੇ ਉੱਤਰੀ ਗੋਆ ਦੇ ਮਾਪੁਸਾ ਸਥਿਤ ਸਬ-ਰਜਿਸਟ੍ਰਾਰ ਦਫ਼ਤਰ ਵਿੱਚ ਵਿਆਹ ਦੀ ਕਾਨੂੰਨੀ ਪ੍ਰਕਿਰਿਆ ਪੂਰੀ ਕੀਤੀ। ਅਰਜੁਨ ਅਤੇ ਗੈਬ੍ਰੀਏਲਾ 2018 ਤੋਂ ਰਿਸ਼ਤੇ ਵਿੱਚ ਹਨ। ਦੋਹਾਂ ਨੇ ਕਦੇ ਵੀ ਆਪਣੇ ਰਿਸ਼ਤੇ ਨੂੰ ਛੁਪਾਉਣ ਦੀ ਕੋਸ਼ਿਸ਼ ਨਹੀਂ ਕੀਤੀ। ਦੋਵੇਂ ਆਪਣੇ ਪਰਿਵਾਰ ਦੀ ਝਲਕ ਅਕਸਰ ਸੋਸ਼ਲ ਮੀਡੀਆ ‘ਤੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕਰਦੇ ਰਹਿੰਦੇ ਹਨ।
ਅਰਜੁਨ ਜਿੱਥੇ ਇੱਕ ਅਦਾਕਾਰ ਹਨ, ਉੱਥੇ ਹੀ ਗੈਬ੍ਰੀਏਲਾ ਇੱਕ ਦੱਖਣੀ ਅਫ਼ਰੀਕੀ ਮਾਡਲ ਅਤੇ ਫੈਸ਼ਨ ਡਿਜ਼ਾਈਨਰ ਹੈ। ਵਿਆਹ ਤੋਂ ਪਹਿਲਾਂ ਹੀ ਦੋਵੇਂ ਆਪਣੇ ਪਰਿਵਾਰ ਦੀ ਸ਼ੁਰੂਆਤ ਕਰ ਚੁੱਕੇ ਹਨ। ਅਰਜੁਨ ਅਤੇ ਗੈਬ੍ਰੀਏਲਾ ਦੇ ਦੋ ਬੱਚੇ ਹਨ। ਉਨ੍ਹਾਂ ਦੇ ਵੱਡੇ ਬੇਟੇ ਦਾ ਨਾਂ ਐਰਿਕ ਹੈ ਅਤੇ ਛੋਟੇ ਬੇਟੇ ਦਾ ਨਾਂ ਅਰਵ ਹੈ। ਐਰਿਕ ਦਾ ਜਨਮ 2019 ਵਿੱਚ ਹੋਇਆ ਸੀ, ਜਦੋਂ ਕਿ ਅਰਵ ਦਾ ਜਨਮ ਸਾਲ 2023 ਵਿੱਚ ਹੋਇਆ ਸੀ।
ਦੱਸ ਦਈਏ ਕਿ ਅਰਜੁਨ ਰਾਮਪਾਲ ਦਾ ਪਹਿਲਾ ਵਿਆਹ ਸਾਬਕਾ ਸੁਪਰਮਾਡਲ ਮੇਹਰ ਜੇਸੀਆ ਨਾਲ 1998 ਵਿੱਚ ਹੋਇਆ ਸੀ। ਇਸ ਵਿਆਹ ਤੋਂ ਉਨ੍ਹਾਂ ਦੀਆਂ ਦੋ ਬੇਟੀਆਂ ਮਾਹੀਕਾ ਅਤੇ ਮਾਇਰਾ ਹੋਈਆਂ। 20 ਸਾਲ ਨਾਲ ਰਹਿਣ ਤੋਂ ਬਾਅਦ, ਮਈ 2018 ਵਿੱਚ ਉਨ੍ਹਾਂ ਨੇ ਅਲੱਗ ਹੋਣ ਦਾ ਐਲਾਨ ਕੀਤਾ ਅਤੇ ਨਵੰਬਰ 2019 ਵਿੱਚ ਦੋਹਾਂ ਦਾ ਤਲਾਕ ਹੋ ਗਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
