Switzerland ਰਿਜ਼ੋਰਟ ਧਮਾਕੇ ‘ਚ 40 ਲੋਕਾਂ ਦੀ ਮੌਤ
– 100 ਤੋਂ ਵੱਧ ਜ਼ਖਮੀ
ਸਵਿਟਜ਼ਰਲੈਂਡ, 1 ਜਨਵਰੀ 2026 (ਵਿਸ਼ਵ ਵਾਰਤਾ): ਸਵਿਟਜ਼ਰਲੈਂਡ ਵਿੱਚ ਨਵੇਂ ਸਾਲ ਦੇ ਪਹਿਲੇ ਦਿਨ ਹੋਏ ਧਮਾਕੇ ਸਬੰਧੀ ਪੁਲਿਸ ਵੱਲੋਂ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ। ਪੁਲਿਸ ਅਨੁਸਾਰ ਧਮਾਕੇ ਵਿੱਚ 40 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 100 ਤੋਂ ਵੱਧ ਜ਼ਖਮੀ ਹੋਏ ਹਨ, ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਧਮਾਕੇ ਦਾ ਕਾਰਨ ਅਜੇ ਸਪੱਸ਼ਟ ਨਹੀਂ ਹੈ।
ਸਵਿਸ ਪੁਲਿਸ ਦੇ ਅਨੁਸਾਰ, “ਨਵੇਂ ਸਾਲ ਦੀ ਸ਼ਾਮ ਨੂੰ ਇੱਕ ਸਵਿਸ ਬਾਰ ਵਿੱਚ ਲੱਗੀ ਅੱਗ ਵਿੱਚ ਚਾਲੀ ਲੋਕਾਂ ਦੀ ਮੌਤ ਹੋ ਗਈ ਹੈ। 100 ਤੋਂ ਵੱਧ ਜ਼ਖਮੀ ਹੋਏ ਹਨ। ਘਟਨਾ ਦੇ ਕਾਰਨਾਂ ਬਾਰੇ ਕੁਝ ਵੀ ਕਹਿਣਾ ਅਜੇ ਜਲਦਬਾਜ਼ੀ ਹੈ। ਅਸੀਂ ਕਿਸੇ ਵੀ ਹਮਲੇ ਤੋਂ ਇਨਕਾਰ ਕਰਦੇ ਹਾਂ।” ਦੱਸ ਦਈਏ ਕਿ ਜਿਸ ਬਾਰ ਵਿੱਚ ਇਹ ਘਟਨਾ ਵਾਪਰੀ ਹੈ ਉਹ ਕਾਫ਼ੀ ਆਲੀਸ਼ਾਨ ਹੈ। ਇਸਨੂੰ ਲੇ ਕੌਂਸਟੇਲੇਸ਼ਨ ਬਾਰ ਐਂਡ ਲਾਉਂਜ ਕਿਹਾ ਜਾਂਦਾ ਹੈ। ਇਹ ਕ੍ਰਾਂਸ-ਮੋਂਟਾਨਾ ਸ਼ਹਿਰ ਵਿੱਚ ਸਥਿਤ ਹੈ।
