– ਸਭਨਾਂ 13 ਨੂੰ ਮਿਲੇਗਾ ਬਹਾਦਰੀ ਲਈ ਪ੍ਰੈਜੀਡੈਂਟ ਫਾਇਰ ਸਰਵਿਸ ਮੈਡਲ, ਪੰਜਾਬ ਸਰਕਾਰ ਵੱਲੋਂ ਕੀਤੀਆਂ ਸਾਰੀਆਂ ਸਿਫਾਰਿਸ਼ਾਂ ਮਨਜ਼ੂਰ
– ਪੰਜਾਬ ਸਰਕਾਰ ਇਹਨਾਂ ਦੇ ਪਰਿਵਾਰਾਂ ਨਾਲ ਹਮੇਸ਼ਾ ਮੋਢੇ ਨਾਲ ਮੋਢਾ ਜੋੜ ਕੇ ਖੜ••ੇਗੀ: ਨਵਜੋਤ ਸਿੰਘ ਸਿੱਧੂ
– ਸਥਾਨਕ ਸਰਕਾਰਾਂ ਮੰਤਰੀ ਵੱਲੋਂ ਮਹਾਨ ਕੁਰਬਾਨੀ ਦੇਣ ਵਾਲੇ 9 ਫਾਇਰਮੈਨ ਸਨਮਾਨਿਤ,
4 ਜਖ਼ਮੀਆਂ ਨੂੰ ਵੀ ਕੀਤਾ ਸਨਮਾਨਿਤ
ਚੰਡੀਗੜ, 25 ਜਨਵਰੀ: ਪੰਜਾਬ ਸਰਕਾਰ ਅੱਗ ਲੱਗਣ ਦੀਆਂ 2 ਘਟਨਾਵਾਂ ਵਿੱਚ ਆਪਣੀ ਡਿਊਟੀ ਦੌਰਾਨ ਬੇਮਿਸਾਲ ਸੇਵਾਵਾਂ ਨਿਭਾਉਣ ਵਾਲੇ ਬਹਾਦਰ ਫਾਇਰਮੈਨਾਂ ਦੀਆਂ ਕੁਰਬਾਨੀਆਂ ਨੂੰ ਕਦੇ ਨਹੀਂ ਭੁੱਲੇਗੀ। ਦੱਸਣਯੋਗ ਹੈ ਕਿ ਇਹਨਾਂ ਵਿੱਚੋਂ ਇੱਕ ਹਾਦਸਾ 20 ਨਵੰਬਰ, 2017 ਨੂੰ ਸੂਫੀਆਂ ਚੌਂਕ, ਲੁਧਿਆਣਾ ਵਿਖੇ ਫੈਕਟਰੀ ਵਿੱਚ ਅਤੇ ਦੂਜਾ ਹਾਦਸਾ 11 ਮਈ, 2017 ਨੂੰ ਮੈਸਰਜ਼ ਮਲਕਾ ਟੈਕਸਟਾਇਲ ਵਿਖੇ ਵਾਪਰਿਆ। ਦੁੱਖ ਦੀ ਘੜੀ ਵਿੱਚ ਪੰਜਾਬ ਸਰਕਾਰ ਇਹਨਾਂ ਫਾਇਰਮੈਨਾਂ ਦੇ ਪਰਿਵਾਰਾਂ ਨਾਲ ਹਮੇਸ਼ਾ ਮੋਢੇ ਨਾਲ ਮੋਢਾ ਜੋੜ ਕੇ ਖੜ••ੇਗੀ। ਇਸ ਸਬੰਧੀ ਜਾਣਕਾਰੀ ਸਥਾਨਕ ਸਰਕਾਰਾਂ ਬਾਰੇ ਮੰਤਰੀ, ਪੰਜਾਬ, ਸ. ਨਵਜੋਤ ਸਿੰਘ ਸਿੱਧੂ ਨੇ ਪੰਜਾਬ ਭਵਨ ਵਿਖੇ ਉਕਤ ਘਟਨਾਵਾਂ ਵਿੱਚ ਬਚੇ ਫਾਇਰਮੈਨਾਂ ਅਤੇ ਮਹਾਨ ਕੁਰਬਾਨੀਆਂ ਦੇਣ ਵਾਲਿਆਂ ਦੇ ਪਰਿਵਾਰਾਂ ਨੂੰ ਸਨਮਾਨਿਤ ਕਰਨ ਮੌਕੇ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਦਿੱਤੀ।
ਵੇਰਵੇ ਦਿੰਦਿਆਂ ਸ. ਸਿੱਧੂ ਨੇ ਦੱਸਿਆ ਕਿ ਅੱਜ ਮਹਾਨ ਕੁਰਬਾਨੀਆਂ ਦੇਣ ਵਾਲੇ 9 ਫਾਇਰਮੈਨ ਜਿਨ••ਾਂ ਵਿੱਚ ਸਬ ਫਾਇਰ ਅਧਿਕਾਰੀ ਸ੍ਰੀ ਰਾਜਿੰਦਰ ਕੁਮਾਰ, ਸਬ ਫਾਇਰ ਅਧਿਕਾਰੀ ਸ੍ਰੀ ਸਾਮੌਣ ਗਿੱਲ, ਸਬ ਫਾਇਰ ਅਧਿਕਾਰੀ ਸ੍ਰੀ ਰਾਜ ਕੁਮਾਰ, ਲੀਡਿੰਗ ਫਾਇਰਮੈਨ ਸ੍ਰੀ ਮਨੋਹਰ ਲਾਲ, ਫਾਇਰਮੈਨ ਸ੍ਰੀ ਪੂਰਨ ਸਿੰਘ, ਫਾਇਰਮੈਨ ਸ੍ਰੀ ਰਾਜਨ, ਫਾਇਰਮੈਨ (ਪੀ.ਈ.ਐਸ.ਸੀ.ਓ.) ਸ੍ਰੀ ਮਨਪ੍ਰੀਤ ਸਿੰਘ, ਫਾਇਰਮੈਨ (ਪੀ.ਈ.ਐਸ.ਸੀ.ਓ.) ਸ੍ਰੀ ਸੁਖਦੇਵ ਸਿੰਘ, ਫਾਇਰਮੈਨ ਸ੍ਰੀ ਵਿਸ਼ਾਲ ਕੁਮਾਰ ਸ਼ਾਮਿਲ ਹਨ, ਦੇ ਪਰਿਵਾਰਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਤੋਂ ਇਲਾਵਾ ਇਹਨਾਂ ਘਟਨਾਵਾਂ ਵਿੱਚ ਬਚਣ ਵਾਲੇ ਅਤੇ ਜਖ਼ਮੀ ਹੋਣ ਵਾਲੇ 4 ਫਾਇਰਮੈਨਾਂ ਜਿਨ••ਾਂ ਵਿੱਚ ਸਬ ਫਾਇਰ ਅਧਿਕਾਰੀ ਸ੍ਰੀ ਹਜੂਰਾਂ ਸਿੰਘ, ਫਾਇਰਮੈਨ ਸ੍ਰੀ ਨਰੇਸ਼ ਕੁਮਾਰ, ਫਾਇਰਮੈਨ ਸ੍ਰੀ ਲਵਲੇਸ਼ ਕੁਮਾਰ, ਫਾਇਰਮੈਨ (ਪੀ.ਈ.ਐਸ.ਸੀ.ਓ.) ਸ੍ਰੀ ਸੌਦਾਗਰ ਸਿੰਘ ਸ਼ਾਮਿਲ ਹਨ, ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਹੋਰ ਜਾਣਕਾਰੀ ਦਿੰਦਿਆਂ ਸ. ਸਿੱਧੂ ਨੇ ਦੱਸਿਆ ਕਿ ਸ਼ਹੀਦ ਹੋਏ ਹਰੇਕ ਫਾਇਰਮੈਨ ਦੇ ਪਰਿਵਾਰ ਨੂੰ 10 ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਦਿੱਤੀ ਗਈ ਹੈ।
ਸ. ਸਿੱਧੂ ਨੇ ਅੱਗੇ ਕਿਹਾ ਕਿ ਪ੍ਰੈਜੀਡੈਂਟ ਫਾਇਰ ਸਰਵਿਸ ਮੈਡਲ ਦੇ ਬਹਾਦਰੀ ਪੁਰਸਕਾਰ ਲਈ ਸਿਫਾਰਿਸ਼ ਕੀਤੇ ਸਾਰੇ 13 ਫਾਇਰਮੈਨਾਂ ਨੂੰ ਗਣਤੰਤਰ ਦਿਵਸ ਮੌਕੇ ਸਨਮਾਨਿਤ ਕੀਤਾ ਜਾਵੇਗਾ ਅਤੇ ਨਾਲ ਹੀ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਕੀਤੀਆਂ ਗਈਆਂ ਸਾਰੀਆਂ 13 ਸਿਫਾਰਿਸ਼ਾਂ ਨੂੰ ਕੇਂਦਰ ਵੱਲੋਂ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਉਨ•ਾਂ ਦੱਸਿਆ ਕਿ ਜਿਨ••ਾਂ 15 ਕਰਮਚਾਰੀਆਂ ਨੂੰ ਇਹ ਸਨਮਾਨ ਦਿੱਤਾ ਜਾਵੇਗਾ, ਉਨ•ਾਂ ਵਿੱਚੋਂ 13 ਪੰਜਾਬ ਤੋਂ ਹਨ।
ਇਨ••ਾਂ 13 ਫਾਇਰਮੈਨਾਂ ਦੇ ਪਰਿਵਾਰ ਨੂੰ ਦਿੱਤੀਆਂ ਜਾਣ ਵਾਲੀਆਂ ਹੋਰ ਸਹੂਲਤਾਂ ਬਾਰੇ ਦੱਸਦਿਆਂ ਸ. ਸਿੱਧੂ ਨੇ ਕਿਹਾ ਕਿ ਇਹਨਾਂ ਦੇ ਪਰਿਵਾਰਾਂ ਨੂੰ 5000 ਰੁਪਏ ਪ੍ਰਤੀ ਮਹੀਨਾ ਵਿੱਤੀ ਸਹਾਇਤਾ ਦਿੱਤੀ ਜਾਵੇਗੀ, ਜਿਸ ‘ਤੇ ਆਮਦਨ ਕਰ ਤੋਂ ਛੋਟ ਹੋਵੇਗੀ ਅਤੇ ਨਾਲ ਹੀ ਏਅਰ ਇੰਡੀਆ ਰਾਹੀਂ ਯਾਤਰਾ ਦੌਰਾਨ 75 ਫੀਸਦੀ ਛੋਟ, ਹਰੇਕ ਪਰਿਵਾਰ ਦੇ 2 ਵਿਅਕਤੀਆਂ ਨੂੰ ਮੁਫ਼ਤ ਏ.ਸੀ. ਥ੍ਰੀ ਟਾਇਰ ਰੇਲਵੇ ਪਾਸ ਅਤੇ ਉਨ•ਾਂ ਦੇ ਬੱਚਿਆਂ ਦੀ ਸਿੱਖਿਆ ਲਈ 5 ਫੀਸਦ ਕੋਟਾ ਦਿੱਤਾ ਜਾਵੇਗਾ।
ਮੰਤਰੀ ਨੇ ਦੱਸਿਆ ਕਿ ਹਾਇਡ੍ਰੋਲਿਕ ਮਸ਼ੀਨਰੀ ਅਤੇ ਹੋਰ ਅਤਿ ਆਧੁਨਿਕ ਉਪਕਰਨਾਂ ਦੀ ਸਹੂਲਤ ‘ਤੇ ਜੋਰ ਦਿੰਦਿਆਂ 550 ਕਰੋੜ ਰੁਪਏ ਦੀ ਲਾਗਤ ਨਾਲ ਫਾਇਰ ਡਾਇਰੈਕਟੋਰੇਟ ਦਾ ਆਧੁਨਿਕੀਕਰਨ ਕੀਤਾ ਜਾ ਰਿਹਾ ਹੈ। ਉਨ•ਾਂ ਕਿਹਾ ਕਿ ਭਰਤੀਆਂ ਰਾਹੀਂ ਡਾਇਰੈਕਟੋਰੇਟ ਵਿਖੇ 270 ਪੋਸਟਾਂ ਭਰੀਆਂ ਜਾਣਗੀਆਂ ਜਿਨ••ਾਂ ਵਿੱਚ ਅੰਮ੍ਰਿਤਸਰ ਰੇਲ ਦੁਰਘਟਨਾ ਵਿੱਚ ਜਖ਼ਮੀ ਹੋਣ ਵਾਲੇ 38 ਵਿਅਕਤੀਆਂ ਨੂੰ ਕਵਰ ਕੀਤਾ ਜਾਵੇਗਾ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਡਾਇਰੈਕਟਰ, ਸਥਾਨਕ ਸਰਕਾਰਾਂ ਵਿਭਾਗ ਸ੍ਰੀ ਕਰਨੇਸ਼ ਸ਼ਰਮਾ ਵੀ ਹਾਜ਼ਰ ਸਨ।
