Railways : ਰੇਲਵੇ ਕਰਮਚਾਰੀਆਂ ਲਈ ਵੱਡੀ ਖੁਸ਼ਖਬਰੀ; ਹੁਣ ਇਸ ਯੋਜਨਾ ਤਹਿਤ ਮਿਲੇਗਾ 1 ਕਰੋੜ ਰੁਪਏ ਦਾ ਲਾਭ
ਨਵੀ ਦਿੱਲੀ, 2 ਸਤੰਬਰ 2025 (ਵਿਸ਼ਵ ਵਾਰਤਾ): ਭਾਰਤੀ ਰੇਲਵੇ (Railways) ਨੇ ਆਪਣੇ ਕਰਮਚਾਰੀਆਂ ਲਈ ਇੱਕ ਵੱਡਾ ਐਲਾਨ ਕੀਤਾ ਹੈ। ਰੇਲਵੇ ਮੰਤਰੀ ਅਸ਼ਵਨੀ ਵੈਸ਼ਨਵ ਦੀ ਮੌਜੂਦਗੀ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ ਨਾਲ ਇਕ ਸਮਝੌਤਾ ਪੱਤਰ (ਐਮਓਯੂ) ‘ਤੇ ਹਸਤਾਖਰ ਕੀਤੇ ਗਏ। ਜਿਸ ਦੇ ਤਹਿਤ ਐਸਬੀਆਈ ਤਨਖਾਹ ਖਾਤਾ ਰੱਖਣ ਵਾਲੇ ਰੇਲਵੇ ਕਰਮਚਾਰੀਆਂ ਨੂੰ 1 ਕਰੋੜ ਰੁਪਏ ਦਾ ਦੁਰਘਟਨਾ ਮੌਤ ਬੀਮਾ ਮਿਲੇਗਾ।
ਜੇਕਰ ਕਿਸੇ ਕਰਮਚਾਰੀ ਦੀ ਦੁਰਘਟਨਾ ਵਿੱਚ ਮੌਤ ਹੋ ਜਾਂਦੀ ਹੈ, ਤਾਂ ਉਸਦੇ ਪਰਿਵਾਰ ਨੂੰ 1 ਕਰੋੜ ਰੁਪਏ ਦਾ ਬੀਮਾ ਮਿਲੇਗਾ। ਇਹ ਪੁਰਾਣੀ ਯੋਜਨਾ ਨਾਲੋਂ ਕਿਤੇ ਵੱਧ ਹੈ, ਜਿਸ ਵਿੱਚ ਗਰੁੱਪ ਏ ਦੇ ਕਰਮਚਾਰੀਆਂ ਨੂੰ 1.20 ਲੱਖ ਰੁਪਏ, ਗਰੁੱਪ ਬੀ ਨੂੰ 60,000 ਰੁਪਏ ਅਤੇ ਗਰੁੱਪ ਸੀ ਨੂੰ 30,000 ਰੁਪਏ ਦਾ ਕਵਰ ਮਿਲਦਾ ਸੀ।
ਇੰਨਾ ਹੀ ਨਹੀਂ, ਜੇਕਰ ਕਰਮਚਾਰੀ ਦੀ ਹਵਾਈ ਹਾਦਸੇ ਵਿੱਚ ਮੌਤ ਹੋ ਜਾਂਦੀ ਹੈ, ਤਾਂ ਉਸਨੂੰ 1.6 ਕਰੋੜ ਰੁਪਏ ਦਾ ਬੀਮਾ ਮਿਲੇਗਾ। ਇਸ ਤੋਂ ਇਲਾਵਾ, ਉਸਦੇ RuPay ਡੈਬਿਟ ਕਾਰਡ ਰਾਹੀਂ 1 ਕਰੋੜ ਰੁਪਏ ਦਾ ਵਾਧੂ ਕਵਰ ਵੀ ਉਪਲਬਧ ਹੋਵੇਗਾ। ਜੇਕਰ ਕੋਈ ਕਰਮਚਾਰੀ ਕਿਸੇ ਹਾਦਸੇ ਵਿੱਚ ਪੂਰੀ ਤਰ੍ਹਾਂ ਅਪਾਹਜ ਹੋ ਜਾਂਦਾ ਹੈ, ਤਾਂ ਉਸਨੂੰ 1 ਕਰੋੜ ਰੁਪਏ ਦਾ ਕਵਰ ਅਤੇ ਅੰਸ਼ਕ ਅਪਾਹਜਤਾ ‘ਤੇ 80 ਲੱਖ ਰੁਪਏ ਤੱਕ ਦਾ ਕਵਰ ਮਿਲੇਗਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
