Punjab: ਐਜੂਕੇਟ ਪੰਜਾਬ ਪ੍ਰੋਜੈਕਟ ਵੱਲੋਂ ਹੁਸੈਨੀਵਾਲਾ ਇਲਾਕੇ ਵਿੱਚ ਭੇਜੀ ਰਾਹਤ ਸਮੱਗਰੀ
– ਵਾਹਿਗੁਰੂ ਵੱਲੋਂ ਬਖਸ਼ੀ ਸੇਵਾ ਨਿਭਾਵਾਂਗੇ – ਭਾਈ ਜਸਵਿੰਦਰ ਸਿੰਘ
ਮੋਗਾ, 31 ਅਗਸਤ 2025 (ਵਿਸ਼ਵ ਵਾਰਤਾ) – ਐਜੂਕੇਟ ਪੰਜਾਬ (Punjab) ਪ੍ਰੋਜੈਕਟ ਵੱਲੋਂ ਮੁੱਖ ਸੇਵਾਦਾਰ ਭਾਈ ਜਸਵਿੰਦਰ ਸਿੰਘ ਦੀ ਅਗਵਾਈ ਹੇਠ ਹੜ੍ਹ ਪੀੜਤ ਲੋਕਾਂ ਦੀ ਸਹਾਇਤਾ ਦਾ ਕਾਰਜ ਅਰੰਭਿਆ ਹੋਇਆ ਹੈ। ਅੱਜ ਭਾਈ ਜਸਵਿੰਦਰ ਸਿੰਘ ਵੱਲੋਂ ਦਮਨਜੀਤ ਸਿੰਘ ਮਾਨ ਏਡੀਸੀ ਫਿਰੋਜ਼ਪੁਰ ਨਾਲ ਹੜ੍ਹਾਂ ਦੇ ਪਾਣੀ ਤੇ ਪੀੜਤਾਂ ਦੀ ਸਥਿਤੀ ਬਾਰੇ ਗੱਲਬਾਤ ਕੀਤੀ ਗਈ। ਹੁਸੈਨੀਵਾਲਾ ਇਲਾਕੇ ਵਿੱਚ ਪਸ਼ੂਆਂ ਲਈ ਦੋ ਟਰਾਲੇ ਚਾਰਾ ਵੰਡਿਆ ਗਿਆ। ਕਲ੍ਹ ਹੜ੍ਹ ਪੀੜਤਾਂ ਲਈ ਰਾਸ਼ਨ ਵੀ ਪਾਣੀਆਂ ਵਿੱਚ ਜਾਕੇ ਪਹੁੰਚਾਇਆ ਗਿਆ ਸੀ। ਹੁਣ ਉਸ ਉੱਥੇ ਲੰਗਰ ਪ੍ਰਸ਼ਾਦਾ ਦੀ ਸੇਵਾ ਵੀ ਜਾਰੀ ਹੈ।
ਐਜੂਕੇਟ ਪੰਜਾਬ (Punjab) ਪ੍ਰੋਜੈਕਟ ਵੱਲੋਂ ਰਾਜੂ ਕੇ ਗੱਟੀ , ਹੁਸੈਨੀ ਵਾਲਾ ਬਾਰਡਰ ਤੋਂ ਪਾਰ ਤੇ ਸਰਹੱਦ ਦੇ ਅਖੀਰਲੇ ਪਿੰਡਾਂ, ਜੀਰੋ ਲਾਈਨ ਤੇ ਪੁੱਜ ਕੇ ਚਾਰੇ ਦੇ ਦੋ ਟਰਾਲੇ ਵੰਡੇ ਗਏ।। ਸੰਸਥਾ ਦੇ ਪੰਝੀ ਮੈਂਬਰਾਂ ਤੇ ਹੋਰ ਸੇਵਾ ਦਾਰਾਂ ਵਿੱਚ ਭਾਈ ਜਸਵਿੰਦਰ ਸਿੰਘ ਜੀ ਖਾਲਸਾ ਐਜੂਕੇਟ ਪੰਜਾਬ ਪ੍ਰੋਜੈਕਟ ,ਤਜਿੰਦਰ ਸਿੰਘ , ਅਮਰੀਕ ਸਿੰਘ , ਦਵਿੰਦਰ ਸਿੰਘ ,ਸੰਪੂਰਨ ਸਿੰਘ ,ਸੋਹਣ ਸਿੰਘ ਰੌਂਤਾ, ਪ੍ਰਿੰਸੀਪਲ ਮਹਿਲ ਸਿੰਘ , ਸੁਖਜਿੰਦਰ ਸਿੰਘ, ਕਰਨਵੀਰ ਸਿੰਘ ਆਦਿ ਮੌਜੂਦ ਸਨ। ਭਾਈ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਵਾਹਿਗੁਰੂ ਨੇ ਸਿੱਖਿਆ ਦੇ ਨਾਲ ਇਹਨਾਂ ਹੜ੍ਹ ਪੀੜ੍ਹਤਾਂ ਲਈ ਸੇਵਾ ਲਗਾਈ ਹੈ।ਸਾਨੂੰ ਵਧ ਚੜ੍ਹ ਕੇ ਸਹਿਯੋਗ ਫਰਜ਼ ਨਿਭਾਉਣ ਦੀ ਲੋੜ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
