ਆਹ ਤਾਂ ਹੱਦ ਹੀ ਹੋ ਗਈ! CM ਕਾਫ਼ਲੇ ਦੀਆਂ 19 ਗੱਡੀਆਂ ‘ਚ ਡੀਜਲ ਦੀ ਥਾਂ ਭਰਿਆ ਪਾਣੀ
– ਜਾਣੋ ਕਿਵੇਂ ਹੋਇਆ ਸਾਰੇ ਮਾਮਲੇ ਦਾ ਖੁਲਾਸਾ
ਮੱਧ ਪ੍ਰਦੇਸ਼, 27 ਜੂਨ (ਵਿਸ਼ਵ ਵਾਰਤਾ): ਅੱਜ ਸ਼ੁੱਕਰਵਾਰ ਨੂੰ ਮੱਧ ਪ੍ਰਦੇਸ਼ ਦੇ ਰਤਲਾਮ ਵਿੱਚ ‘RISE-2025’ ਆਯੋਜਿਤ ਕੀਤਾ ਜਾਣਾ ਸੀ। ਇਸ ਕਾਰਨ ਮੁੱਖ ਮੰਤਰੀ ਮੋਹਨ ਯਾਦਵ ਨੇ ਵੀ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣਾ ਸੀ। ਪ੍ਰਸ਼ਾਸਨਿਕ ਅਧਿਕਾਰੀ ਉਨ੍ਹਾਂ ਦੇ ਪ੍ਰੋਗਰਾਮ ਦੀਆਂ ਤਿਆਰੀਆਂ ਵਿੱਚ ਰੁੱਝੇ ਹੋਏ ਸਨ, ਪਰ ਉਨ੍ਹਾਂ ਦੇ ਆਉਣ ਤੋਂ ਪਹਿਲਾਂ ਹੀ ਇੱਕ ਵੱਡੀ ਕੁਤਾਹੀ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਸੀ.ਐਮ ਕਾਫਲੇ ਦੀਆਂ ਗੱਡੀਆਂ ਰਸਤੇ ‘ਚ ਡੀਜ਼ਲ ਭਰਵਾਉਣ ਲਈ ਇੱਕ ਪੰਪ ‘ਤੇ ਰੁਕੀਆਂ। ਡੀਜ਼ਲ ਭਰਵਾਉਣ ਤੋਂ ਬਾਅਦ, ਇਹ ਗੱਡੀਆਂ ਥੋੜ੍ਹੀ ਦੂਰੀ ‘ਤੇ ਗਈਆਂ ਸਨ ਕਿ ਕਾਫਲੇ ਵਿੱਚ ਮੌਜੂਦ ਸਾਰੇ ਵਾਹਨ ਇੱਕ-ਇੱਕ ਕਰਕੇ ਰੁਕਦੇ ਗਏ। ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਪਤਾ ਲੱਗਾ ਕਿ ਇਸ ਡੀਜ਼ਲ ਵਿੱਚ ਪਾਣੀ ਮਿਲਾਇਆ ਗਿਆ ਸੀ, ਕਾਫਲੇ ਦੇ ਲਗਭਗ 19 ਵਾਹਨ ਸ਼ਾਮਿਲ ਸਨ।
ਮਾਮਲੇ ਦੀ ਸੂਚਨਾ ਮਿਲਦੇ ਹੀ ਨਾਇਬ ਤਹਿਸੀਲਦਾਰ ਆਸ਼ੀਸ਼ ਉਪਾਧਿਆਏ ਅਤੇ ਖੁਰਾਕ ਅਤੇ ਸਪਲਾਈ ਅਧਿਕਾਰੀ ਸਮੇਤ ਕਈ ਅਧਿਕਾਰੀ ਮੌਕੇ ‘ਤੇ ਪਹੁੰਚ ਗਏ। ਇਸ ਤੋਂ ਬਾਅਦ ਵਾਹਨਾਂ ਦੇ ਡੀਜ਼ਲ ਟੈਂਕ ਖੋਲ੍ਹ ਕੇ ਜਾਂਚ ਕੀਤੀ ਗਈ। 20 ਲੀਟਰ ਡੀਜ਼ਲ ਵਿੱਚੋਂ ਲਗਭਗ 10 ਲੀਟਰ ਪਾਣੀ ਮਿਲਿਆ। ਫਿਲਹਾਲ ਪੈਟਰੋਲ ਪੰਪ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਮੁੱਖ ਮੰਤਰੀ ਦੇ ਕਾਫਲੇ ਲਈ ਇੰਦੌਰ ਤੋਂ ਹੋਰ ਵਾਹਨਾਂ ਦਾ ਪ੍ਰਬੰਧ ਕੀਤਾ ਗਿਆ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
