Corona cases : ਦੇਸ਼ ਵਿੱਚ ਕੋਰੋਨਾ ਦਰ ਫਿਰ ਵਧਣੀ ਸ਼ੁਰੂ; ਸਰਗਰਮ ਮਾਮਲੇ ਦੀ ਗਿਣਤੀ 6815
ਇਹ ਸੂਬਾ ਬਣਿਆ ਹੌਟਸਪੌਟ-
ਨਵੀ ਦਿੱਲੀ, 10 ਜੂਨ (ਵਿਸ਼ਵ ਵਾਰਤਾ): ਭਾਰਤ ਵਿੱਚ ਕੋਰੋਨਾ ਇਨਫੈਕਸ਼ਨ ਦੀ ਦਰ ਫਿਰ ਵਧਣੀ ਸ਼ੁਰੂ ਹੋ ਗਈ ਹੈ। ਹਾਲ ਹੀ ਵਿੱਚ ਸਿਹਤ ਮੰਤਰਾਲੇ ਦੇ ਤਾਜ਼ਾ ਅੰਕੜੇ ਸਾਹਮਣੇ ਆਏ ਹਨ, ਜਿਸ ਅਨੁਸਾਰ ਸਰਗਰਮ ਮਾਮਲਿਆਂ ਦੀ ਗਿਣਤੀ 6815 ਤੱਕ ਪਹੁੰਚ ਗਈ ਹੈ। ਪਿਛਲੇ 24 ਘੰਟਿਆਂ ਵਿੱਚ 324 ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
ਸਿਹਤ ਵਿਭਾਗ ਦੇ ਅਨੁਸਾਰ, ਕੋਰੋਨਾ ਦੇ ਨਵੇਂ ਰੂਪਾਂ ਕਾਰਨ 12 ਰਾਜਾਂ ਵਿੱਚ 68 ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ। ਕੇਰਲ ਇਸ ਸਮੇਂ ਸਭ ਤੋਂ ਵੱਡਾ ਹੌਟਸਪੌਟ ਬਣ ਗਿਆ ਹੈ, ਜਿੱਥੇ 2053 ਸਰਗਰਮ ਮਾਮਲੇ ਹਨ। ਗੁਜਰਾਤ 1109 ਮਾਮਲਿਆਂ ਨਾਲ ਦੂਜੇ ਸਥਾਨ ‘ਤੇ ਆ ਗਿਆ ਹੈ, ਜੋ ਹੁਣ ਮਹਾਰਾਸ਼ਟਰ ਨੂੰ ਪਛਾੜ ਗਿਆ ਹੈ। ਮੰਗਲਵਾਰ, 10 ਜੂਨ ਨੂੰ, ਦੇਸ਼ ਭਰ ਵਿੱਚ 3 ਮੌਤਾਂ ਹੋਈਆਂ – ਦਿੱਲੀ, ਝਾਰਖੰਡ ਅਤੇ ਕੇਰਲ (ਇੱਕ-ਇੱਕ)। ਝਾਰਖੰਡ ਵਿੱਚ ਕੋਰੋਨਾ ਕਾਰਨ ਇਹ ਪਹਿਲੀ ਮੌਤ ਹੈ।
ਕੁੱਲ ਸਰਗਰਮ ਮਾਮਲੇ: 6815
ਕੁੱਲ ਮੌਤਾਂ: 68
ਪਿਛਲੇ 24 ਘੰਟਿਆਂ ਵਿੱਚ ਨਵੇਂ ਮਾਮਲੇ: 324
ਪਿਛਲੇ 24 ਘੰਟਿਆਂ ਵਿੱਚ ਮੌਤਾਂ: 3
ਵਿਸ਼ਵ ਸਿਹਤ ਸੰਗਠਨ (WHO) ਨੇ ਇਸ ਨੂੰ ਚਿੰਤਾਜਨਕ ਨਹੀਂ ਮੰਨਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਵੇਲੇ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ, ਪਰ ਸਾਵਧਾਨ ਰਹਿਣਾ ਬਹੁਤ ਜ਼ਰੂਰੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
