THOUGHT OF THE DAY :🙏🌸 ਅੱਜ ਦਾ ਵਿਚਾਰ 🌸🙏

THOUGHT OF THE DAY :🙏🌸 ਅੱਜ ਦਾ ਵਿਚਾਰ 🌸🙏

💫💫ਅਸੀਂ ਭੋਜਨ ਜਿਉਂਦੇ ਰਹਿਣ ਲਈ ਖਾਂਦੇ ਹਾਂ ਨਾ ਕਿ ਭੋਜਨ ਖਾਣ ਲਈ ਜਿਉਂਦੇ ਹਾਂ💫💫

🌹🌹🪴🪴🌻🌻🌸🌸🌹
ਅੱਜ ਦੇ ਦਿਨ : 16 ਅਕਤੂਬਰ
16-10-1710 ਸਿੱਖਾਂ ਅਤੇ ਬਹਾਦਰ ਸ਼ਾਹ ਦੀਆਂ ਫ਼ੌਜਾਂ ਵਿਚਕਾਰ ਲੜਾਈ।
1829 ਅਮਰੀਕਾ ਦੇ ਸ਼ਹਿਰ ਬੋਸਟਨ ਵਿੱਚ ਮੁਲਕ ਦਾ ਪਹਿਲਾ ਮਾਡਰਨ ਕਿਸਮ ਦਾ ਹੋਟਲ ਸ਼ੁਰੂ ਕੀਤਾ ਗਿਆ। ਇਸ ਵਿੱਚ 170 ਕਮਰੇ ਸਨ।
1870 ਈਥਰ ਨੂੰ ਦਰਦ ਦੀ ਦਵਾ ਵਜੋਂ ਇੱਕ ਆਪਰੇਸ਼ਨ ਵੇਲੇ ਪਹਿਲੀ ਵਾਰ ਵਰਤਿਆ ਗਿਆ।
1905 ਲਾਰਡ ਕਰਜਨ ਨੇ ਬੰਗਾਲ ਦੀ ਵੰਡ ਕੀਤੀ।
1928 ਮਾਰਵਿਨ ਪਿਪਕਿਨ ਨੇ ਬਿਜਲੀ ਦੇ ਬਲਬ ਦਾ ਪੇਟੈਂਟ ਹਾਸਲ ਕੀਤਾ।
1934 ਕਾਮਰੇਡ ਮਾਓ ਜੇ ਤੁੰਗ ਵਲੋਂ ਲੰਬਾ ਮਾਰਚ ਸ਼ੁਰੂ।
1953 ਕਿਉਬਾ ਦੇ ਫੀਡਲ ਕਾਸਟਰੋ ਨੂੰ 15 ਸਾਲ ਦੀ ਸਜ਼ਾ।
1968 ਵਿਗਿਆਨੀ ਡਾਕਟਰ
ਹਰਗੌਬਿੰਦ ਖੁਰਾਣਾ ਨੂੰ ਨੋਬਲ ਇਨਾਮ ਮਿਲਿਆ।

🌹🌹🌻🌼💥☀️🌙🌸🌹
World Food Day – ਵਿਸ਼ਵ ਭੋਜਨ ਦਿਵਸ:ਹਰੇਕ ਨੂੰ ਖਾਣ ਲਈ ਉਚਿਤ ਮਾਤਰਾ ਵਿੱਚ ਭੋਜਨ ਮਿਲੇ, ਇਸ ਉਦੇਸ਼ ਨਾਲ ਹਰ ਸਾਲ 16 ਅਕਤੂਬਰ ਨੂੰ ਇਹ ਦਿਨ ਮਨਾਇਆ ਜਾਂਦਾ। ਸਾਲ 2024 ਦੀ ਥੀਮ  Right to Food for better Life
ਸਰੀਰ ਨੂੰ ਤੰਦਰੁਸਤ ਤੇ ਸਿਹਤਮੰਦ ਰੱਖਣ ਲਈ ਸੰਤੁਲਿਤ ਭੋਜਨ ਦੀ ਲੋੜ ਹੁੰਦੀ ਹੈ। ਸੰਤੁਲਿਤ ਭੋਜਨ ਉਹ ਹੁੰਦਾ ਹੈ ਜਿਸ ਵਿਚ ਸਹੀ ਮਾਤਰਾ ਅਤੇ ਅਨੁਪਾਤ ਵਿਚ ਪੌਸ਼ਟਿਕ ਤੱਤ (ਕਾਰਬੋਹਾਈਡ੍ਰੇਟ,ਪ੍ਰੋਟੀਨ,ਚਰਬੀ, ਵਿਟਾਮਨ ਤੇ ਖਣਿਜ ਪਦਾਰਥ) ਹੋਣ।ਸਹੀ ਮਾਤਰਾ ਵਿੱਚ ਲਏ ਤੱਤ ਸਰੀਰ ਦੇ ਵੱਧਣ ਫੁੱਲਣ ਅਤੇ ਬਿਮਾਰੀਆਂ ਨੂੰ ਰੋਕਦੇ ਹਨ।ਇਨਾਂ ਦੀ ਘਾਟ ਕਾਰਨ ਸਰੀਰ ਕਮਜੋਰ ਹੋ ਜਾਂਦਾ ਹੈ।ਡੱਬਾ ਬੰਦ ਤੇ ਫਾਸਟ ਫੂਡ ਵਿੱਚ ਤੱਤ ਨਹੀ ਹੁੰਦੇ।
1-ਪ੍ਰੋਟੀਨ: ਭੋਜਨ ਵਿੱਚ ਸਭ ਤੋਂ ਜਰੂਰੀ ਤੱਤ ਹੈ।ਇਹ ਸਰੀਰ ਦੇ ਵਿਕਾਸ ਅਤੇ ਤੰਤੂਆਂ ਨੂੰ ਠੀਕ ਕਰਨ ‘ਚ ਸਹਾਇਕ ਹੁੰਦਾ ਹੈ।
2-ਚਰਬੀ : ਇਹ ਭੋਜਨ ਨੂੰ ਘੁਲਣਸ਼ੀਲ ਤੇ ਸਵਾਦੀ ਬਣਾਉਦੀ ਹੈ।
3-ਕਾਰਬੋਹਾਈਡਰੇਟ: ਇਹ ਉਰਜਾ ਦਾ ਮੁੱਖ ਤੱਤ ਜੋ ਅਨਾਜ ‘ਚ ਹੁੰਦਾ ਹੈ।4-ਖਣਿਜ ਪਦਾਰਥ ਤੇ ਵਿਟਾਮਨ : ਇਹ ਸਰੀਰ ਦੇ ਵਿਕਾਸ ਤੇ ਸਰੀਰ ਦੀਆਂ ਜਰੂਰੀ ਕਿਰਿਆਵਾਂ ਨੂੰ ਠੀਕ ਕਰਨ ਵਿੱਚ ਮਦਦ ਕਰਦੇ ਹਨ ਤੇ ਨਵੇਂ ਸੈਲਾਂ ਦਾ ਨਿਰਮਾਣ ਕਰਦੇ ਹਨ।ਮਨੁੱਖੀ ਸਰੀਰ ਵਿੱਚ ਲਗਭਗ ਖਣਿਜ ਪਦਾਰਥ 24 ਕਿਸਮ ਦੇ ਹੁੰਦੇ ਹਨ।ਜਿਨਾਂ ਵਿੱਚ ਮੁਖ ਤੌਰ ਤੇ ਕੈਲਸ਼ੀਅਮ,ਲੋਹਾ, ਆਇਉਡੀਨ ਤੋਂ ਇਲਾਵਾ ਜਿੰਕ,ਕਾਪਰ,ਸੋਡੀਅਮ ਕਲੋਰਾਈਡ (ਖਾਣ ਵਾਲਾ ਲੂਣ),ਫਲੋਰੀਨ, ਪੋਟਾਸ਼ੀਅਮ,ਮੈਗਨੀਜ ਆਦਿ ਹੁੰਦੇ ਹਨ।ਵਿਟਾਮਨ ਏ,ਡੀ,ਈ,ਕੇ ਅਤੇ ਬੀ।ਅਫ਼ਸੋਸ ਦੇਸ਼ ਦੇ 19.46 ਕਰੋੜ ਲੋਕ ਕੁਪੋਸ਼ਨ ਦੇ ਸ਼ਿਕਾਰ ਹਨ ਭਾਵ ਦੁਨੀਆਂ ਦੇ 81.5 ਕਰੌੜ ‘ਚੋਂ ਚੌਥਾਈ ਲੋਕ ਇਕੱਲੇ ਭਾਰਤ ਦੇ ਹਨ। ਭੁੱਖਮਰੀ ਦੇ ਮਾਮਲੇ ਚ 107 ਦੇਸ਼ਾਂ ਦੀ ਸੂਚੀ ਚ ਭਾਰਤ 94 ਨੰਬਰ ਤੇ ਆ।
ਗਲੋਬਲ ਹੰਗਰ ਇੰਡੈਕਸ 2020 ਵੱਲੋਂ ਜਾਰੀ ਕੀਤੀ ਜਾਣਕਾਰੀ ਅਨੁਸਾਰ ਭਾਰਤ ਭੁਖਮਰੀ ਨਾਲ ਪ੍ਰਭਾਵਿਤ 107 ਦੇਸ਼ਾਂ ਦੀ ਸੂਚੀ ਵਿਚ 94 ਨੰਬਰ ਤੇ ਆਇਆ ਹੈ। ਇਸ ਮਾਮਲੇ ਚ ਭਾਰਤ ਬੰਗਲਾਦੇਸ਼, ਪਾਕਿਸਤਾਨ, ਨੇਪਾਲ ਅਤੇ ਸ਼੍ਰੀ ਲੰਕਾ ਤੋਂ ਪਛੜ ਗਿਆ ਹੈ। ਇਸ ਸੂਚੀ ਚ ਸ਼੍ਰੀ ਲੰਕਾ 64, ਨੇਪਾਲ 73, ਬੰਗਲਾਦੇਸ਼ 75 ਤੇ ਪਾਕਿਸਤਾਨ 88 ਨੰਬਰ ਤੇ ਹਨ।
ਪਿਛਲੇ ਸਾਲ ਦੀ ਸੂਚੀ ਵਿੱਚ ਭਾਰਤ 102 ਨੰਬਰ ਤੇ ਸੀ। ਬੇਲਾਰੂਸ, ਚੀਨ, ਯੂਕਰੇਨ, ਤੁਰਕੀ ਸਮੇਤ 17 ਮੁਲਕ ਪਹਿਲੇ ਸਥਾਨ ਤੇ ਸਾਂਝੇ ਤੌਰ ਤੇ ਕਾਬਜ ਹੋਏ ਹਨ। ਇਸ ਸੰਸਥਾ ਵਲੋਂ ਜਾਰੀ ਕੀਤੀ ਜਾਣਕਾਰੀ ਅਨੁਸਾਰ ਭਾਰਤ ਵਿੱਚ 14% ਤੋਂ ਵੱਧ ਅਬਾਦੀ ਭੁਖਮਰੀ ਤੋਂ ਪ੍ਰਭਾਵਿਤ ਹੈ। ਭਾਰਤ ਵਿਚ ਪੰਜ ਸਾਲ ਤੋਂ ਘੱਟ ਉਮਰ ਦੇ 37% ਬੱਚੇ ਭੁਖਮਰੀ ਕਾਰਨ ਮਾੜੀ ਖੁਰਾਕ ਤੇ ਪਲ ਰਹੇ ਹਨ ਤੇ ਉਹਨਾਂ ਦਾ ਜਰੂਰੀ ਵਾਧਾ ਬੁਰੇ ਢੰਗ ਨਾਲ ਪ੍ਰਭਾਵਿਤ ਹੋ ਰਿਹਾ ਹੈ।