ਬੇਕਾਬੂ ਕਾਰ ਪਲਟੀ, 2 ਨੌਜਵਾਨਾਂ ਦੀ ਮੌਤ
ਬੁਢਲਾਡਾ 28 ਜੂਨ (ਵਿਸ਼ਵ ਵਾਰਤਾ) Mansa News:ਸਥਾਨਕ ਸ਼ਹਿਰ ਤੋਂ ਪਿੰਡ ਅੱਕਾਵਾਲੀ ਬਰੇ ਰੋਡ ਤੇ ਜਾ ਰਹੀ ਕਾਰ ਦੇ ਬੇਕਾਬੂ ਹੋ ਜਾਣ ਕਾਰਨ 2 ਨੌਜਵਾਨਾਂ ਦੀ ਮੌਤ ਹੋ ਜਾਣ ਦਾ ਸਮਾਚਾਰ ਮਿਲਿਆ ਹੈ। ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਪਿੰਡ ਬਰ੍ਹੇ ਅੱਕਾਵਾਲੀ ਰੋਡ ’ਤੇ ਰਾਤ ਦੇ ਕਰੀਬ 10 ਵਜੇ ਤੇਜ਼ ਰਫ਼ਤਾਰ ਇੱਕ ਕਾਰ ਪੁਲੀ ਨਾਲ ਟਕਰਾ ਕੇ ਬੇਕਾਬੂ ਹੋ ਕੇ ਮਕਾਨ ‘ਚ ਵੱਜਦੀ ਹੋਈ ਪਲਟ ਗਈ। ਜਿਸ ਵਿੱਚ ਕਾਰ ਸਵਾਰ ਮਨਪ੍ਰੀਤ ਮੰਨੀ ਅੱਕਾਵਾਲੀ, ਜਯੋਤੀ ਪੁੱਤਰ ਗੁਰਚਰਨ ਸਿੰਘ ਮਾਨਸਾ ਗੰਭੀਰ ਰੂਪ ਵਿੱਚ ਜਖਮੀ ਹੋ ਗਏ ਨੂੰ ਤੁਰੰਤ ਲੋਕਾਂ ਨੇ ਸਰਕਾਰੀ ਹਸਪਤਾਲ ਬੁਢਲਾਡਾ ਵਿਖੇ ਦਾਖਲ ਕਰਵਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। ਪੁਲਿਸ ਨੇ ਮੌਕੇ ਤੇ ਘਟਨਾ ਦਾ ਜਾਇਜਾਂ ਲਿਆ ਅਤੇ ਥਾਣੇਦਾਰ ਥਾਣੇਦਾਰ ਗੁਰਜੰਟ ਸਿੰਘ ਨੇ ਲਾਸ਼ਾਂ ਨੂੰ ਕਬਜੇ ਵਿੱਚ ਲੈਂਦਿਆਂ ਪੋਸ਼ਟਮਾਰਟਮ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।
